u/MCKVAY

البوست الي فات كنت نزلت ان التجربة مفتوحة وهنوثقها بشكل كامل خلال شهر 8 وبالفعل لحد الآن متوسط المكسب من اول الشهر ارتفع من 4% الي 9% (احنا لسه حتي موصلناش نص الشهر) والهدف 15% مكسب كا اجمالي محفظة لحد آخر الشهر.

المهم سهم من الأسهم الي حقق مكسب محترم ودخلنا قبل ما يتحرك كان أسمنت قنا، وعمل النهارده 20% مكسب (الحمدالله) وادانا فرصة للدخول لحد 201.10 جنيه يعني اقل حتي من سعر الدخول الي كنا عايزينه وقفل علي 243.6 جنيه ومتوقع بكره صفاره 20% كمان. باذن الله مكسب 40% في يومين.

ده غير الأسهم الي قفلنها علي مكسب النهارده في الصورة التانية بالتفاصيل والنسب وصافي الأرباح

افتح التشارت وأقراء التحليل وأشاره الدخول والسبب، وبالمناسبه كل ده automatically من غير اي تدخل بشري

جزء من تجربة السيستم الي نزلت عنه امبارح
هتكون اول مسابقة للأسهم في مصر علي تريدينج فيو، من يوم 9/8/2026 الي 27/8/2026 (هتبدأ من بكره، فالحق سجل)

الهدف تحقيق اعلي مكسب خلال فترة التداول وجوايز لأول 10 فائزين، وأي حد ممكن يشترك بدون مقابل.

الشروط:
• التداول الحقيقي وعدم التلاعب باي طريقة
• مسموح المشاركة مره واحده لكل شخص
• التداول علي أسهم البورصة المصرية فقط
• تسجيل البيانات الشخصية قبل انتهاء المسابقة

لينك المسابقة:

https://www.tradingview.com/community-competitions/01KZGHEX1SK1JDXGN6V6TX07CK/

لأي استفسار أتواصل علي تليجرام او كلمني برايف
@MCKEGXBOT

ركز معايا كويس…

هفتح تجربة مجانية محدوده لأخر الشهر لطريقة من الطرق الي بشتغل بيها وهدفها 15% مكسب شهرياً (حققنا متوسط 4% من اول الشهر).

كل الصفقات هتكون مسجلة وبالتاريخ وباختصار ده سيستم تداول الالي في البورصة المصرية مبني علي التحليل الكمي بيشتغل اوتوماتك بيدخل ويخرج ويحدد عدد الأسهم والسعر وبيحسب العمولة من غير اي تدخل بشري، بس بما ان رخصة التداول الالي في مصر مقتصره علي مؤسسات معينه فقط فهنشتغل بايدينا وهنفذ بنفسنا.

السيستم هيتفتح عندك وهتجرب بنفسك مش محتاج منك فلوس ولا اشتراك، كل الي محتاجه منك انك تجرب وتوصف تجربتك وتقول المميزات والعيوب علشان نطور السيستم اكتر.

مرشحش حد يدخل بفلوس حقيقي الأفضل تشتغل ديمو وتفهم السيستم وطريقة الشغل وتكون تجربة تعليمية تعرف تكسبك بعد كد، مفيش توصيات ولا نصيحة مالية الي هيشارك لازم يكون عنده استعداد يشارك بملحوظاته ووجهه نظره ويساعد في التطوير، لان فعلا كل يوزر هيدخل انا هدفع عليه مصاريف تشغيلية وتكلفة سيرفرات من جيبي.

وبالمناسبة السيستم هدفه التعليم، لان كل سهم له تحليله وتفاصيل وشرح الدخول والخروج من اول الصفقة لحد ما تقفلها، ودي في وجهة نظري افضل طريقة للتعليم لأنك بتشوف كل حاجه وشرحها قدامك لايف بالي بيحصل النهارده.

ضريبة دمغة كانت موجوده زمان في البورصة واتلغت فترة لأنها قتلت السوق والسيولة اتعدمت… بعدها بفتره فكروا ازاي يفرضوا ضرايب وفكروا في ضريبة الأرباح الرأسمالية الي فضلت سنين بين تأجيل وتطبيق وكانت من اكتر المؤثرات السلبية علي السوق.

الناس بتحسب وتفكر نسبة الضريبة كام وناس تانيه بتقول عادي ومتكبرش الموضوع زي ما حصل في ضريبة الموبايل من كام سنه وبدل الاعتراض علي الضريبة من الاساس كان كل واحد بيحاول يلحق نفسه وبيجري يسجل تليفونه علشان مينزلش ضريبة.

ازاي تفرض ضريبة سواء دمغة او أرباح رأس مالية، في وقت انت بتشجع علي الشمول المالي وبتحاول تخلي الشباب والناس تستثمر اكتر وتنشر ثقافة الاستثمار، ازاي ؟!

وكل فتره في ضرايب او رسوم جديدة زي رسوم مغادرة البلد و انتاج الأسمنت اللي لسه طالعة من يومين برضو، وبغض النظر عن الأسباب الاقتصادية وايه اللي وصلنا لكده بقيت حاسس ان احنا دخلين علي مرحلة "فرض الضرائب الباهظة" زي ما التاريخ بيعيد نفسه.

وصلت لهدف السنه الأخير من 3 أسابيع تقريبا وتخارجت من اغلب المراكز الاستثمارية والسوق حاليا مش افضل حاجه، فأنسب حاجه تتعمل انك تضارب علي خفيف بجزء من المحفظة.

ولكن لازم قواعد للمضاربه انا حطتها لنفسي… واحده منهم اني مدخلش** **في مازاد الافتتاح بالذات بما ان شايف السوق في تصحيح حاليا.

المهم** دخلت النهارده في المزاد ودي اول غلطة، شوفت momentum و سيولة بس في جاب تحت كبرت دماغي وتوكلت علي **الله،split second decision ودخلت.

استوب** كان قريب مبين 11.38 - 11.40 وهدف قريب
والي حصل ان اترمي كمية كبيره ضيعت عليا الاستوب وفجاءه السعر بقي 11.25 بالفعل الاستوب اتكسر واتحبست، هل دي غلطتي لا ده وضع السوق بالذات انك شغال ومكشوف، الغلطة أن أنا المفروض كنت أبيع وأرضي بالslippage** الي** حصل وخلاص بس انا عاندت مع السوق وقولت هيرد للاستوب **واطلع (حصل بعدها بس كنت طلعت خلاص بخساره اكبر)

السعر** كسر ونزل لحد 11.85 بخساره 29 الف جنيه فأقل من نص ساعه من بدايه الجلسة…** اه** انا مدخلتش بجزء كبير من المحفظة والخساره كإجمالي محفظة مضاربه بعيد عن محفظة الاستثمار، نسبه قليله الحمدلله، بس المبلغ نفسه يعتبر كبير مقارنتا بالهدف الي كنت حاطه يعني انا خاطرت بمكسب 12 الف جنيه مقابل خساره 29 الف وده R:R في الضياع طبعاً**

انا** طلعت بعدها بخساره فوق ال 11 جنيه لما السعر ارتد، ودخلت أوراسكوم علي 681 زي ما رجاله الجروب عرفين وعوضت جزء بس مازال الخساره اتحققت وتريده خساره عادي بنكسب ونخسر.**

مش** دايما مكسب ومش دايما خساره المهم تعرف كسبت ليه وخسرت ليه ومتخاطرش بفلوسك كلها…** اتمني** ان تكون استفدت حاجه زي ما أنا استفدت من الغلطات دي وان شاء الله مش **هتتكرر

* بالمناسبه** كل فتره والتانيه هنزلكم أسهم سواء مكسب او خساره للي حابب يتعلم ويفهم السوق ماشي ازاي و متدورش علي توصيات دور علي **التعليم، ولو حد احتاج حاجه يطلب وانا هساعد.

أوراسكوم نزل من 810 جنيه عند القمة وقفل 734 جنيه… ده طبيعي ؟

اه وركز معايا في الكلمتين دول
السهم بقاله سنه ونص في صعود من 256 جنيه ( قاع السنه الي فاتت) وطلع لحد 810 جنيه وحتي بعد ما نزل فهو مازال في قمه ومحقق مكسب فوق ال200% فأقل من سنه ونص.

السهم خد شوت طويل ووصل لقيمته العادلة ودي حاجه مش طبيعيه تحصل في بورصة مصر لان اغلب الأسهم اقل من قيمتها العادلة ومبتوصلهاش غير وقت استحواذ او خبر قوي.

هل أوراسكوم عليه اخبار قويه ؟
اه كان عليه اخبار ومحفزات صعود ممتازه، زي القضية الي كانت علي الشركه في 2025 واتحكم فيها بغرامه بس المبلغ كان اقل من المتوقع وده إيجابي، وكمان حوارات عائليه مبين نجيب وسميح سويرس وتقسيمة في هيكل الملكية كان لازم تطلع السهم بس ملناش دعوه 😁

المهم ليه بينزل بقي
لازم ينزل ويصحح ده طبيعي مفيش صعود علطول ولا هبوط علطول وممكن يخلص التصحيح بسرعه ويكمل او يدخل في تصحيح شهرين تلاته، انا بقول بقالي فتره هنا أوراسكوم مش مناسب للاستثمار حاليا والسهم اقرب انه يصحح والأفضل تشتغل تريدات معاه، لأكن مينفعش تاخد أوراسكوم ب800 جنيه وتقول استثمار سنه ده غلط بالذات ان في فرص في السوق بأسعار افضل وعندها فرص نمو مرتفعه وهتعمل نفس النسب.

من الاخر أوراسكوم سهم ممتاز وشركه قويه ويمكن شهادتي مجروحه فيه لان خدت الطلعه من أولها وكسبان الحمدلله بس حاليا من وجهه نظري غير مناسب للاستثمار بالسعر الحالي، ولو معاك اجني أرباح كل فتره علي اجزاء او اشتغل TSL ولو مضارب فأنت اكيد عارف سكتك.

وبالمناسبه انا شغال معاه تريدات علي السيستم زي التشارت الي فوق وملتزم بالاستوب وده الأهم.

* بالمناسبه** كل فتره والتانيه هنزلكم أسهم سواء مكسب او خساره للي حابب يتعلم ويفهم السوق ماشي ازاي و متدورش علي توصيات دور علي **التعليم، ولو حد احتاج حاجه يطلب وانا هساعد.

تريد تايكون** قفلت علي 158+% في أسبوعين، تريده خطر وسهم في تلاعب كتير وصعود غير مبرر، ولاكن الحمدلله قدرنا ندخل قبل ما السهم يتحرك والسيستم شاف حركه الميكر ونهايه التجميع في التوقيت الصح وكمان طلعنا في التوقيت الصح قبل ما السهم يعكس.**

السهم** ده انا مفضلش ادخله ولا استثمار ولا مضاربه حتي بعد نسبه المكسب الضخمة دي، بس كانت فرصه وضحه نسبيا ومبلغ المخاطره كان ميفرقش معايا حتي لو خسرته كله، وده كان القرار الصح مع سهم متذبذب زي ده.**

هل** ده معني ان ده طبيعيه البورصة؟
لا، ده حجات بتحصل والناس بتجري وراها، زي يوتوبيا كده وفي الاخر هينزل زي ما طلع علي الأقل النص، خليك في المضمون وأشتري في الشركه الي انت فاهمها وعارفها واعرف المخاطره كويس والاهم الاستوب وهل السهم في سيولة تقدر تطلع ولا هيتقفل عليك زي ما حصل النهارده وامبارح والسهم رجع نزل 20% ومحدش هيعرف يبيع.**

* بالمناسبه** كل فتره والتانيه هنزلكم أسهم سواء مكسب او خساره للي حابب يتعلم ويفهم السوق ماشي ازاي و متدورش علي توصيات دور علي التعليم، ولو حد احتاج حاجه يطلب وانا هساعد.**

البورصة المصرية النهارده هبوط وخسائر والأفراد من الخوف باعوا الاسهم بخسارة… الي حصل ان البورصة بداءت الصبح بخوف بسيط وهبوط ضعيف نسبيا بسبب البورصات العالمية وبعدين سيستم البورصة وقع في في نص الجلسة لمده 45 دقيقه تقريبا

بورصات العالم بلا استثناء مش عادلة وفي تلاعب كتير، بغض النظر النهارده كان مشكله حقيقيه ولا لا

بس المفروض الي يشتغل في السوق ده يكون فاهم وعارف الدنيا بتمشي ازاي مش مجرد اي حركه تهزه ويخاف ويبيع، ملهاش حل غير انتشار الوعي والتعليم والي الناس هتفضل تخسر للأسف.

لو حد واخد باله ومتابع السوق هيعرف ان بورصة مصر انفصلت عن البورصات العالميه بقالها 14 شهر تقريبا، زمان امريكا تنزل مصر تنزل امريكا تطلع مصر زي ما هي ثابته، وده أتغير بقالنا مده يعني مفيش مبرر من البدايه انك تقلق وتقول الحد هبوط زي ما بيحصل من يوم الجمعة

الناس اول ما يحصل حاجه بعيده عنك وملهاش صله بيك تجري علي الجروبات والنت تقول البورصة يوم الحد هتنزل ولا لا وكل واحد بيحاول ينجد نفسه الأول وده بيساوي خساره للكل

احنا بنشتغل بالأرقام في ارقام مهمه في الشراء والبيع الي يحصل في النص ولا يفرق معاك ولا يهزك، عندك هدف استني واحتفظ وعندك استوب لو كسر حقيقي وقتها بيع، لأكن تحاول تبقي اذكي من السوق هتخسر لان مفيش اذكي من السوق، السوق الأول و بعدين احنا بنمشي وراه مش بنسبقه !

علشان الرعب الي عند الناس من امبارح بسبب حوار ان ثاندر زي الريان وكلام هشام عز العرب والقصة دي، فيديو توضيح لكل حاجه وعمتا اطمن فلوسك أمان:

https://youtu.be/OVxfJNJ-iTI

موضوع للنقاش، وبتكلم جد عايز افهم وجهه نظرك.

ليه شايف التحليل والتشارت اي كلام ومش حقيقي، ايه الي وصلك للنتيجه دي… لان اكيد في سبب.

ومش بتكلم ان سمعه التداول والبورصة هي في الاساس النصب والمؤسسات بتضحك علي الأفراد وتاخذ فلوسهم والوهم زي الي يجي يقولك بص أرباح التداول وعايشين في دبي والقصه دي، أنا فاهم ده وعارف انه في الاساس في شبه حرمانيه ده غير انه صعب واكتر من 87% بيخسر.

أنا بتكلم في ان ليه ناس فعلا مصدقين انه السوق مبيشتغلش بالفني في بورصه زي مصر ولا امريكة الي من تجربتي التحليل الفني شغال وزي الفل اه مش بالمبادىء العاديه الي الكل متعلمها زي شموع ونماذج وهكذا (رغم أنها بتشتغل في بعض الأحيان)

ولاكن حاجه زي تحليل الفوليوم والتنفيذات أنا شغال بيها والحمدلله شغاله تمام، وفي ناس اعرفهم كتير بيشتغلوا بكلاسك او smc او جان إلخ… وشغاله برضوا وبيكسبوا.

مع العلم اني ابتديت كمستثمر من 2018 واعتمدت علي دراسه ماليه كامله فقط من غير حتي ما أبص علي تشارت ووقتها كنت بكسب والحمدلله ولاكن لما اتعلمت اكتر وتعمقت في المجال واستخدمت مالي مع فني بقيت اكسب وانا فاهم بكسب ليه والرزق كده كده علي الله

ولحد الآن مقتنع ان الاستثمار بيعتمد علي المالي مش الفني إطلاقاً،** بس هتحدد افضل سعر للدخول ازاي ؟ طيب وقف الخساره ؟ طيب هل أصلا السهم المالي القوي ده فنيا قوي برضوا ؟ هتعرف ازاي من غير فني**؟

وحاجه زي المؤشرات الي بتتبع مجموعه أسهم هتحللها ازاي من غير فني.

الي عنده إجابه يقولها وانا مش هحاول أقنعك بوجه نظري خالص عايزك انت الي تقنعني واعمل downvote برحتك.