u/MambiBirmano

HOD-Robot Alpha V1.1
(ပစ္စည်းမှာထားတာငွေမပြည့်သေးလို့ ဘာနည်းပညာပစ္စည်းမှ မသုံးထားရသေးပါ။)စွန့်ပစ်ပစ္စည်းတွေသာ အများဆုံးအသုံးပြုထားရလို့ အကြမ်းထည်ကြီး ချပြရတာ တောင်းပန်ပါတယ်ခင်ဗျာ။အများနဲ့ဝန်းရံကြရင်အဆင်ပြေမှာပါ။ကျွန်တော်တို့ ငွေမရှိပဲ ရှိတာနဲ့လုပ်ရတဲ့အခါ တစ်ခါတစ်လေ စိတ်ဓာတ်ကျပြီး လုပ်လက်စတွေ ရပ်ပစ်လိုက်ချင်တဲ့စိတ်ဖြစ်မိပေမယ့် စပြီးတဲ့ခြေလှမ်းတိုင်းဟာ နောက်ပြန်လှည့်လို့မရဘူး ဆိုတဲ့ ခံယူချက်ကြောင့် အားတင်းလျှက်...။

Harbinger Of Death - PDF

စစ်ကိုင်းဖက်ဒရယ်ယူနစ်လွှတ်တော် နဝမပုံမှန်အစည်းအဝေးမှ ပြဌာန်းအတည်ပြုခဲ့သော စစ်ကိုင်းဖက်ဒရယ်ယူနစ်ကြားကာလ ကာကွယ်ရေးနှင့် လုံခြုံရေးကောင်စီဥပဒေအား ပြည်သူလူထုသိရှိနိုင်ရန် ထုတ်ပြန်ကြေညာအပ်ပါသည်။

စစ်ကိုင်းဖက်ဒရယ်ယူနစ်လွှတ်တော်

ပြည်ထောင်စုသမ္မတ မြန်မာနိုင်ငံတော်

ကြားကာလ မကွေးဖက်ဒရယ်ယူနစ်အစိုးရ

ကာကွယ်ရေးဝန်ကြီးဌာန

ထုတ်ပြန်ချက်အမှတ် (၄/၂၀၂၆)

၁၃၈၈ ခုနှစ်၊ ပထမဝါဆိုလပြည့်ကျော် (၄)ရက်

(၂၀၂၆ ခုနှစ်၊ ဇူလိုင်လ ၃ ရက်)

သတင်းထုတ်ပြန်ခြင်း

မကွေးဖက်ဒရယ်ယူနစ်အတွင်း ယာယီကာကွယ်ရေးစစ်ကြောင်းများ ထပ်မံတိုးမြှင့်ဖွဲ့စည်းခြင်းအခြေအနေ

ကြားကာလ မကွေးဖက်ဒရယ်ယူနစ်အစိုးရ၊ ကာကွယ်ရေးဝန်ကြီးဌာနသည် မိမိတို့နယ်မြေအတွင်း လက်တလော ဖြစ်ပေါ်နေသော ရန်သူ့စစ်ကြောင်းများ၏ ကျူးကျော်တိုက်ခိုက်မှုများကို ပိုမိုထိရောက်စွာ ခုခံတွန်းလှန်နိုင်ရန်၊ စစ်ဆင်ရေးစွမ်းရည်ကို မြှင့်တင်ရန်နှင့် ဒေသတွင်း တည်ငြိမ်ရေးကို အလေးထား ဆောင်ရွက်နိုင်ရန် ရည်ရွယ်၍ အောက်ပါအတိုင်း စနစ်တကျ ပြန်လည်စုဖွဲ့မှုများကို တိုးမြှင့်ဆောင်ရွက် လိုက်ပါသည်။

ထပ်မံဖွဲ့စည်းလိုက်သော စစ်ကြောင်းများ (ပခုက္ကူခရိုင်)

(က) စစ်ကြောင်း (၅) - ပေါက်မြို့နယ် အခြေစိုက်

(ခ) စစ်ကြောင်း (၇) - မြိုင်မြို့နယ် အခြေစိုက်

စစ်ဆင်ရေးဆိုင်ရာ ပူးပေါင်းဆောင်ရွက်မှု

အထက်ဖော်ပြပါ စစ်ကြောင်းသစ် (၂) ကြောင်းသည် ယခင်ဖွဲ့စည်းပြီးဖြစ်သော ယာယီကာကွယ်ရေးစစ်ကြောင်း (၄) ကြောင်းနှင့် လက်တွဲပူးပေါင်းလျက် အကြမ်းဖက်စစ်တပ်၏ ရန်စွယ်ကို စုစည်းညီညွတ်စွာဖြင့် ခုခံတွန်းလှန်သွားမည် ဖြစ်ပါသည်။

ပြည်သူလူထုသို့ ကတိကဝတ်ပြုချက်

ကြားကာလ မကွေးဖက်ဒရယ်ယူနစ်အစိုးရ၊ ကာကွယ်ရေးဝန်ကြီးဌာနအနေဖြင့် မကွေးဖက်ဒရယ်ယူနစ်အတွင်း မှီတင်းနေထိုင်ကြသော ပြည်သူလူထုတစ်ရပ်လုံး၏ အသက်၊ အိုးအိမ်၊ စည်းစိမ်ကို အသက်နှင့်လဲ၍ ကာကွယ်စောင့်ရှောက်သွားမည်ဖြစ်ကြောင်း အလေးအနက် ကတိပြုအပ်ပါသည်။

ထို့အပြင် လိုအပ်ချက်များအရ စစ်ရေး၊ နိုင်ငံရေးအရ ဆက်လက်စုဖွဲ့မှုများကိုလည်း အရှိန်အဟုန်မြှင့်တင်၍ ဆက်လက်ဆောင်ရွက်သွားမည် ဖြစ်ပါသည်။ တိုင်းပြည်နှင့် ပြည်သူအတွက် အန္တရာယ်မှန်သမျှကို ရဲရင့်စွာ ရင်ဆိုင်တွန်းလှန်နေကြသော တပ်ဖွဲ့ဝင်များအားလုံးကို လေးစားဂုဏ်ပြုရင်း သတင်းထုတ်ပြန်အပ်ပါသည်။

ကာကွယ်ရေးဝန်ကြီးဌာန

ကြားကာလ မကွေးဖက်ဒရယ်ယူနစ်အစိုးရ

မန္တလေးတိုင်းစစ်ဌာန ကွပ်ကဲမှုအောက်ရှိ မြင်းခြံခရိုင်စစ်ဌာန စစ်ရေးသတင်းထုတ်ပြန်ချက်

၂၀၂၆ ခုနှစ်၊ ဇူလိုင်လ (၃) ရက်နေ့

(၁) ၂၀၂၆ ခုနှစ်၊ ဇူလိုင်လ (၂) ရက်နေ့၊ နံနက် (၁၁:၂၀) နာရီမှ နေ့လည် (၂:၃၀) နာရီခန့်အထိ မန္တလေးတိုင်း၊ မိတ္ထီလာခရိုင်၊ မလှိုင်မြို့နယ်၊ အိမ်ကြီးတောရွာသို့ စစ်ကြောင်း ထိုးလာသော ရဲတပ်ရင်း (၈) တပ်ခွဲ (၁) ဒုတိယ ရဲမှူးကြီး ဇော်ဝင်းထိန် ဦးစီး အင်အား(၁၁၀)ပါစစ်ကြောင်းအား မန္တလေးတိုင်းစစ်ဌာန၊ မြင်းခြံခရိုင်စစ်ဌာနကွပ်ကဲမှူဖြင့် မြင်းခြံခရိုင်စစ်ဌာန မြင်းခြံခရိုင် အမှတ်(၄)တပ်ရင်း ၊ မြင်းခြံခရိုင် အမှတ်(၁၀)တပ်ရင်း နှင့်အခြားတပ်ရင်းများ၊ မိတ္ထီလာခရိုင် အမှတ်(၂)တပ်ရင်း၊ မြင်းခြံခရိုင် (ပကဖ) ၊ နွားထိုးကြီး မြို့နယ်(ပကဖ )၊ မလှိုင်မြို့နယ် (ပကဖ/ TTA ပြောက်ကျားတပ်ဖွဲ့)တို့ ပူးပေါင်း၍ ဝင်ရောက်တိုက်ခိုက်ခဲ့သည်။

(၂) တိုက်ပွဲအတွင်း ရန်သူ့ဘက်မှ Mi-35 တိုက်ခိုက်ရေးရဟတ်ယာဉ်(၂)စီးဖြင့် အနီးကပ်ပစ်ကူပေးခဲ့သော်လည်း မိမိတို့ ရဲဘော်များ၏ ရဲရင့်ပြတ်သားစွာ တိုက်ခိုက်မှူကြောင့် ရန်သူ့တပ်သား (၇) ဦး မျက်မြင်သေဆုံးပြီး (၃၅)ဦးနှင့်အထင် ထိခိုက်ဒဏ်ရာရရှိခဲ့ကာ စစ်သုံံ့ပန်းအဖြစ် (၁၀) ဦး လက်နက်ချအညံ့ခံခဲ့သည်။

(၃) တိုက်ပွဲအတွင်း ရန်သူ့ထံမှ လက်နက်နှင့် စိန်ပြောင်းမျိုးစုံ (၂၀) လက်၊ ဒရုန်းနှင့်ဆက်စပ်ပစ္စည်းများ၊ ခဲယမ်းပစ္စည်းမျိုးစုံ သိမ်းပိုက်ရရှိခဲ့သည်။

(၄) ၂၀၂၆ ခုနှစ်၊ ဇူလိုင်လ (၂) ရက်နေ့၊ ညနေ (၅:၅၀)နာရီခန့်တွင် ညောင်ဦးလေတပ်မှ တက်လာသော Gyrocopter (၂) စီးဖြင့် နွားထိုးကြီးမြို့နယ်၊ အိုးပုံတောရွာသို့ ဗုံးသီး (၄)လုံး (၂)ကြိမ် ကြဲချခဲ့ရာ ပြည်သူထိခိုက်သေဆုံး(စိစစ်ဆဲ)ခဲ့သည်။

(၅) ၂၀၂၆ ခုနှစ်၊ ဇူလိုင်လ (၂) ရက်နေ့၊ ည (၆:၄၉) နာရီတွင် တံတားဦးလေတပ်မှ တက်လာသော Jet Fighter (၁) စီးဖြင့် အိုးပုံတောရွာအနောက်ဘက်သို့ (၂) ကြိမ် ကြဲချတိုက်ခိုက်ခဲ့ပြီး ည (၁၀:၁၆) နာရီတွင် တံတားဦးလေတပ်မှ တက်လာသော Jet Fighter (၂) စီးဖြင့် အိုးပုံတောရွာအနီးသို့ လေကြောင်းတိုက်ခိုက်မှု (၂) ကြိမ် ကြဲချတိုက်ခိုက်ခဲ့သည်။

(၆) ၂၀၂၆ ခုနှစ်၊ ဇူလိုင်လ (၂) ရက်နေ့၊ ည (၁၀:၃၀) နာရီတွင် နေပြည်တော်လေတပ်မှ တက်လာသော Jet Fighter (၁) စီးဖြင့် တောင်သာမြို့နယ်၊ လှည်းကူးမရွာသို့ လေကြောင်းတိုက်ခိုက်မှု ပြုလုပ်ခဲ့ကြောင်း အသိပေးထုတ်ပြန်အပ်ပါသည်။

တိုက်ပွဲသတင်းထုပ်ပြန်ချက်။

2.6.2026တွင်စစ်ကောင်စီအင်အား 300 ခန့်ပါစစ်ကြောင်းသည်ချောင်းဦးမြို့နယ်အတွင်းအဖိနိပ်ခံလူထုစီသို့​ထိုးစစ်ဆင်တိုက်ခိုက်လာကာစစ်ရာဇဝတ်မူ့များကျုူးလွန်လျှက်ရှိရာ အစ္စလာမ်မျိုးဆက်သစ်တပ်တော်Isalam Generation Army (I.G.A) နှင့်မဟာမိတ်များမှပူးပေါင်းတိုက်ခိုက်ခဲ့သည်။

အမှန်တကယ်လွတ်လပ်၍တရားမျှတသောနိုင်ငံတော်သစ်သို့ချီတက်ကြ

ကရင်နီပြည်လူမျိုးပေါင်းစုံ ပြည်သူ့လွတ်မြောက်ရေးတပ်ဦးရဲ့ (၄၈) နှစ်မြောက် နှစ်ပတ်လည် အခမ်းအနားပြုလုပ်

ဇွန် ၂၆ ၊ ၂၀၂၆

ကရင်နီပြည်လူမျိုးပေါင်းစုံ ပြည်သူ့လွတ်မြောက်ရေးတပ်ဦး (ကလလတ)ရဲ့ (၄၈) နှစ်မြောက် နှစ်ပတ်လည်အခမ်းအနားကို အကျဥ်းချုံး ပြုလုပ်ခဲ့တယ်လို့ Karenni People’s Liberation Army တပ်ရင်းအမှတ် (၉၄၂၁) က ဒီနေ့မှာ ထုတ်ပြန်ပါတယ်။

ဇွန်လ ၂၆ ရက်မှာ ကျရာက်တဲ့ (ကလလတ) ရဲ့ ၄၈ နှစ်မြောက် အခမ်းအနားကို ဒီနေ့မှာ ပြုလုပ်ခဲ့တာပါ။

(၄၈) နှစ်မြောက် အခမ်းအနားသို့ ကရင်နီပြည်နယ်ရဲ့ လက်ရှိ နိုင်ငံရေးအခြေအနေ နဲ့ စစ်ရေးအခြေအနေအရ ရှေ့တန်းတွင်တာဝန်ထမ်းဆောင်နေကြတဲ့ ရဲဘော်များရှိနေတဲ့အတွက် အကျဥ်းချုံးပြုလုပ်ရတယ်လို့ သိရှိရပါတယ်။

ဓာတ်ပုံ - Karenni People's Voice

မြစ်ခြေမြို့ ရဲစခန်း စခန်းသိမ်း တိုက်ပွဲမှတ်တမ်း

ပြည်သူ့ကာကွယ်ရေးတပ်မတော် (PDF - TNI) တနင်္သာရီတိုင်းစစ်ဌာန

ထားဝယ်ခရိုင် အမှတ်(၁)တပ်ရင်း

စစ်ရေးသတင်းထုတ်ပြန်ချက်

ရက်စွဲ ၂၀၂၆ ခုနှစ်၊ ဇွန်လ (၂၆) ရက်

၂၀၂၆ ခုနှစ် ဇွန်လ (၁၄) ရက်နေ့တွင် လောင်းလုံးမြို့နယ်၊ စစ်ပြဲကျေးရွာ၌ တပ်စွဲရန် ရောက်ရှိလာသော အကြမ်းဖက်စစ်ကောင်စီတပ်ဖွဲ့နှင့် တော်လှန်ရေးပူးပေါင်းတပ်ဖွဲ့များအကြား ဇွန်လ (၁၄) ရက် နံနက် (၆:၀၀) နာရီမှ ဇွန်လ (၁၅) ရက် နံနက် (၄:၀၀) နာရီအထိ တိုက်ပွဲဖြစ်ပွားခဲ့ပါသည်။

အဆိုပါ တိုက်ပွဲအတွင်း ရန်သူဘက်မှ ထိခိုက်သေဆုံးသူများအများအပြားရှိခဲ့ပြီး ဒဏ်ရာရရှိသူများနှင့်အတူ ပြန်လည်ဆုတ်ခွာသွားခဲ့သည်။ ထို့ပြင် တိုက်ပွဲအတွင်း ရန်သူ့အလောင်းများနှင့် လက်နက်၊ ခဲယမ်းများကိုလည်း သိမ်းဆည်းရမိခဲ့ပါသည်။

အဆိုပါ ပူးပေါင်းတိုက်ခိုက်မှုကို ပြည်သူ့ကာကွယ်ရေးတပ်မတော်၊ တနင်္သာရီတိုင်းစစ်ဌာန၊ ထားဝယ်ခရိုင် အမှတ်(၁)တပ်ရင်း (T1) မှ ဦးစီး၍

- လောင်းလုံးသံမဏိလိပ်ပြာတပ်ဖွဲ့ (LLSBF)

- ထားဝယ်ခရိုင် အမှတ်(၂)တပ်ရင်း (ပင်လယ်ကြယ်တပ်ခွဲ)

- ထားဝယ်ခရိုင် အမှတ်(၈၀၀၃)တပ်ရင်း

- လောင်းလုံးမြို့နယ်ပြည်သူ့ကာကွယ်ရေးအဖွဲ့ (လောင်းလုံး ပကဖ)

- ဒေါင်းညီနောင်စစ်ကြောင်း (သရက်ချောင်း ပကဖ)

- Guerrilla Dawei (ထားဝယ်မြို့ပြပြောက်ကျားတပ်ဖွဲ့)

- ကျောင်းသားတော်လှန်ရေးတပ် (SRF)

- Dragon Squad (2) TNI

- အထူးပြောက်ကျားတပ်ဖွဲ့ (SGF)

သတင်းနှင့်ပြန်ကြားရေး

ထားဝယ်ခရိုင် အမှတ်(၁)တပ်ရင်း

(14.6.2026) ရက်နေ့ မကွေးတိုင်း၊မင်းဘူးခရိုင်၊စလင်းမြို့နယ် တစ်နေရာတွင် စစ်ကြောင်းထိုးဝင်ရောက်လာသော မိုးဝန်း သရက်ချဉ်ဂိတ် နှင့် ကျွဲကျောင်း ပသစ (ခမ) အင်အား (120) ပါစစ်ကြာင်းအား မိမိတို့ မကွေး ဖက်ဒရယ်ယူနစ်စစ်ကြာင်း (၂) နှင့် (၄) တို့ဖြင့် ထိတွေ့တိုက်ပွဲ (၄) ကြိမ် ဖြစ်ပွားခဲ့သည်။ စကစ ဘက်မှ မျက်မြင် (၆) ယောက် ကျဆုံးခဲ့ပြီး ထိခိုက်ဒဏ်ရာ (၃၀) ကျော်ရခဲ့သည်ဟု သတင်းရရှိခဲ့သည် ။ စကစ (စခ) များနှင့် ပသစ (ခမ) များသည် ပြည်သူ့နေအိမ်များမှခိုးယူသွားသောပစ္စည်းများအား ချန်ထားခဲ့ပြီး ထွက်ပြေးဆုတ်ခွာသွားသည်။

အဆိုပါတိုက်ခိုက်မှုကို မိမိတို့မကွေးဖက်ဒရယ်ယူနစ်စစ်ကြောင်း(၂) နှင့် (၄)ဒေါင်းစစ်အောင်တပ်ဖွဲ့၊စလင်းမြို့နယ် ပကဖ နှင့်မကွေးခရိုင် ပကဖ တပ်ခွဲများ ပူးပေါင်းပါဝင်တိုက်ခိုက်ခဲ့သည်။

ထူးလေး

တာဝန်ခံ

ဒေါင်းစစ်အောင်တပ်ဖွဲ့

"ထားဝယ်ခရိုင် လောင်းလုံးမြို့ပေါ်မှ
စစ်ပြဲကျေးရွာသို့ စ၊စ်ကြောင်းထိုးဝင်ရောက်
လာသော အကြ၊မ်းဖက်စကမ စ၊စ်ကြောင်းအား
ကျွန်ုပ်တို့ Guerrilla Dawei (ထားဝယ်မြို့ပြ ပြောက်ကျားတပ်ဖွဲ့)နှင့်မဟာမိတ် ပူးပေါင်း
တပ်ဖွဲ့များမှ တို၊က်ခိုက်ခဲ့သော ရုပ်သံမှတ်တမ်း''

**(၁၄.၆.၂၀၂၆)** ရက်နေ့
စစ်ပြဲရွာအတွင်း (စကမ)အား
တို-က်-ခို-က်မှုရုပ်သံ
#လောင်းလုံးသံမဏိလိပ်ပြာတပ်ဖွဲ့
#LLSBF

သတင်းထုတ်ပြန်ခြင်း

၂၄ ၊ ၆ ၊ ၂၀၂၆

မြန်မာနိုင်ငံလုံးဆိုင်ရာကျောင်းသားများဒီမိုကရက်တစ်တပ်ဦး(ABSDF)၊ သည် ဒေသတွင်းမဟာမိတ်ညီအစ်ကိုများနှင့် ပူးပေါင်းကာ ပခုက္ကူ တပ်မ (၁၀၁) မှ ထွက်လာသော အင်အား ၄၀၀ ကျော် စကစစစ်ကြောင်းအား ပခုက္ကူမြို့နယ်တွင်းမှနေ မြိုင်မြို့နယ်တွင်းထိ လိုက်လံချေမှုန်းတိုက်ခဲ့ပါသည် ။ ၎င်းတို့သည် မြိုင်မြို့နယ် ၊ ကိုင်းတောမကျေးရွာအရောက်တွင် အထိနာ၍ တွင်းမပျူစခန်းသို့ ပြန်လည်ဆုတ်ခွာသွားခဲ့ပါသည် ။

မိမိတို့ ပူးပေါင်းအဖွဲ့များ တိုက်ခိုက်မှုကြောင့် ရန်သူ့ တပ်မှူးများအပါအဝင် (၅၀) ထက်မနည်း သေဆုံးပြုန်းတီးနိုင်ပြီး အများအပြားထိခိုက်ဒဏ်ရာများရရှိသွားပါသည် ။ ထို့ပြင် ရန်သူ့ဘက်မှ ခဲယမ်းအများအပြားနှင့် စစ်ဘက်ဆိုင်ရာ အသုံးအဆောင်ပစ္စည်းများ ၊ယဉ်ယန္တယားများကို သိမ်းဆည်းရရှိခဲ့ပါသည် ။

ထို့ပြင် ၎င်းတို့၏ ဒဏ်ရာရသူများကို သယ်ဆောင်ရန် တွင်းမပျူစခန်းသို့ဆင်းသက်လာသော Mi 17 လေယာဉ်တစီးကိုလည်း မိမိတို့ ပူးပေါင်းအင်အားစုများက အောင်မြင်စွာ တိုက်ခိုက်ပစ်ချဖျက်ဆီးနိုင်ခဲ့ပါသည် ။

ပူးပေါင်းတိုက်ခိုက်မှုများကို မြန်မာနိုင်ငံလုံးဆိုင်ရာကျောင်းသားများဒီမိုကရက်တစ်တပ်ဦး(ABSDF)၊မကွေးပြည်သူ့ကာကွယ်ရေးတပ်မတော်၊ မကွေးဖက်ဒရယ်ယူနစ်စစ်ကြောင်းများ၊ ဗမာပြည်သူ့လွတ်မြောက်ရေးတပ်တော်(BPLA)၊ KG တပ်ဖွဲ့၊ ပခုက္ကူခရိုင်ပကဖ၊ ပေါက်ပကဖ၊ မြိုင်ပကဖ ၊ ပခုက္ကူ ပကဖ၊ ရေစကြို ပကဖ ၊ ပခုက္ကူခရိုင် (၂/၆/၇/၁၂ /၁၄/၁၅/၁၇/၁၈ ) တပ်ရင်းများ၊ တိုင်းပကဖစစ်ကြောင်း(၄) ၊ ကမ္မတပ်ပေါင်းစု ၊ ပြည်သူ့လုံခြုံရေးအင်အားစု (ကမ္မ) PLC တပ်ပေါင်းစု၊ အညာမြေတပ်ပေါင်းစု ၊ 8 + အင်အားစု နှင့် ဒေသတွင်းညီအစ်ကိုများက ညီညီညွတ်ညွတ် ပူးပေါင်းဖော်ဆောင်ခဲ့ခြင်း ဖြစ်ပါသည်။

စစ်ကောင်စီသည် ၎င်းတို့ချီတက်ရာ လမ်းကြောင်းတလျှောက်ရှိ ကျေးရွာများကို မီးရှို့ခြင်း ၊ အပြစ်မဲ့ အရပ်သားပြည်သူများကို လည် လှီ းသ-တ်ဖြတ်ခြင်းများကို ရည်ရွယ်ချက်ရှိရှိ လုပ်ဆောင်နေပါသည် ။ ထို့ကြောင့် စုစုပေါင်း အိမ်ခြေ (၄၀) ကျော် မီးရှို့ခံရပြီး ၊ မသန်စွမ်းအမျိုးသား ၁ဦးအပါအဝင် အရပ်သားပြည်သူ စုစုပေါင်း ( ၅ )ဦး ရက်စက်စွာ သတ်ဖြတ်ခြင်းခံခဲ့ရပါသည် ။

စစ်ကောင်စီတပ်သည် ယခုထက်ပိုမိုရက်စက်နိုင်သဖြင့် မိဘပြည်သူများအနေဖြင့် စစ်ရေးသတိ၊ စစ်ရေးအသိဖြင့် နေထိုင်ကြပါရန်နှင့် မည်သည့်နည်းနှင့်မျှ အဖမ်းမခံရရေး ကြိုတင်သတိထားရှောင်ရှားကြရန် အထူးတိုက်တွန်းအပ်ပါသည် ။

တိုက်ပွဲသတင်းနှင့်မြေပြင်အခြေအနေ သတင်းထုတ်ပြန်ကြေညာချက်။

8+ အညာမြေစစ်ဆင်ရေးအဖွဲ့သည် မြိုင်မြို့နယ် တွင်းမပျူစောထီးရွာတွင်အထိုင်ချပြီး ဘေးပတ်ဝန်းကျင်များသို့ စစ်ကြောင်းထိုး မီးရှို့ဖျတ်ဆီးနေသော အကြမ်းဖက်စစ်ကော်မရှင်တပ်များကို မဟာမိတ်တပ်များနှင့်အတူ တားဆီး​ဖြတ်တောက်တိုက်ခိုက်ခဲ့ကြပါသည်။ 16.6.2026 နေ့တွင် မီးရှို့ဖျတ်စီးရန်ထွက်လာသော အကြမ်းဖက်စစ်ကော်မရှင်တပ်များနှင့် နံနက် ၆ နာရီဝန်းကျင်မှ နေ့ခင်း ၁၁ နာရီဝန်းကျင်ထိ အပြင်းအထန်ထိတွေ့တိုက်ပွဲများဖြစ်ပွားခဲ့ပြီး တော်လှန်ရေးအင်အားစုရဲဘော်များရှေ့တွင်ပင် အတုံးအရုန်းလဲကျသေဆုံးနေသော စစ်ခွေး ၇ ကောင်ခန့်ကိုမျက်မြင်တွေ့ရှိခဲ့ပြီး အကောင် ၂၀ ခန့်ထိခိုက်ဒဏ်ရာရရှိသည်။၎င်းသေဆုံးထိခိုက်ဒဏ်ရာရများတွင် ဗိုလ်အဆင့်(ဘလေး)တို့ပါ ထိခိုက်ဒဏ်ရာရရှိကြောင်းသိရှိရပါသည်။ထိတွေ့တိုက်ပွဲများအကြိမ်ကြိမ်ဖြစ်ပွားခဲ့ပြီး တိုက်ပွဲတွင် အကောင်ကြီးများအပါအဝင် ၅၀ ခန့် သေဆုံးနိုင်ပြီးအများအပြားထိခိုက်ဒဏ်ရာရရှိသွားပါသည်။

ထိုအကြမ်းဖက်စစ်ကြောင်း တွင်းမပျူစောထီးခွေးခြံအတွင်းသို့ ဝင်ရောက်ရာလမ်းတစ်လျှောက်တွင် မိမိတို့ 8+အညာမြေစစ်ဆင်ရေးအဖွဲ့ထောင်ထားသော မိုင်ကွင်းများအတွင်းဖြတ်သန်းစဥ် မိုင်းများထိပြီး ပစ ၂ကောင် နေရာတွင်ပွဲချင်းပြီးသေဆုံး၍ ပျူခွေးခြံအရောက်တွင် နောက် ၃ ကောင် သေဆုံးကြောင်း အတွင်းသတင်းပေးအရ သိရှိရပါသည်။

၎င်းဟန့်တားတိုက်ခိုက်ခဲ့မှုများကို မိမိတို့ 8+အညာမြေအင်အားစုတို့နှင့်အတူ မြိုင်ပကဖ ၊ မကွေးပြည်သူ့ကာကွယ်ရေးတပ်မတော်၊ မကွေးဖက်ဒရယ်ယူနစ်စစ်ကြောင်းများ၊ ဗမာပြည်သူ့လွတ်မြောက်ရေးတပ်တော်(BPLA)၊ KG တပ်ဖွဲ့၊ ပခုက္ကူခရိုင်ပကဖ၊ ပေါက်ပကဖ၊ ပခုက္ကူ ပကဖ၊ ရေစကြို ပကဖ ၊မြန်မာနိုင်ငံလုံးဆိုင်ရာကျောင်းသားများဒီမိုကရက်တစ်တပ်ဦး(ABSDF)၊ ပခုက္ကူခရိုင် (၂/၆/၇/၁၂ /၁၄/၁၅/၁၇/၁၈ ) တပ်ရင်းများ၊ တိုင်းပကဖစစ်ကြောင်း(၄) ၊ ကမ္မတပ်ပေါင်းစု ၊ PLC တပ်ပေါင်းစု၊ အညာမြေတပ်ပေါင်းစု နှင့် ဒေသတွင်းညီအစ်ကိုများက ညီညီညွတ်ညွတ် ပူးပေါင်းဖော်ဆောင်ခဲ့ခြင်း ဖြစ်ပါသည်။

စာကြွင်း။ ။23.6.2026ရက်နေ့တွင် တွင်းမပျူခွေးခြံရိက္ခာခဲယမ်းများပို့ပြီး ဒဏ်ရာရခွေးနာများကိုပြန်လည်တင်ဆောင်ရန်ရောက်ရှိလာသော Mi 17 ခွေးထောက်ပို့သယ်ယူပို့ဆောင်ရေးလေယာဥ်တစ်စီးကို Mi35 တိုက်ခိုက်ရေးယာဥ်ကာဗာယူပေးထားသည့်ကြားမှာ မကွေးဖက်ဒရယ်ယူနစ်ပူးပေါင်းစစ်ကြောင်းများမှ ခက်ခက်ခဲခဲ ပစ်ချဖျက်ဆီးနိုင်ခဲ့ပါသည်။ထိုပစ်ချနိုင်မှုအတွက် မိမိတို့ 8+အညာမြေအင်အားစုမှ လေးစားဝမ်းမြောက်ရပြီး

မိဘပြည်သူများထိသို့လည်း အသိပေးသတင်းကောင်းပါးအပ်ပါသည်။အကြမ်းဖက်တပ်မှာ တွင်းမပျူခွေးခြံအနီးဝန်းကျင် ကျေးရွာများ တောတိုက်များအား Mi35၊ Y12၊ ဂျက်ဖိုက်တာများဖြင့်လေကြောင်းတိုက်ခိုက်မှုအပြင်းအထန်တိုက်ခိုက်မှုများပြုလုပ်ခဲ့ပြီး ခွေးအင်အားများထပ်မံဖြည့်တင်းနေသောကြောင့် မြိုင်နယ်တောင်ပိုင်းရှိမိဘပြည်သူများ ဘေးကင်းရာတွင်နေထိုင်ကြရန်နှင့် တော်လှန်ရေးအဖွဲ့အစည်းများ၏ သတင်းထုတ်ပြန်ချက်များကို လေးစားလိုက်နာကြပါရန် အလေးအနက်တိုက်တွန်းအပ်ပါသည်။

တိုက်ပွဲသတင်းထုတ်ပြန်ချက်

ရက်စွဲ။ ။ ၂၄၊၆၊၂၀၂၆ ခုနှစ်

ပခုက္ကူတပ်မ ၁၀၁ လက်အောက်ခံ ရေစကြို ခလရ ၂၅၆/၂၅၇/၂၅၈ တပ်ရင်းများမှ မြိုင်မြို့နယ်၊လင်းကတောခွေးခြံသို့ ရောက်ရှိလာသော အကြမ်းဖက် စခ၊ပခ၊ပစ များအား ၂၀.၅.၂၀၂၆ မှ ၁၇.၆.၂၀၂၆ အထိ တစ်လနီးပါးအတွင်းမိုင်းဆွဲတို_က်ခို_က်ခြင်း၊ ဒရုန်းများ လ_က်န_က်ကြီးများဖြင့် တို_က်ခို_က်ခြင်း၊ ထိတွေ့တို_က်ပွဲ လေးကြိမ်ထက်မနည်း ဖြစ်ပွားခြင်းများဖြင့် တို_က်ခို_က်ခဲ့ပါသည်။ ၎င်းတို_က်ခို_က်မှုများအတွင်း အကြမ်းဖက်စစ်ကောင်စီမှ ခွေးတပ်သား ၁၀ ဦးထက်မနည်းေ_သဆုံးပြီး ၇ ဦးခန့် (အပြင်းထန်)ထိခို_က်ဒဏ်ရာရရှိခဲ့သည်ကို ထွက်ပြေးအလင်းဝင်ရောက်လာသော ပစများ၏ ပြောကြားမှုအရ သိရှိရပါသည်။ အဆိုပါ ၁လနီးပါးကြအတွင်းတို_က်ခို_က်မှုများကို

ကျွန်ုပ်တို့ MPL People's Defense Force နှင့်အတူ

မြိုင်ညီညွှတ်ရေးတပ်ပေါင်းစု

မြိုင်-ပကဖ

MGY-PDF

မကွေးတိုင်း-ပကဖ စစ်ကြောင်း-၄

ပခုက္ကူမြို့နယ်-ပကဖ

ရေစကြို တပ်ပေါင်းစု

MRG မြေလတ်ပြောက်ကြားတပ်ဖွဲ့

ဗမာ့ဒေါင်း မြိုင်-ပကဖ

မန်ကျည်းရိပ်-ပကဖ

ပခုက္ကူခရိုင် အမှတ် ၂/၆/၁၅/၁၇ တပ်ရင်းများနှင့်

တော်လှန်ရေးမဟာမိတ်တပ်ဖွဲ့များ စုပေါင်း၍ ညီညွှတ်စွာ တို_က်ခို_က်ခဲ့ပါသည်။

"စစ်ခွေးများအတွက် နေရာမရှိစေရ"

သတင်းထုတ်ပြန်ခြင်း

- ၂၀၂၆ခုနှစ် ဇွန်လ ၁၆ ရက်နေ့တွင် ပခုက္ကူခရိုင် အမှတ် ၆ တပ်ရင်း (မြိုင်မြို့နယ်ကျေးရွာများတော်လှန်ရေးတပ်ဦး)MVRF မှ ဒေသတွင်း မဟာမိတ်ညီနောင်များနှင့် အမေဒေါ်အောင်ဆန်းစုကြည်မွေးနေ့အထိန်းအမှတ် 'Operation Su' အား မကွေးတိုင်းဒေသကြီး၊ ဆိပ်ဖြူမြို့နယ်တွင် ပူပေါင်းလုပ်ဆောင်ခဲ့ရာ လေကြောင်းရန်ကာကွယ်ရေးတပ်(၃၀၃၆)မှ ဗိုလ်ကြီး ဖြိုးသူရအောင်ဦးဆောင်သောအင်အား (၁၅)ဦးနှင့် ယာဥ်တန်းအား ဖြတ်တောက်တိုက်ခိုက်ခဲ့ပြီး ဗိုလ်ကြီးဖြိုးသူရအောင်အပါအဝင် ရန်သူ ၁၀ ဦးအားရှင်းလင်းသုတ်သင်နိုင်ခဲ့ပါသည်။

- အဆိုပါတိုက်ခိုက်မှုကို ပခုက္ကူခရိုင် အမှတ် ၆ တပ်ရင်း၊ ပခုက္ကူခရိုင် အမှတ် ၇ တပ်ရင်း၊ ပခုက္ကူခရိုင် အမှတ် ၁၇ တပ်ရင်း၊ မကွေးပြည်သူ့ကာကွယ်ရေးတပ်မတော်(MGY-PDF)၊ ဆိပ်ဖြူမြောက်ပိုင်းကာကွယ်ရေးတပ်ဖွဲ့(NSP)၊ ပခုက္ကူခရိုင်အမှတ် ၄ တပ်ရင်း တပ်ခွဲ ၃ တို့ပူးပေါင်းလုပ်ဆောင်ခဲ့ရာ တိုက်ပွဲအတွင်း ရန်သူ့ထံမှ MA-1 သေနတ် ၅ လက်၊ MA-2 သေနတ် ၁ လက်၊ MA-3 သေနတ် ၁ လက်၊ MA-5 သေနတ် ၁ လက်၊ လက်ပစ်ဗုံး ၁ လုံး၊ ၅.၅၆ ကျည် ၂၄၀ တောင့်၊ 9mm ကျည် ၂၀ တောင့်၊ MAကော်ဘောက် ၂ ခု၊ MAသံဘောက် ၁၄ ခု၊ MA-5ဘောက် ၂ခု၊ ငွေသားအချို့နှင့်ဆက်ဆက်ပစ္စည်းများသိမ်းဆည်းရမိခဲ့ပါသည်။ တိုက်ခိုက်မှုအတွင်း ဗိုလ်ကြီး ဖြိုးသူရအောင်နှင့် ဗိုလ်တစ်ဦးအား ပစ်ခတ်ရှင်းလင်းနိုင်ခဲ့ပါသည်။

- အဆိုပါမစ်ရှင်အတွင်း ရန်သူထံမှ အကြောင်းအမျိုးမျိုးကြောင့် အလင်းဝင်နိုင်ခြင်းမရှိသော်လည်း မိမိတို့အား သတင်းကြိုတင်ပေးပို့သော တပ်တွင်းဖရဲသီးအားလည်း မိမိတို့မှ ထိုက်ထိုက်တန်တန်ဆုချီမြှင့်သွားမည်ဖြစ်သည်။ ရန်သူစစ်ကော်မရှင်တွင် တာဝန်ထမ်းဆောင်နေသော စစ်ကော်မရှင်တပ်သားများအနေဖြင့်လည်း မိမိတို့အား စေခိုင်းနေသောအမိန့်များသည် ပြည်သူလူထု့အကျိုးအတွက်မဟုတ်ဘဲ အာဏာရှင်လူတစ်စုအတွက်သာဖြစ်သည့်အတွက် ပြည်သူနှင့်အတူ စစ်အာဏာရှင်အားပြန်လည်ဆန့်ကျင်တိုက်ခိုက်ရန် ပြည်သူလူထုထံအလင်းဝင်ပူပေါင်းရန် သတင်းပေး​ပြောကြားလိုပါသည်။

- မိမိတို့တော်လှန်ရေးတပ်ဖွဲ့များအနေဖြင့် မတရားသဖြင့်ဖမ်းဆီးခံထားရသော အမေဒေါ်အောင်ဆန်းစုကြည်၏ ၈၁နှစ်ပြည့် မွေးနေ့အားဂုဏ်ပြုသောအားဖြင့် လုပ်ဆောင်ခဲ့ခြင်းဖြစ်ပြီး ပြည်သူလူထု့တစ်ရပ်လုံး လိုလားတောင်းတနေသော စစ်မှန်သော ဒီမိုကရေစီပန်းတိုင်ရောက်သည်အထိ မိမိတို့အနေဖြင့် ရွပ်ရွပ်ချွံချွံ တိုက်ပွဲဝင်သွားမည်ဖြစ်ကြောင်း အသိပေးလိုက်ပါသည်။

- ပြည်သူလူထုအနေဖြင့် စစ်​ကော်မရှင်၏ အထွေထွေထိုးစစ်ကာလတွင် ပြည်သူ့လူထုတစ်ရပ်လုံးသည် မိမိတို့တပ်ဖွဲ့များနှင့်အတူ ရေနှင့်ငါးပမာတသားတည်းရပ်တည်၍ စစ်​အာဏာရှင်အား အတူတကွအမြစ်ပြတ်ချေမှုန်းရန်လည်း တိုက်တွန်းအပ်ပါသည်။

မိမိတို့ KNDF ဗျူဟာအမှတ် (၆) လုပ်ရှားဒေသို့ အကြမ်းဖက် ရန်နိုင်မင်း စစ်ကြောင်း အင်အားအများအပြား ဖြင့် ထိုးစစ်ဆင် လာမှုကြောင့် မိမိတို့ KNDF ဗျူဟာအမှတ် (၆) နှင့် မဟာမိတ်တပ်ပေါင်းစုမှ ခုခံတိုက်ခိုက်ခြင်း။

ရှေ့တန်းကာကင်းများတွင် နေ့စဉ်နှင့် အမျှ အကြမ်းဖက် စစ်ကောင်မရှင်နှင့် ထိတွေ့ ရင်ဆိုင်နေရတဲ့ ရဲဘော်များအတွက် ရိက္ခာလိုအပ်ချက် ရှိနေသောကြောင့် "ရဲဘော်ဝမ်းရေးမိုးတွင်းရိက္ခာ" ကမ်ပိန်းမှာ ပါဝင်ပေးဖို့တောင်းဆိုချင်ပါတယ်ခင်ဗျ။

ဗမာမွစ်လင်မ်တပ်ဦး (I.G.A)

တိုက်ပွဲသတင်းထုပ်ပြန်ချက်။

2025.10.နိုဝင်ဘာလ နံနက် 8:30အချိန်ခန့်တွင် မုံရွာ မြို့နယ် သာစည်ရွာမှကျောက်စစ်ပုံအမြောက်တပ်သို့ပြန်ခေါက်လာသော(ခန့်မှန်း)အင်အား80ပါစကစ စစ်ကြောင်းအားဒန်းပင်တဲရွာ၊ကိုးပင်ရွာ၊ထန်းပင်လှရွာတို့အနားတွင်ကြားဖြတ်တိုက်ခိုက်ခဲ့ပါတယ် စကစ ဘက်မှအကြအဆုံးအတိကြမသိရသေးပါ၊ကျောက်စစ်ပုံအမြောက်တပ်မှ ဟောင်ဝစ်ဇာ 10 လုံးကျော်ပြစ်ကူ၊အနောက်မြောက်တိုင်းစစ်ဌာနချုပ်မှ ပါရာမော်တာ 2စီးဖြင့်ဗုံးသီးချတိုက်ခိုက်ရင်း ကျောက်စစ်ပုံအမြောက်တပ်မှတပ်ကူများသံပြားကာကားများဖြင့်လာရောက်ခေါ်ဆောင်သွားပါတယ်၊အဆိုပါတိုက်ခိုက်မူ့ကိုဗမာမွစ်လင်မ်တပ်ဦး(I.G.A)နှင့်အတူ ဘုတလင်မြို့နယ်တပ်ပေါင်းစုစစ်ကြောင်းနှင့်အတူမုံရွာမြို့နယ်တိုက်နယ်5 ၊ မုံရွာခရိုင်တပ်ရင်း18တို့မှပူးပေါင်းတိုက်ခိုက်ခဲ့ပါတယ်။

၂၀၂၆ ခုနှစ်၊ မေလ (၂၀)ရက်နေ့တွင် တနင်္သာရီတိုင်းဒေသကြီး၊ ထားဝယ်ခရိုင်၊ထားဝယ်မြို့နယ်၊ ပကာရီကျေးရွာဖက်မှ ရေဝိုင်းကျေးရွာဖက်သို့ နယ်မြေရှင်းလင်းရန် စ-စ်ကြောင်းထိုး ဝင်ရောက်လာသော အင်အား (၂၀၀) ပါ စ-စ်ကြောင်းနှင့် ပခပ်အင်းကျေးရွာတွင် ထိတွေ့တိုက်ပွဲ ဖြစ်ပွားခဲ့သည့် ရုပ်သံဖိုင်တချို့ ။