u/Lalo_salamanca19

ازاي اتعامل مع احتياجي للأتنشن ممكن ابان اني هايف او تافه بس بجد الموضوع ده بيسيب جوايا فراغ يعني في الجامعة بشوف الناس عندهم علاقات اكتر مني بكتير وخصوصاً لما بلاقي شباب قدي بيحظوا باهتمام من البنات سواء كحب او كلام عادي والحالتين مش عندي وف نفس الوقت انا مليش ف العلاقات ومدخلتش قبل كده وعارف انه حرام غير كده انا بعيد اوي عن الجواز وحتى احتكاكي بالبنات ف الدروس مكانش غير ف ٣ ثانوي ودايما بحس في حاجة فايتاني بحس اني مش شبههم ومش عارف ابقى زيهم و رغم ان شكلهم عادي وانا شكلي عادي برضو مش وحش ومش مز برضو و حاسس ان الوقت بيجري وكله سابقني وغير كده لما بدخل ريديت كنوع من أنواع الهروب من الواقع بلاقي برضو الشباب اللي اصغر مني(انا ٢٠) بيبقى هزارهم مع بعض مختلف وبلاقي البنات يتهزر مع الولاد بتلقائية عادي زي سيرفرات الديسكورد اللي تبع ريديت وكده دايما بحس نفسي غريب رغم اني ببقى عايز انخلط معاهم بس مش عارف ايه المشكلة وغالباً المشاعر السلبية دي هي اللي بتزود عندي نهم الاباحية الشديد الفترة دي واللي بالمناسبة حلم من احلامي اتخلص منها و بقيت مهما كنت تعبان حتى لو لسه راجع من ١٤ ساعة شغل وهبقى هموت وانام اعملها مرتين و٣ رغم ان مفيش شهوة اوي بس بقيت حاسس الموضوع مرضي مش شهواني وبقيت كأني بعتدي على جسمي من كتر ما بعملها وأحياناً كتير كنت بحاول ادخل لبنات دي ام على اي منصة او ابلكيشن يمكن الافي الاتنشن اللي عايزه مكنتش ببعت بتاعي والجو ده بس الموضوع مهين فعلاً ومحدش عبرني

وبقيت نفسي اروح لثيرابي

اسف لو طولت بس حبيت اقول جزء من الكلام اللي جوايا عارف ان الكلام مش مترتب بس حرفياً انا عملت الاكونت ده علشان اكتب شوية الافكار المريضة دي و اصيح شوية ف لو حد حابب يقول حاجة كلي آذان صاغية