u/Luna_Rain__

الصورة اللي طلعتني عن شعوري، المراهقين اللي عمرهم ما اتعاملوا مع بنات وواخدين فكرتهم عنهم من التيكتوك، يا جماعة انتوا كرينچ فشخ واغبياء فشخ في نفس الوقت، والله بكرينچ منكم ومن غبائكم مش ممكن.

احنا وصلنا لمرحلة اننا بنتناقش في بديهيات، هو مين اللي بيتزين وبيحط ميكاب وبيعمل شعره وعمليات تجميل اكثر؟ مش الستات؟ تفتكروا ليه؟

هو اغلب الكوبلز اني فيهم بيكون اجمل؟ الست ولا الراجل؟ وتفتكروا ليه؟؟

+ الدراسات اثبتت ان الرجالة بتهتم بالشكل ومش بتتغاضى عنه عشان شخصية البنت كويسة، لدرجة ان لو الست مرضت وشكلها اتغير اغلب الرجالة بيسيبوها، واهي لينكات للدراسات عشان معنديش دماغ حد مريض يدخل يقولي مفيش دراسات كدا

اول دراسة و ثاني دراسة

+ اي مريض هيجي يقول برضو البنات بتهتم بالشكل ولو بنسبة صغيرة هقوله اه، وبنسبة كبيرة كمان لكن عمرها ما تكون اكبر من نسبة الرجالة وبنفس الوقت ممكن تتغاضى عن المواصفات اللي عايزاخا مش زي الراجل، لأن طبيعي اي انسان بيبحث عن حد ينجذبله شكليًا دا مش بيخليها شريرة، ارحمونا

تعديل** عشان اللي عاملين منفصلين عن المجتمع وبيقولوا دي قضية طفل مش نساء، هو كام مرة بتشوفوا قضايا تأديب ضحيتها طفل مش طفلة؟ كام مرة اصلا بتشوفوا قضايا قتل ضحاياها رجال مش نساء؟ هل انا بنكر ان فيه رجالة بتتقتل؟ لا هل بنكر ان فيه ستات بتقتل؟ لا برضو، بس الاكثر انتشارًا وبقا ظاهرة اجتماعية هو قتل النساء، والقضية اللي الست فيها قتلت زوجها من قبل خدت فيها اعدام، وشايفين ان الوضع طبيعي وعادل

دي مش اول قضية قتل ومش اول حكم غير مناسب القاتل ياخده، دي بقت ظاهرة اجتماعية منتشرة لدرجة ان الاخبار دي مبقتش تثير الجدل والناس بقت تشوفها وتقلب الصفحة من الاعتياد عليها، ومع ذلك شايفين ان الستات واخدة حقها بزيادة والستات هي الظالمة والخ.. عشان واحدة مثلًا خدت حضانة العيال في شقته "اللي بالمناسبة حقها الشرعي" واللي مش مقتنع يدخل يعمل بحث بربع جنيه.

انا لو في مجتمع الست هتاخد فيه شقتي مؤقتًا عشان تربي عيالي، او هترفع عليا قايمة "انا اللي مضيتها بنفسي"، لكن لو قتلتها هاخد بالكتير اوي سبع سنين او ممكن اخرج بدون حكم عادي والناس تقعد تبررلي وتدافع عني، مش هعتبر نفسي مظلوم ولا مضطهد في المجتمع، لكن الفئة دي بتموت في دور الضحية.