u/Maceda320

السلام عليكم ورحمة الله وبركاته، صبحكم الله بالخير، وبعد،،،

الصور الأولى والثانية من السوق التراثي بحديقة الملك فهد ( رحمه الله )بالمدينة المنورة عام ٢٠١٦. كان السوق مكان جداً جميل وعريق ومليء بالمحلات الحرفية والأكلات الشعبية، وكان فيه أغراض أعتقد ترجع إلى ما قبل ٢٠٠ سنة.

الصورة الثالثة نباتات لطيفة عندي بالبيت

الصورة الرابعة عام ٢٠١٧ في باندونق بإندونيسيا لطائرة Boeing 737-200 مزودة بمحركات Pratt & Whitney JT8D، شكلها كانها استشوار وصوتها كانها ديناصور. (ما لحقت اسمعها بالواقع لأني مو مولود بالستينات)

الصور الخامسة والسادسة من عشوائيات طالب ثانوي عام ٢٠١٦ يستكشف إعدادات الإضاءة وسرعة غلق الشتر والـISO(نقدر نقول حساسية الضوء).

الصورة السابعة لمن قررت بطريق سفر وأنا نازل من السيارة ان شكل اللمبة عجبني وصورتها، لأن هذا شيء منطقي يسووه البشر. (أنا مو AI )

الصورة الثامنة لمن كان عندي ٢٠ قرام من محصول فيصل يونس من محمصة عبلة (محبين القهوة تراه محصول جميل بكل أمانة)
قررت أن أحاول أتفنن واسوي رسمة، واللي طلع معي مثل التعليق بالصورة.

نشكركم على وقتكم الثمين ومتابعة العشوائيات. ادعولي افضى اصور لأني حصلت كم مكان جميل بجده.

تعديل: أخطاء هجائية نعسانية. وصححت رقم المكينة من JT3D إلى JT8D. ممكن يكون فيه شخص ثاني يحب الطيران ويجلدني على هذا الخطأ الضخم.

السلام عليكم ورحمة الله،

تفضلوا عشوائيات عثرت عليها بجوالي القديم، الصور كلها مابين ٢٠١٥ إلى ٢٠١٧. اي نعم ٢٠١٥ كان قبل ١١ سنة، لا مو لحالك تفكر عام ٢٠٠٥ يوم نقول قبل ١٠ سنوات.

(الصورة الأخيرة برمضان الماضي لكن عجبتني وحطيتها واسطة ولأن الأفضل بالنهاية)

دمتم بخير

السلام عليكم ورحمة الله،

تفضلوا صور عشوائية من ايام مختلفة من سنين مختلفة.

أول صورة كانت بصباح جميل وهادئ (نقطة للي يجيب المطار وعشرة نقاط للي يجيب نوع الطيارة اللي أنا فيها)

ثاني صورة من يوم لطيف (شكلياً) لكن الناموس والرطوبة أكلوني (معلومة شاطحة: الناموس يحب فصيلة O+ أكثر شيء…حزروا ايش فصيلة دمي؟)

ثالث صورة من يوم لطيف وبعيد عن أجواء الدوام بمدينة هادئة ولطيفة وفيها البيك

رابع صورة بإندونيسيا… وقتها قررت أنه منطقي أحط جوالي عند الشلال الصغير وأصوره.. منطقي صح؟

خامس صورة كانت أول تجربة لي لمحاولة تصوير خط النجوم، الصورة أخذت مني ساعة ونص ولأني جبت العيد بمقاس الشتر والISO طلعت زي كذا… ونسيت إنه فيه شاحنات بالطريق اللي كنت فيه (من الصملة مسكت خط تقريبا ساعة برة المدينة بس عشان أصور)

آخر صورة كانت من أوائل تصويري للنجوم، الخط المتقطع كانت طائرة مارّة والخط المستقيم شهاب صادف عبوره وقت التصوير سبحان الله.

يومكم سعيد وإن شاء الله فطوركم لذيذ

السلام عليكم ورحمة الله،

أول ثلاث صور كنت أصور تصوير بطيء بجوالي (ايفون ١٥ برو) وصادف برق بنص التصوير سبحان الله.

بعدها صورتين مختلفة للمسجد الحرام وصورة للمسجد النبوي وصارت خلفية جوالي، وآخر صورة صو عشوائية وانا اعمل صيانة لافضل وأروع وأطلق واحلى سيارة قد امتلكتها بحياتي، أسأل الله ان يبارك لراعيها الجديد.

اليوم بوست تصوير جوال فقط.. تقربوا القادم

السلام عليكم ورحمة الله، مسوي لكم يعنني تشويق كل يوم انزل كم صورة.

هذه صور ثانية اخذتها قبل ٩ إلى ١٠ سنوات بكاميرا D3200.

الصورة الأولى للغروب شمال شرق المدينة المنورة جهة المطار، كنت مبسوط مع الأجواء وأحاول ألتقط الروقان بالصورة.

الصورة الثانية بطريق القصيم-المدينة، تقريباً ٨٠ كيلو عن المدينة المنورة. كنت من أولى تجاربي للتصوير البطيء عشان ألتقط أضواء السيارت المارة كخطوط مستقيمة.

الصورة الثالثة كانت بإستراحة الوالد الله يحفظه، وكانت ليلة صافية وحتى الهلال مو باين، ومن هذه الصورة تقريباً بدأ شغفي بتصوير القمر والنجوم. المشترك بينها وبين الصورة الثانية أنه للعين المجردة ظلام دامس، والأضواء بطرف الصورة من استراحة جارنا الله يحفظه، تبعد حول ٢-٣ كيلو.

الصورة الرابعة من أول الصور اللي إلتقطتها بعدسة الماكرو إلا إني ما اتذكر هي كانت ٥٠ او ٨٥ مم. نقاط إضافية للي يعرف إيش هي النبتة (أنا ما اعرف)

باقي الصور بعدسة ١٨-٥٥.

السلام عليكم ورحمة الله،

هذه بعض الصور اخذتها ايام اقوى هواية للتصوير. كلها بكاميرا Nikon D3200