Hello im a 22F coming to eah jena as an exchange student alone in 3 months. Any tips on how to make friends and how to adjust? Im very big on having a lot of connections and friendships so being alone kinda is new to me. I like running and going to the gym if thats something i can make friends from
مرحبا انا مشكلتي مع والدي نوعا ما طويلة بس بدي اختصرها
بداية انا اول العشرين وهاي اخر سنة جامعة بتخصص صعب. بلشت مشكلتي معه من وانا مراهقة لما كنت فعليا ممسوحة الشخصية وما عندي لسان اعرف ادافع عن حالي. كنت ادرس بمدارس خاص بأول الصفوف بعدين نقلني عمدارس حكومية لضيق الوضع المالي وانا ما رضيت عحالي لاني متفوقة والاولى وين ما اروح فرحت عمدرسة خاصة من احسن المدارس وتخرجت منها منحة كاملة كل الاربع السنين وما دفع علي شلن وقتها لمدة اربع سنين حتى مصروف ما كنت اطلب عشان اخفف عليه هو ووالدتي.
بس تخرجت دخلني غصبا عني على جامعة حكومية غالية وهو كان متوقع مني برضو اجيب منحة بطريقة ما وما زبط الوضع ومن وقتها وهو بعايرني انو بدرسني وبدفع علي وكأنه اريحه من الدفع حق من حقوقه كأب ومش بس انا كل خواني الي اصغر مني نفس الوضع.. كلنا منح، ومع هيك بالصيف اخر تلات سنين كنت اشتغل واجيب راتب بسيط عشان ما اطلب منه وكنت مع هيك اضطر اطلب.
كنت احس حبه الي مشروط بس عند الفايدة. عمره ما انحكالي انو فخور فيي او مبسوط بتعبي او جهدي. كملت الجامعة بمعدل جيد جدا ولحد الان ما قدرت اسمع منه كلمة منيحة. بعيش على انتقادي ويحطمني حتى لو كان مزح وكتير بنحكالي منه اني حقيرة وانانية وسيئة ووووو غيره من الكلام السلبي ووقتها انا بلشت ارد وادافع عن حالي انو انا عملت الي علي وزيادة وهاد واجبك كأب ولكن من بعديها صارت الامور اسوأ بحكم انه بني ادم جدا عصبي ومن ما وعيت عالدنيا وهو بكسر وبخرب وبصرخ وبتطاوش مع كل حدا حتى لو بني ادم مارق بالشارع. صار وقت ما اجي اناقشه حتى لو كان اسلوبي منيح يكسر تلفونه عالحيط يرمي لابتوبه ويدعس عليه ويكفر يصرخ واخر موقف فعلا كان مؤذي. اتنفتر فيي عشان خربطت بأكله وقلتله عادي بابا مش مستاهلة. مسك اكله وفعصه ودعس عليه ورمى الصحن والاكل كله بوجهي قدام كل خواني وامي وما حدا بقدر يحكيله اشي ويواجهه غيري لاني الكبيرة. شو اعمل عشان احمي نفسيتي وما اتأذى اكتر من هيك لاني مرضت نفسيا منه والقلق بياكلني