u/Mountain-War-9245

أنا وزوجي تزوجنا من فترة، واكتشفت بالصدفة إنه ما قد تابع مسلسل Breaking Bad، وأنا أحب المسلسل مرة، فاقنعته يتابعه. وصار أول مسلسل نتابعه سوا.

تابع الحلقة الأولى وعجبته مرة وتحّمس يكمل باقي الحلقات، لكن فيه شيء ما استوعبته إلا لما شغلت الحلقة… المسلسل فيه مشاهد جنسية وعري كثير 😭

وحسيت فجأة بالـ awkwardness وصرت أفكر كيف المفروض
أتابع مع زوجي إذا جاء مشهد زي كذا؟ أنا شخصيًا حتى لو كنت لحالي ما أحب أشوف هالأشياء، فما بالك وأنا جالسة جنب زوجي. وأحس ما ودي هو يشوفها أصلًا، حتى لو كانت مجرد مشاهد في مسلسل.

والحين صرت أفكر بالموضوع أكثر، خصوصًا إن أغلب المسلسلات والأفلام فيها مشاهد من هالنوع. هل المتزوجين عادةً يتفرجون عليها عادي ويتخطون الموضوع؟ أو يسوون skip للمشهد؟ ولا أنا قاعدة overthink الموضوع زيادة؟
هل هذا شيء طبيعي بين المتزوجين ومع الوقت يصير عادي؟ أو فيه أحد مثلي يحس إنه awkward وما يحب يشوف هالمشاهد مع شريكه؟

انا اخذ حبوب منع حمل ( حبوب ديان ) لي الان ٣ اشهر و قالت لي دكتورتي استمر اخذها لمده ٦ اشهر من بدايه اخذي لهم فقط بعدها اوقف ، انا مأجله فكره الحمل عندي لمده سنتين ايش اسوي بعد ال ٦ اشهر اذا صار استخدام الحبوب مضر لي بعد ٦ اشهر

وش رأيكم بالزوجة اللي تكون هي دائمًا المبادِرة عاطفيًا؟

يعني زوجها بشكل عام ما هو مقصر معها، محترم، طيب، ويعاملها زين، لكن مشكلته الوحيدة إنه نادر يبادر عاطفيًا. مثلًا ما يسمعها كلام حلو كثير، ما يمدحها أو يحسسها إنها أجمل وحدة بعينه، ما يبادر باللمسات الحنونة أو الحضن بشكل مستمر ويكون بشكل نادر ، وإذا كانوا بعيدين عن بعض ما يرسل يقول إنه مشتاق أو يطمن عليها إلا نادر.

بينما هي دائمًا اللي تبادر: ترسل له إنها مشتاقة، تطمن عليه، تمدحه، وتعبر له عن مشاعرها.

هل تشوفون هذا شيء طبيعي واختلاف في طريقة التعبير عن الحب؟ أو مع الوقت ممكن يسبب مشكلة حتى لو الزوج ممتاز في باقي الجوانب؟ وكيف ممكن الزوجه تتعامل مع هالموضوع مع ان الرجل ممكن يكون الموضوع جديد عليه ولا يعرف يسوي هذي الاشياء

لي شهرين استخدم حبوب منع الحمل ( ديان ) بما اني عروس و ابي ااجل الحمل لفتره تقريباً سنه الحبوب اخذتها ب استشاره دكتورتي وعندي خبر ان مده استخدامها ٦ اشهر فقط ما حسيت بأي اعراض جانبيه غير ان نفسيتي تضرب احياناً 😅 طبعاً جلست اقرأ عنها و شفت كلام ناس انها اسؤ طريقه لمنع الحمل و ممكن تسبب عقم لبعض البنات و بديت اخاف ف ابي اسأل اذا احد جربها وهل فعلاً الكلام ذا صح و بعد ال٦ اشهر ايش سويتوا

زواجي بعد ايام ، والمفروض اكون متحمسه و مرتاحه و تكون فترة حلوة ومليانة حماس… لكن والله أحس إني ضايعة تمامًا.
جلست افكر قبل اتزوج كنت واثقة من نفسي جدًا، أعرف أختار، أعرف أنسق، وإذا عجبني شيء أقتنع فيه. الحين أحس إني مو أنا. صرت أشاور أمي و صديقتي بكل تفصيلة، وإذا أي أحد علّق على شيء مباشرة أحس إني غلطانة وأكره اختياراتي.

أكثر شيء متعبني إني أحس تجهيزاتي كلها غلط. اشتريت أشياء كنت مقتنعة فيها، وبعد ما سمعت آراء الناس صرت أشوفها قبيحة وكأني كنت غبية يوم اخترتها. حتى الانجري حقي أغلبه ستايل ناعم ومرتب ومو مكشوف مرة، وكنت مرتاحة له، لكن بعد كلام بعض البنات عن إن “المفروض” العروس تلبس أشياء أقصر وأجرأ حسيت فجأة إن كل ذوقي غلط وإنّي مو فاهمة شيء.

وفوق هذا فستان زواجي طلع مو مثل ما كنت أتخيله أبدًا، وهذا كسرني أكثر. أحس كل شيء كنت متحمسة له صار يضايقني. حتى شنطة التجهيز اللي المفروض أرتبها وأتحمس لها صار يجيني خمول وكسل كل ما فكرت فيها.

أحسني فقدت نفسي وسط التجهيز والضغط وكثرة الآراء. أنا أول وحدة بالعائلة تمر بهالتجربة (الزواج)، وحتى أمي أحس أحيانًا نصايحها من جيل مختلف، وأنا أصلًا ما عندي خبرة بهالأشياء. كل شيء جديد علي ومخوفني.

صار يجيني شعور إني صغيرة على الزواج وما أعرف شيء، وأبكي بدون ما أعرف كيف أطلع اللي بداخلي. أحس فيني غصة طول الوقت وخوف وندم على أشياء كثيرة، مع إنّي أعرف يمكن الموضوع كله توتر وضغط… بس فعلًا تعبت نفسيًا ما ابي يجي يوم زواجي وانا بذي الحاله

ابي اهدي زوجي عطر فخم و حلو لكن خبرتي في العطور الرجاليه يادوبك رشحوا لي عطر رهيب ريحته منعشه و فخمه ( هو من النوع يكره العطور الثقيله اللي يصير فيها دهن عود و اشياء مثلاً يحب عطر بلو شانيل و و كريد سلفر ماونت ) رشحوا لي عطور صدق تستاهل 🙏

عندي سؤال وين افضل اماكن تبيع بجامات نوم رجاليه مريحه وخاماتها رهيبه ( اماكن بالرياض او مواقع توصل بسرعه )

الدورة تأخرت علي أسبوع، فقررت أراجع دكتورتي وأعطتني Primolut N 5mg عشان تنزل الدورة.
الكورس كان ٣ حبات يوميًا لمدة ٣ أيام، والآن هذا اليوم الرابع بعد ما وقفت الحبوب ولسه ما نزلت الدورة.

هل طبيعي تتأخر كذا بعد إيقاف الحبوب؟
بدأت أخاف خصوصًا إن زواجي قريب جدًا (باقي ١٩ يوم)، وأحتاج تنزل الدورة عشان أسوي التحاليل وأعرف أي نوع حبوب منع حمل يناسبني.

خايفة لو ما نزلت أضطر أبدأ حبوب منع حمل بشكل عشوائي وما تناسبني بعدين.
هل أحد مرّ بنفس التجربة؟ وكم أخذت منكم لين نزلت الدورة بعد الحبوب و هل اقدر اخذها اصلاً لو ما نزلت طمنوني ان وضعي كذا طبيعي

باقي على زواجي 23 يوم ودورتي متأخرة شوي. آخر مرة نزلت قبل تقريبًا 26 يوم، والدكتورة طلبت مني أسوي تحاليل FSH و LH في اليوم الثاني أو الثالث من الدورة، فكنت أنتظرها تنزل وللأن ما نزلت.
قبل ثلاث ايام رحت لها وعطتني حبوب Primolut N وقالت آخذ 3 حبات يوميًا لمدة 3 أيام عشان تنزل الدورة.
صراحة خايفة الحبوب ما تنفع و تتأخر الدورة أكثر، خصوصًا إني أبغى ألحق أسوي التحاليل وأبدأ حبوب منع حمل مناسبة قبل الزواج، وبرضو خايفة تنزل علي وقت الزواج و خايفه يجي زواجي وانا ما اخذت حبوب مناسبه بسبب اني ما اخذت التحليل و احس اني متأخره و حايسه احد مر عليه نفس الوضع