u/Little_Professor_223

حرفيا دي واحدة من اقرف المباريات اللي شفتها في حياتي البرتغاليين خوافيين و ما دايرين يهاجموا و مفروض يطلعوا الدون من الدقيقة كم و ستين لاكن لالا دا الدون لازم يلعب ، اهاا امسك اسي لا اتأهلت لا كرستيانو عمل حاجة ، الحمد لله بس ما لاقيتو فريق زي فرنسا كان اتركبتوا سكور ، خوافييين ياخ

يا جماعة الزول المسؤول عن بنكك دا مفروض يتعاقب و الله دي ما شغلة ليهم التطبيق ليه يومين ما داير يشتغل و اسي كسرت حنك ملابس العيد عشان ما شغال

يا جماعة و الله انا زهجت من الكلام في الموضوع دا و كل مرة بقول خلاص الناس دي كبيرة و واعية و ما بتعمل حركات الشفع دي تاني لكن و الله اليومين الفاتو ديل الدكاترة عملوا فينا عملية شينة عديل اول حاجة الدنيا ماشة على عيد و الدكاترة دايرين يخصلوا المقرر قبل ما يمشوا و مفروض نأجز بكرة ، يلا في واحد من الدكاترة اصلا عندنا معاهو مشاكل و انا شاكي انو عندو ثنائي القطب لانو مزاجو بيتغير في ثواني و نرجسي لي درجة مخيفة و كان قال لينا قبل اسبوع كدا انو ما عندي ميدتيرم في المادة و و انا سألتو شخصيا و أكد لي الكلام دا بي خشمو يلا قبل يومين رسل انو في ميدتيرم و الناس اتجرست و بدت تقرأ عشان تلحق و و انا طبعا كسرت الحنك فما مشيت الليلة الجامعة اصلا لانو قنعان و نفسي قافلة فقعدت ساي و بعد وقت الامتحان انتهى سألت ناس معاي في الجامعة قالوا لي عمل درامات و حاجات لو قلت ليك بعملها دكتور ما حتصدقني و قال ليهم انو مافي ميدتيرم و دا كلو كلام ساي مني و كدا بس داير يشوفنا بنتعذب و ناس بيكتبوا تعهدات و كلام فاضي داير زول مننا يفتح خشمو عشان يقول ليه انجح في الامتحان كان راجل و طبعا اليوم عدى مع الدرامات دي و رجعنا و بقينا خلاص بكرة حنأجز للعيد و المعنويات فوق و يلا طبعا الفرحة ما حتتم و لازم يجي واحد ما نصيح يخربها ليك و طبعا المرضى النفسيين كتار عندنا هنا ما شاء الله حدث ولا حرج ، المهم في واحد من الدكاترة قبل كم دقيقة كدا رسل انو في ميدتيرم بكرة و الغايظني ما انو في ميدتيرم لالا الغايظني التوقيت بتاع النشر للكلام دا يعني اتخيل زول داير ينوم و الوقت منتصف الليل و الحاجة دي اتكررت اكتر من مرة يعني يقولوا ليك تسليم الواجب الساعة الواحدة بالليل و مرات يقولوا ليك انو في بكرة في محاضرة الساعة ٨ صباحا و يرسل الكلام دا الساعة اتنين بالليل و حاجات تاني كتيرة مافي داعي اذكرها ، انا طولت في الكلام دا و الجواي كتير و الله لكن ما بقدر اقولو لكن بس بقول لي كل مدرس في جامعة او مدرسة لو انت عندك مرض نفسي او اكتئاب و ما داير تشتغل بي ضمير و ما بتقدر احوال الناس البتدرسهم ما تشتغل من الاساس و ارحمنا منك و شوف ليك شغلة تانية