u/NasserAlDesouki

بدي ازكى مطعم شاورما موجود على طلبات / أشيائي/ كريم بوكس

ولأنَّ الدنيا ليست عادلة سيأتي عليك وقت تجلس فيه بجانب نفسك المكسورة كغريبٍ يحاول مواساة غريب

ستدرك أن النجاة ليست في أن تجد يداً تُنقذك بل في أن تجمع بقاياك المرتجفة دون أن يراك أحد

أن تُقنع قلبك المنهك أن ما فُقد… لن يعود وأن بعض المعارك خُلقت لتتعلّم كيف تعيش ناقصًا ثم تُجبر أن تُكمل الطريق

مش العيد اللي تغيّر قد ما إحنا كبرنا وصار وعينا أكبر

وإحنا صغار كانت الفرحة سهلة

تلبس لبسة جديدة وتطلع تعيّد وتجمع عيديات وتحس الدنيا كاملة

ما كان عندك مسؤوليات ولا أشياء تشغل بالك

هسه الواحد حتى وهو قاعد بين أهله بكون بفكر بالدراسة أو الشغل أو المستقبل أو ناس فقدهم

زمان كنا نستنى العيد عشان نفرح

هسه مرات بنستناه عشان نحس شوي بجو زمان بس

بس يمكن الفرحة ما اختفت

هي بس تغيّر شكلها

صارت بلمة أهل حلوة أو قعدة هادية أو إنك تشوف أمك وأبوك مبسوطين أو تضحك ضحكة من قلبك مع أصحابك

خلص بكفي اترك التلفون مش ضايل اشي وبإذن اترك التلفون سبح ربنا ادعي استغفر كبر ادعي بكل اشي نفسك فيه ادعي لأحبائك للناس اللي بتحبها مش غلط تدعيلي كمان حبيبك انا يلا يجدع قوم واعمل زي ما قلتلك

ما علينا المهم سؤالي

شو أكبر كذبة المجتمع أقنعك فيها وبعدين اكتشفت إنها غلط؟

بعرف فعالية إم الشلن بس سلكوا

قعدت مع اللي الناس بتحكي عنه شيطان، واكتشفت إنه ما في أطيب من قلبه.

قعدت مع كل واحد سمعت عنه كلام غلط، وفهمت إنه الحكي ما كان صحيح.

قعدت مع اللي انحكى عنه إنه مش جدع، ولقيته من أجدع خلق الله، بس أصحابه هم اللي باعوه.

قعدت مع اللي الناس بتقول فلوسه حرام، وحكالي إنه من كثر الشغل ما عنده وقت حتى لنفسه.

الخلاصة:

مهما كنت كويس، الناس عمرها ما رح تسيبك بحالك.

بس بالنهاية لازم تفهم إن كلامهم زيهم… ما إله أي قيمة

كثير منّا بيفكر بغلطات قديمة،

وبضل يلوم حاله كأنه كان لازم يكون فاهم كل إشي من الأول.

بس بالحقيقة، أنت بهديك الفترة

كنت بتتصرف على قد خبرتك وفهمك وقتها،

مش على قد فهمك هسا.

فش حدا بنولد عارف الصح كله،

كلنا بنتعلم…

وغصب عنّا بنغلط.

وكل غلطة عملتها، حتى لو كانت صعبة،

هي جزء من الطريق اللي خلاك تكبر وتفهم وتصير أقوى.

المشكلة مش بالغلط،

المشكلة إنك لسا لهسا بتعاقب حالك عليه.

اللي فات مات ومش رح يتغير،

بس اللي جاي لسا بإيدك،

وتقدر تعيشه بشكل أحسن.

سامح نفسك على اللي فات،

مش عشان تنسى…

بس عشان تعرف تعيش مرتاح وتكمل لقدّام.

عندي قناعة شخصية إنو تقريبًا 70٪ من أخلاق الإنسان بتتكوّن من تربيته لنفسه، مش بس من تربية أهله إله.

بنشوف أحيانًا ناس أهلهم تعبوا كثير بتربيتهم وحاولوا يزرعوا فيهم القيم، لكن بالنهاية هم اختاروا طريق مختلف وصاروا أشخاص بدون أخلاق.

وبالمقابل، في ناس ظروفهم كانت صعبة أو تربيتهم ما كانت مثالية، ومع هيك قدروا يبنوا حالهم ويصيروا ناس محترمين.

فبرأيي، الأهل ببلّشوا الأساس، لكن المسؤولية الحقيقية بتصير على الشخص نفسه.

الإنسان هو اللي بقرر مين يكون، وهو اللي بيقوم نفسه بنفسه.