u/Lil_bird76

لاحد يقول رايق

السلام عليكم

بسألكم مسكت شغل موظفين٢ استقالوا وشغلي اللي كنت ماسكه اعطيته موظف جديد وشغل اللي استقالوا كثير وصداع والسوبر فايزر يقول تعتبر ترقية بالنسبة لك لان ماعاد شغلك بسيط زي أول السؤال هو كم نسبة الزيادة اللي مفروض اطلبها لان فعلياً لو بنقارن الشغل براتبي الحالي مافي مقارنه ومتأكد لو اشتغل هالشغل في شركة ثانيه بالراحه بيعطوني مسمى وراتب يتكون من 5 خانات بدون ما اطلبهم حتى والصراحه كل ما اشوف الشغل كثير وراتبي اللي بستلمه اخر الشهر ماتغير تجيني ضيقه وحاولت اكلم المدير اكثر من مره يقول لي اصبر.

السلام عليكم
احنا في شركتنا عندنا ساعة عمل مرنه الصباح بشرط انك تعوض هالساعه اذا انتهى اليوم يعني مثلاً جيت ٨ تطلع ٥ .. وطبعاً مرسول ايميل من الاتش ار فيه تفاصيل القرار وموقع ومختوم من الهيد اوفيس .. مديرنا قرر ان قسمنا مايشملهم القرار وارسل للاتش ار اي موظف في قسمنا يجي بعد ٧ بالضبط خصموا من راتبه ولاتناقشوني وفعلاً الخصميات شغاله على رواتبنا وحتى في ناس عطاهم انذارات تأخير بس عشانهم يجون ٧:٣٠ و٧:٤٥ سؤالي هل يحق له؟ وسكوت الاتش ار له هل هو شي طبيعي؟

السلام عليكم
سيارتي uni v شانجان وماشاءالله السياره ماشيه معي بس بعد ٣ سنوات قامت تستهبل عبيتها بنزين المره الاولى ما اشتغلت وتعطيني لمبة البطارية وانا توني مغيرها شهر يونيو بعد محاولات اشتغلت وعدت ايام على هالموضوع وبعدها قبل اسبوع عبيتها وطفت علي في اشارة وكأني فاتح السويتش بس وتطلع علامة بطارية و وصلتني الى حارة بيتنا وقمت اتمشى عليها شوي شوي وطفت ونفس الشي علامة بطارية طبعاً طلعت المشكلة مره ثانيه لاني ماسك خط عليها الساعه ٢ الظهر وديتها لكهربائي قال لي الطرمبه واكثر من شخص يقول طرمبة البنزين وديتها الوكالة جلست عندهم من الاحد الى الخميس ودقو علي قالوا مافيها شي تعال اخذها خذتها وفعلاً طبيعيه بس مو متأكد استهلكت بنزين وعبيتها وشغلتها والمحرك قعد سنه عشان يشتغل سؤالي كيف اثبت للوكالة انها فعلاً الطرمبه حقت البنزين ولازم يغيرونها لي ؟
ملاحطه: السياره على الضمان لحد يقول

ياجماعه في واحد صاحبي تعرفت عليه في العمل وكنت اروح واجي معه غدا فطور قهوة رحت مكه ورجعت الشخص هذا ما اشوفه مثل أول ولا احب اجلس معه واسمع سوالفه صاير ثقيييييللللل والجلسه معه غثيثه والمشكله اني ضايفه في السوشيل ميديا افكر أبلكه كذا بدون سبب حتى سيارته اذا شفتها في المواقف العن فيه لا شعورياً ولا احب اوقف سيارتي قريبه منه عشان ما اصادفه المشكله الشعور هذا له هو بس هل في احد مر بنفس حالتي ولا انا نفسيه؟

السلام عليكم

السؤال للمحاسبين في احد جرب يقدم خدمات محاسبيه للكوفيهات والمطاعم الصغيره وهل الشغل صعب وكم ساعه ياخذ منك الشغل؟

السلام عليكم
عندي استفسار الشركات الكبيره مثل ارامكو وسابك اذا انقبلت فيها وتأهلت للفحص الطبي هل انرفض بسبب وجود مرض وراثي؟ تخصصي ماليه