u/Left_Imagination_260

عندي استفسار

نفسي نتبنى عقلية الطز بحياتنا...

بشوف كتير بوستات هون، ناس بتشكي من المجتمع، من انتقادات، من نظرات، من ناس سيئة بحياتنا و أول إشي بيخطرلي طز!

جد الحل و الجواب هو طز، ليه ما بتفكروا فيه؟

حدا مزعج و بيعلق تعليقات بلا طعمة؟ طز

صاحب غدر أو خان أو طلع سيء؟ طز

المجتمع نظرته ل اشي فينا مش منيحة؟ طز

يعني أعطوا قيمة للاشي المهم بس، و الناس المش مهمة و الغير مؤثرة بحياتكم طز فيهم يا جماعة...

كلها حياة دنيا بالآخر، بعيدا عن العبادات و الحسنات و السيئات، طز فيها كلها.

شو حدا بده يترككم؟ طز فيه بيجي غيره.

خسرتوا صاحب؟ طز فيه الحياة لسا رح تعرفكم على كتير ناس

جبتوا علامة مش منيحة؟ طز شدوا حيلكم و بتعوضوا لقدام

حدا علق على شكلكم؟ طز فيه إنسان سطحي كبوه من حياتكم

عقلية الطز لا تعني عدم المبالاة، ولكن تعني المبالاة بما هو ذا معنى و قيمة، و إحنا إلي منعطي قيمة للشيء، فلازم نفكر بشو بيستاهل نعطيه قيمة و شو لا...

فكروا منيح بالشخص او الموقف او حتى الماديات، أعطوها القيمة الي بتستحقها و لا تفكروا حياتكم واقفة على إشي ابدا، إنتو بس بتوقفوها...

ف طز يا جماعة بكل شيء لا يعنيكم، و الأهم نفسيتكم و صحتكم و راحتكم، لا تعلقوا سعادتكم بشيء

و كمان مرة أي شيء بينغص سعادتكم... طز

مسابقة أقبح آفاتار

يا بتعملوا أقبح آفاتار يا بتصوتوا لأقبح آفاتار، حطوا اليوزر يعني

ارفعو مستوى العبثية و كل ما كان أقبح كل ما كان أحسن

رايحة ارجع شعري القديم و شواربي

أشياء نفسي تكون ب ريديت بس بعرف طبيعة ريديت ما بتسمح

١. يبين مين بيعمل ابفوت و داونفوت

٢. يكون في فويس نوتس بالشات و عالكومينتس عشان أتفاهم مع الناس براحتي

٣. اذا عملت بلوك لحدا من حساب ينعمله بلوك اوتو من كل حساباته عشان أخلص

٤. ما يسمحوا لنفس الشخص يعمل مليار حساب أو عالاقل مش بمدة زمنية قصيرة

٥. يعملوا اختبار لقدرات الناس العقلية ب إمتحان قصير لما يجوا يسجلوا و قبل ما يستخدموه لأنه بحس حالي أوقات بتعامل مع بصلة مش بني آدم... و منه لتقليل المشاكل و الأمراض النفسية

٦. يكون في طبقية بين الناس بناء عالكاراما بلكي صارت في دراما زيادة، بس دراما إيجابية عالاقل...

شكرا لاستماعكم و نعم للاصلاح

والله بستغرب من هالقصة، شفتها كتير هون... ليه بتخاطروا بحالكم عشان مطاعم مشبوهة

ماشي الشاورما لا على عليها و عمتنا كلنا بس إشي و منه يا شباب، صحتكم اهم

بدي محل ببيع دراعات كويتي او عبي تكون مشكوكة شغل سهرة

ما بدي أثواب او مدارق

و بدي إشي للصبايا مش للختيارة

و يا ريت في صفحة أونلاين أتفرج قبل ما أروح 😭😭😭😭

اليوم في شب من اكتر الناس الي ما بطيقها بحياتي، بفضل الله تعالى، أخيرا حلق بعد يمكن ٣ شهور إذا مش اكتر...

(باركولي أنا حاسة بالنضافة عنه)

كمية التعزيز الي أخدها من الشباب، و النفخة الي انتفخها بس عشانه حرفيا حلق و اهتم بنضافته، لو أخدت ربعها كان زماني محتلة دولتين... إنه ليه يعني؟ شو عمل إشي يستحق يطبلوله هالقد 😂😂💀💀

ليه يعززوا لواحد عمل أقل القليل؟ مش المفروض تكون هاي بديهيات؟

بس بكل الأحوال والله إني مبسوطة إنه تحمم

يا أوادم الكم كم يوم بتتفاعلوا على بوستات كذب ب كذب، بنات بتعمل حالها شباب و بتكذب عليكم ببوست دراما، و شباب بتعمل حالها بنات و بتصير تألف مواقف...

انتو بس لو تركزوا معهم شوي بتستوعبوا إنهم قاعدين بيكذبوا و بيتسلوا بس مستغلين نقطة إنه ما حدا مركز مع الأسماء أو متبع شو بينزلوا!! مستغلين نقطة إنه مليان اكاونتات جديدة و ما حدا مركز معها...

بوست البنت إلي بتحكي كان لاحقها شب عراقي بالجامعة، هاد شب مش بنت و إله بوستات سابقة بيحكي فيها إنه شب بس ماسحهم، و الشب الي مبارح عمل حاله بيفضح بنت، هاي بنت كمان مش شب و كانت تتسلى علينا!!! و نفس الاشي مستغلة نقطة إنها ماسحة البوستات...

قبل شوي واحد نزل بوست فيه قلة حيا على البنات و مسحوه المودز، و رجع نزل واحد فيه فتنة على الشباب و هو مسحه، بعدها نزل نكتة غير لائقة على أطفال!!!

ركزوا مين بينزل و شو بينزل، ولا تصدقوا كل إشي بتشوفه عيونكم هون، في ناس ما عندها حياة و مستعدة تقعد تألف اشي عشان انتو تدقوا ببعض او تستفزكم و يتسلوا عليكم!!

أي حدا بيقدر يكذب هون، بس تذكروا هاي الشغلة ولا تاخدوا كل إشي بتقرأوه إنه حقيقي و مسلمات!! في أشياء ما بنمزح فيها، مش عشان تتسلوا يعني تقبلوا بالدناءة!!!

أنا بكره الاستشراف و المستشرفين، و بكره الناس الهشة الي مش راضية تشتغل على حالها و تطور ف بتروح بتنتقد باقي الناس إلي مشتغلة على حالها، و بتتهمهم اتهامات عجيبة لتبرر لنفسها فشلها... بكره الناس إلي ما بتنتقد نفسها و ما بتشوف المشاكل إلي عندها، كونه كلنا عنا مشاكل، فبدل ما تعترف فيها و تعالجها بس بيسقطوها على غيرهم و كأنه إلهم السلطة هاي و هم بنفسهم مش محاسبين، بكره الحقودين و الكذابين هدول و بكره الغباء تبعهم، لانه ما في مبرر لهيك عقلية بتخليك تتوقف عن التحسن و التطور غير الغباء...

بكره الغباء و الاستغباء و كل ما يؤدي لهما أو ينتج عنهما

حسبي الله و نعم الوكيل

محبين الصيف انتو مش صاحيين