احساس بالوحدة زهقت بس لسه عايزها
انا والبنت للي مرتبط بيها من اكتر من سنه اخر ٥ شهور تليفونها اتسرق وبتاخد تليفون مامتها للي بتعمل عليه شغلها كل فتره وبعد كده مامتها ترجع تاخده تاني علي ما اخوها يخلص امتحانات 3ث وتشتري تليفون جديد عموما مش دي المشكلة المشكلة ان مامتها بتاخد التليفون فجاة حتي هي مش بتلحق تقولي بقالنا ٥ شهور مش بنتكلم إسبوع علي بعض وقعدنا شهرين منتكلمش حرفيا الموضوع ده مضايقني يمكن بقيت متعلق بيها بسبب غيبها وظهورها ده بس مش عارف اعمل ايه (للعلم بشتغل وبتمرن ويومي مليان حاجات بس كنا بنتكلم في نهاية اليوم او لو كان عندي وقت فاضي وسط كل ده) اللي اذيني بس كل يوم بستناها تفتح ومش بتفتح فا حسيت اني زهقت وفي نفس الوقت عايزها لانها لما بتكون موجوده وبنتكلم بليل بكون لاول مره في اليوم عايش اللحظة بس ودماغي مش بتفكر في اي حاجه تانيه غير اللحظة الللي عايشها دلوقتي ودلوقتي مش مرتاح والموضوع شاغل بالي حد عنده حل؟