سؤال قد يبدو غبى شويه بس يمكن حد يصححلى اللى انا عايزه اقوله بشكل اقتصادى منطقى
لو انا دلوقتى عندى شهاده فى البنك 200 الف و مش عايزه اكسرها و كده كده المبلغ ده مش هيجيب شقه و لا عربيه بس انا عايزه ازود المبلغ ده
لو افترضنا انى اخد قرض مثلا 20 الف بضمان الشهاده و احطه فاسهم صناديق كذا حاجه
و اسدد القرض لمده سنه او اتنين من فوايد الشهاده اللى هى فحدود 2800 و بعد المده دى
يبقى يرجعلى تانى اخد فوايد الشهاده زائد ال20 الف اللى فى الاسهم اللى انا اشترتهم بالفوايد بتاعت الاسهم دى
هل ده سيناريو منطقى و لا فى حاجه انا مش فاهماها
مع العلم انى مش محتاج الشهاده و مش محتاجه ال 2800 الفوايد او 20 الف و مش هصرف من ارباح الاسهم لحد ما اسدد القرض , يعنى مصاريفى الشخصيه من مصدر تانى خالص غير دول
الغرض من القصه زياده راس المال من غير ما اكسر الشهاده و اجرب فمبلغ كبير فى الاسهم بملغ 200 الف كله
و فنفس الوقت الفوايد 2800 زياده عن حاجتى دلوقتى بس مش مبلغ كبير كفايه للبورصه
و لا اضمن انى احط الف كل شهر فصناديق مختلفه و خلاص و هى هى ؟