خطيبي غيور
عايزة اعرف رأيكم و هل الموضوع بزيادة ولا طبيعي. انا عارفه من الاول انه بيغير و انا معترضتش عشاني فعلا مش بعمل اي حاجه تثير الغيرة يعني و عمري م فكرت ان دي هتبقا مشكلة بس مؤخرا بدات اقلق لو الموضوع بزياده او مش طبيعي.
كنت ف تجمع عائلي مع اهلي و خطيب اختي و عيلته عندنا في البيت و شاركت في محادثتين بالزبط واحده عن شغلي و التانية عن واحد زميلنا جاله تكليف في مكان بعيد شوية ف دي كانت نقطة الحوار. لما حكيت لخطيبي كان شايف ان مكنش المفروض اتكلم في الموضوع التاني ده و ان دي حاجه مش مقبوله. قلتله بس دي محادثة جماعية مش فردية بس هو بردو كان شايف ان مش مقبول و حصل مشكلة بينا على الحوار ده.
انا معنديش مشكله اراعيه بس انا بدأت اخاف يكون الموضوع زيادة عن الطبيعي و ان حياتي تبقا خنقه و تحقيقات على الفاضي و المليان و انا كده كده براعي ربنا فيه. محتاجه اراء حقيقي عشان محتارة اوي و بسمع ان في ناس مريضة بالغيرة حتى لو الي معاهم كويسين.