u/Netzach_144

هذا المركز المأشر عليه أسمه الـ Heart center

هذا المركز من يكون غير ملون حيلاحظ الشخص ان غالب أفكاره تتمحور حول اثبات نفسه للآخرين، فيصير يحاول يثبت للناس انو هو : خوش انسان، حباب، ذكي، شاطر، محبوب، قادر، "رجال" يُعتمد عليه وغيرها من الأفكار .. وممكن ينجح بإثبات نفسه وممكن لا.

أصحاب هذا المركز من يكون غير ملون يكونون مجروحين بداخلهم، مجروحين من اهلهم، اصدقاءهم، المجتمع، شركاءهم العاطفيين، مجروحين لان يحسون انهم ميستحقون الحب او الاهتمام او الفلوس او الرعاية وو.. فيصيرون يحاولون يثبتون للناس الجرحوهم انهم قادرين وقوين ويستحقون الحب فيصيرون يدخلون مجالات ويتعلمون اشياء ويجاهدون حتى يوصلون للقمة لأجل >> الناس تعترف بيهم ويحبوهم ويهتمون بيهم.

لذلك ضروري أصحاب هلمركز ينتبهون ع تصرفاتهم وأفعالهم، ضروري تكون نابعة من حقيقتهم وليس من جزء مجروح يحاااول يثبت للناس ولنفسه انو هو يستحق.

ويُفضل مايوعدون الناس بشي دائما 👀 الا اذا كانو مستعدين يوفون بالوعد وجسدهم مستعد لهل شي.

شگد شفت بالجامعة ناس عدهم هلمركز غير ملون من تدريسين وإداريين .. كلهم چانوا يسوون تصرفات يحاولون يثبتون بيه للطلاب انهم واو وصارمين وأذكياء وهمه بالداخل فارغين ويحاولون يملون جرح سببولهميا أهلهم لو بيئتهم واصدقائهم بحيث من واحد يحاول يقلل من قدراتهم حتشوفهم مباشرة يتهجمون عليه ويصيرون عصبيين والسبب : لان ذكرهم بجرحهم.

للمهتم يعرف اكثر عن التصميم البشري، دانشر اساسيات ومعلومات اكثر بالقناة 👇🏻وهم قريباً حعلن عن جلسات التصميم البشري واسعارهن

Telegram :

human_design11

نصف البشرية عدهم هذا المركز الملون بالصورة ( Solar plexus ) ملون او بالتصميم البشري يسموا "مُعرف"، هذا المركز من يكون ملون معناها الشخص يمر بشكل مستمر بموجات مشاعر مختلفة ولذلك ضروري هلأشخاص يتعلمون شلون يتعاملون وي هاي المشاعر بشكل صحي وحكيم.

بدايةً المشاعر هي حالة يمر بيها الانسان 📉📈 حالها حال حاسة التذوق، من تتذوق تفاحة مثلا حتحس بشكل مؤقت بطعمها ووره كم دقيقة حيروح هذا الطعم، كذلك المشاعر تمر بشكل مؤقت ووراها تروح ولكن ! اذا ماتعاملت وياها بشكل صحي وحكيم بالوقت الدتحس بي بهاي المشاعر فـ حتتراكم وتصير مخزنة بجسدك وتتحول الى امراض، وهي هاي أحد أهداف العلاج النفسي، يساعدك تحرر هلمشاعر المخزنة الماتعاملت وياها بشكل صحيح ويخلوها تتفرغ بصورة مناسبة حتى تعيش مرتاح أكثر نفسياً وجسدياً.

بس بالتصميم البشري الموضوع أوسع من أن تكون فقط مشاعر بل يعتبرها مركز يساعدك توصل لوضوح بقرارك، فـ مثلا لو اجتك دعوة من شخص للخروج لمكان ما وكانت مشاعرك عالية (وبشرط يكون هذا المركز ملون بچارتك !) ضروري ماتتخذ قرارك ع هذه المشاعر ! لعد شنو تسوي ؟ خلي هلمشاعر تمر ساعة ساعتين ٣ يوم كامل (ويُفضل يوم) وبعدها حتلاحظ حيصير عندك وضوح بقرارك بعد هذا اليوم**.هذا الوضوح مو ننيجة تفكير وتحليل بعقل**ك ! بل إحساس داخلي ووضوح للقرار التريد تاخذه ( وحتى تعرف اكثر عن هلأحساس يحتاج تجرب تخلي مشاعرك يمر عليها يوم وبعدها لاحظ الاحساس او الوضوح اليصير عندك بالقرار التريد تاخذه). مو فقط القرارات البسيطة بل حتى بقرارات حياتك المهمة ضروري تنتبه ع هذا الوضوح اليصير عندك بعد موجة المشاعر التمر بيها.

فـ هاي دعوة لكل شخص يحمل هذا المركز ملون أن ينتبه لمشاعره لأن هي بوصلته بقرارات حياته.

من بين الهالات الأربعة أكو هالة عدها إبداع بالفطرة وهي هالة الـ Generator/Manifesting Generator 🔥، هذا النوع من الهالة يحمل طاقة ابداعية عبقرية.

هذه الطاقة عبقرية بمعنى الكلمة ! هي نار الحماس التخلي الشخص ينجز ويبني ويعمّر. شايف من الشخص يكون متحمس شلون يكون منغمس بالشي اليسوي بحيث يغرق بالاستمتاع بي ؟ همه ذوله الجنريتورز، من يتبعون ميكانيكية هالتهم حتلگاهم مضيئين ومتحمسين وجدا جدا مستمتعين.

تعرف شنو يعني عبقرية ؟ (بالتعليقات حشوفك حقيقة هذا المصطلح) 🪄

الطاقة العبقرية الشايليها هي نفسها نفسها طاقة الخلق الينخلق من عدها الجنين، طاقة خام يگدر واحد يحوله لأي شكل كان حتى وان كان مستحيل ! أطيك دليل ؟ إيلون ماسك !

هذا الشخص هالته نوعها جنريتور وهذا الجنريتور سوه المستحيل حرفيا ! عمّر صواريخ و استحوذ ع شركات كبرى وصنع سيارات طن والان هو اغنى شخص بالعالم 💰،شلون ؟ لانه ثق بهذه الطاقة العبقرية.

هذا النوع من الهالة هو اسرع نوع يوصل للفلوس والثراء المالي لان بالعمق همه يتنفسون فلوس 😆 بس بسبب قلّة تقديرهم لذاتهم وصورتهم المشوهة عن نفسهم يصيرون أشخاص منتكسين وخائبين والسبب ؟ بالپوست القادم حسولف عنه أكثر ✨

شاركوونه چارتاتكم حابب أشوف الابداع الشايلي 👀

أحد مجرب نوعية مقعد زينه وباقيه ويا فترة طويلة ؟ شاركونه تجاربكم

I just pick up the colors and my hands do the rest

مرات ألزم القلم وأرسم رسومات بلاوعي وكأنوو أخلي ايدي وحدها تتحرك، بدون مااتخيل شي معين.
أكو أحد هنا يرسم هيج رسومات ؟ 👀