u/MahRaaI

حكيت مع شخص غريب ما بعرفه أبدا وأول مرة بنحكي ومن حسابي الانستا الأساسي وحكيت معلومات عني، وحاليا بحس بالندم الشديد والغباء، أنا مش صغير ولا مراهق وما بعرف شو كان بيتهيآلي لما حكيت هيك مع شخص غريب كليا وسمحتله يتجاوز حدوده معي وأعطيته كثير معلومات شخصية، بعرفش لي حكيت عن ميولي وهو بالحقيقة بصعوبة لحكيت لأشخاص مقربين بمحيطي بعد ما اختبرتهم ألف مرة، وكان اعتراف عابر حتى ما رجعت تطرقت للموضوع، وهسا كيف حكيت كل قصة حياتي بهذا الشكل وعن علاقاتي السابقة، كيف أحذف كلشي وأخفي المصيبة هاي وأضمن انه مش رح يضرني باشي؟
بدي أختفيييي

في أحلام بشوفها بفترات نوم غريبة وقصيرة بتكون شبه غفوات غالبا وبتذكرها بالكامل وبتتحقق بالزبط، أحيانا بتكون سيئة وبظل أحاول انه النتيجة ما تصير كيف شفت وبالآخر بصير شي وبرضو النتيجة ما بتتغير، لدرجة لو في أرقام أو أشخاص أو أوقات بتكون بالزبط كيف بالحلم، الموضوع مش جديد، بس بفترة حكيت عنه لأشخاص وبطل يصير، ومن فترة رجع بشكل كثير سيء، حد صار معه اشي مشابه؟ وفي تفسير لاله؟ الموضوع مرهق جدًا