u/LolitaaExpress

١. الدخول الشامل تم تأكدوا من وجوده مئة بالمئة.

٢. بقت بعد اجرائات، تصويت ونشر الكتاب ويرتبون القاعات واسماء المشمولين بالدخول الشامل وإلخ.

٣. معقولة يمتحنون الدخول الشامل هسه والامتحانات بعد أسبوع؟: لا. أكيد لا. فراح يصير واحد من الإثنين:

أ: يصير إلهم دور خاص غير عن الدور الثاني الحالي ويمتحنون وحد.

ب: تتأجل إمتحانات الدور الثاني بالكامل.

٤: أكو دور ثالث؟: الكل عنده دور ثالث، الدخول الشامل والداخلين اثنينهم عندهم دور ثالث بدون أي نقاش. موجود لا تخافون. لكن الداخل راح يدفع على كل مادة يمتحنها. بس الشامل مايدفع.

٥: هسه طالب الدخول الشامل شنو يسوي؟: يكعد يقرة ويشد حيله ومايعيد، وينجح حتلو خمسين، ويا درس يوكع بي عنده دور ثالث ينجح عادي.

٦: هسه الطالب الداخل شنو يسوي؟: يكمل طبيعي ولا يخلي بباله أكو تأجيل للإمتحانات أو شي.

تحذير: أكيد بحكومتنا المعروفة بسمعتها كلشي ممكن يصير، لكن كلامي بنسبة كبيرة هوه الواقعي والمتوقع. فما تحملوني أي شي اذا ماصار الي ببالنا.

هذولة الاثنين، يله حضر ايدك واللاخ يحضر مالته يله

البعض سألني عن التكوين المهني بألمانيا، وهاي خريطة بشكل عام:

١. شنو هوه التكوين المهني؟: هو برنامج دراسي عملي ونظري، تشتغل وتدرس في الوقت نفسه، وقت العمل والدراسة تختلف حسب البرنامج، أكو يومين دراسة و٣ أيام عمل وغيرها، حسب البرنامج نفسه إذا كان عملي أكثر أو نظري أكثر.

٢. شكد ينطون للطالب؟: من ٨٠٠ يورو الى ١٣٠٠ شهرياً، أكيد حسب البرنامج، ويزداد كل سنة، لكن هذا المبلغ لا تشوفه للترفيه، يكفيك للأساسيات مثل السكن والأكل والإحتياجات الخاصة.

٣. يكدر الطالب يشتغل عمل جزئي (ميني جوب) خلال الدراسة؟: نعم وهيج راح يكدر يحصل فلوس أكثر تفيده، لكن بشرط يكون عدد ساعات البرنامج والشغل سوياً مايتجاوزون ٤٨ ساعة بالأسبوع.

٤. متطلبات التكوين المهني شنو؟:

مثل سابقاً، حسب البرنامج، كالآتي:

التحصيل الدراسي: إذا ثالث متوسط تنقبل لكن مو بالبرامج العالية مثل التمريض، تنقبل كصاب حلاق هيج شغلات، واذا سادس اعدادي تنقبل وأفضل.

مستوى اللغة: مثل التحصيل الدراسي، إذا B1 تنقبل لكن مو بالبرامج العالية، والأفضل B2. وحسب البرنامج إذا يدوي وكلام قليل أو يحتاج تفتهم مية بالمية.

لكن خلي ببالك حتى لو انقبلت B1 وراك دراسة من صدك وواجبات وامتحانات لازم تنجح فلازم تطور من روحك ولغتك.

٥. شلون أحصل عقد تكوين مهني؟: تسوي السيفي مالتك على الطريقة الألمانية تبحث وشوف شلون تكون، تجيب شهادة اللغة مالتك، وتبدأ تقدم على حسب البرنامج الي تريده على مواقع التكوين المهني مثل

Make it in germany

Ausbildung.de

Azubi.de

Aubi plus

وتقدم شكد ماتكدر، تضل تقدم، كون ملفك مرتب، وراها تحصل مقابلات بالألماني على الإنترنت همه يتواصلون وياك واذا اقتنعوا يدزولك العقد وتترتب الأمور، حسب انته وشطارتك باللغة ولباقتك وثقتك.

هسه تسألني أكيد أنقبل وأحصل عقد؟: خليني أكلك شي، ماكو شي أكيد بهاي الدنيا إلا الموت، انته اشتغل وتعب نفسك وشوف هيه شلون تترتب، واذا أبد ماحصلت عقد، عندك لغة وشهادة مدرسة يعني خلصت ٩٠ بالمية من طريق الوصول بعدلك ١٠ بالمية، اني صراحة واكون صريح بهذا الشي داشوف هواي طلاب يطلعون عن طريق شركات واشخاص يساعدوهم بالحصول على عقد، ما راح اذكر اسم شركة او احد، لكن خليها كمنفذ أخير إذا قدمت على مئات البرامج وماحصلت عقد بعد قدمت كل الي بوسعك، شوفلك وحدة منهم وتعامل على سعر وخلي يحصلولك عقد لأن همه بألمانيا أقرب لهذني الشركات والبرامج مني ومنك.

صحيح ممكن تعب حتى توصل، صحيح راح تصرف فلوس، لكن بالنهاية راح تطلع من العراق الجحيم. وهذا الشي يسوى كل شي.

❤️ لا تستسلمون أبد وأحبكم

ألمانيا تستقبلك لكن بعدة شروط:

١. شهادتك العراقية مامتعرفة بالكامل هناك، لازم تدرس وتنجح سنة وحدة فقط بجامعة عراقية معترفة عندهم بالتخصص الي تريد تدرسه هناك.

٢. لازم تدرس بلغتهم الألمانية، ويكون أكو أختبار بالعراق تمتحنه تحصل شهادة لغة B2 يله تكدر تقدم.

٣. تاخذ هاي شهادة اللغة والسنة الي درستها وتقدم على جامعات ألمانية، تحصل قبول بوحدة

٤. الدراسة شبه مجاني تدفع تقريباً ٤٠٠ يورو بالسنة وينطوك كارت مواصلات مجاني

٥. انتبه على هاي النقطة، لازم عندك جوة ايدك ١٢ الف يورو يعني تقريباً ١٤ الف دولار، هذني ماياخذوهن منك، اكو حساب بنكي مغلق تحطهن بيهن، لمن توصل كل شهر ينطوك الف يورو من فلوسك وماياخذون منهن، هاي بس علمود يتأكدون عندك فلوس اكلك وشربك ومصاريفك. واذا انرفضت الفيزا أكيد يرجعوها إلك.

٦. عندك حق تشتغل خلال الدراسة شغل قانوني جزئي ٢٠ ساعة بالاسبوع خلال الدوام وخلال العطلة ٤٠ ساعة بالاسبوع.

هاي بشكل مختصر الرحلة، أكيد أكو تفاصيل بعد بس بشكل عام خلي ببالك الآتي:

أ. لازم عندك ١٦ ألف دولار، ١٤ ألف للحساب المغلق، وألفين للتكاليف والترجمة والتصديقات والفيزا والتذكرة.

ب. لازم تكضي سنة لخ من عمرك بالعراق تدرس كلية سنة وحدة بس.

ج. لازم تتعلم لغة ألماني لحد مستوى B2 بعد أنته وشطارتك وشلون راح تدبرها ويه الدوام.

د. وأكو حد أدنى للمعدلات المقبولة، كلما معدلك بالسادس أعلى كلما أفضل وإذا معدلك قليل بالسادس همه ياخذون معدل السنة الاولى مال الكلية واكو فد معادلة يطلعون معدلك النهائي فاذا جفصت بالسادس عاااادي جيب درجات عالية بالسنة الأولى مال الكلية.

بالتوفيق والتفوق لكم وأتمنالكم تخلصون من جحيم حاوية الشرق الأوسط ومزبلة العراق.

اشتعلت روحك يا كلب يا نكس انته ودينك القذر النكس الإرهابي

تحياتنا للشرطة الألمانية لتصفية هذا المجرم

هلو شابات وشباب

اني احبكم كلكم حتى الي يختلفون عني، واحب انصحكم لأني اني طالب عدت وعاصرت دفع متعددة. وتمنيت واحد حجة وياي هذا الحجي.

هواي منكم اليوم استلم نتيجتة، وهواي محبط منكم، وداشوف نتيجة لهذا الشي هواي يريدون يعيدون.

بداعت كل شي غالي عندك او عندج لا تعيد. ما تسوة وتندم. ليش تعيد اصلا؟ تريد تروح حكومي لأي اختصاص (عدا الطبيات)؟ عادي تكدر تروح الهن بمعدل ناصي مثل الهندسات والحاسبات والاداب والتربية والقانون وإلخ بمعدل ستينات يقبلونكم ترة! واذا ماتريد مسائي قدم استضافة صباحي تداوم حالك حال الي انقبل بالصباحي واثنينكم تتخرجون بنفس الشهادة.

الي يعيد يكتئب ويتأذى ويسمع حجي وصعب يتأقلم ويه الاصغر منه ولو بسنة، وراح يكفر باليوم الي قرر بي يعيد ويتمنى لو واحد حجة وياه هذا الكلام.

اما اذا تريد طبيات فخلي نصير واقعيين، اثنينه ندري مو حلمك طبية الا ما ندر وتريد تروحلها لانك على الاغلب عربانة اهلك والمجتمع يريدك تروحلها لو علمود الفلوس، واحب اكلك مابيها فلوس وتعب سنين وفائض وماتسوة ابد.

اما اذا تعيد لان تخاف من اهلك او ديجبروك تعيد لا تعيد ولا تقبل بقرارهم لأنه هو قرارك مو همه، انته الي راح تسهر الليالي وتتعب سنة لخ مو همه، لا تقبل اهلك يتدخلون بأي شي مو بس بالدراسة، كون لنفسك شخصية ووكفهم عند حدهم، اليوم يختارون اعادتك الي انته ماتريدها باجر يختارون الكلية الي انته متريدها وعكبة يختارون حتى شريكك، فتدخلاتهم البايخة لا تعير إلها إهتمام وطنشهم وسوي الي ابالك.

ونصيحتي وخلاصتها، انجح، موت روحك بهل شهر وشوية واكعد اقرة حتى لو واكع بسبعة تكدر تنجح، واذا مانجحت بكلهن عندك دور ثالث بس لا تخليه ببالك خاف مايجي، المهم سويت الي عليك. واطلع من هاي المرحلة البائسة اليائسة التعبانة واتحرر، واشتغل أنو تطلع من هذا البلد الفاشل، وتروح لدولة مرتبة وتنسى العراق ومأسايه ومشاكله وتعيش حياتك حر عندك احترام وتقدير من قبل الدولة وشعبها وتصير منهم يوماً وتتبرى من العراق والي بي. حتى تعيش الحياة الي انته فعلياً تستحقها كإنسان.

أحبكم. تحياتي ومحبتي لكل فرد منكم. ❤️