هالجمل درجت كتير اخر فترة، اي بسوريا منشمت بالموت للأسف هاد شي صحيح. لكن الشي الغير صحيح هو التلميح انو هلأ لوصت للحضيض وصار هاد الشي. للأسف لأ، هاد الشي قديم من زمان بس انت ما كنت متابع، التعليقات المقرفة اللي بتشوفها اليوم على المجازر والجرائم هي موجودة من زمان جدا من بداية الثورة، اي خبر بيحكي عن مجزرة "بحاضنة الإرهابيين" او "مناطق المعارضة" رح تلاقي عليه نفس تعليقات اليوم من ضحك وشماتة وفخر، هاد المستوى وصلنالو من زمان بسوريا، مستوى "آذار المقدس" وغيرو، هاد كان موجود من زمان ومارسوه الأسديين بفخر وبدون خجل، سبب هالبوست هو هاللقطات اللي شفتا من تعليقات الأسديين على فيديو مجزرة التضامن وقت طلع، ضحك وشماتة وفخر وتشجيع. عقليات مريضة إرهابية، هاد المثال كان يتكرر على اي فيديو لقصف اي منطقة خارج سيطرة النظام، فيديو فيه اشلاء مدنيين واطفال ودم ونار وتلاقي الاسديين سعيدين جدا. احيانا برجع لهي الفيديوهات عن طريق فلترة تاريخ النشر وبفوت على بروفايلات اللي عم يضحكوا بلاقيهم عم يوثقوا الانتهاكات اليوم وينادوا منظمات حقوق الانسان ويحكوا كيف العيشة صارت لا تحتمل بسوريا بوجود كل هالطائفية والحقد والشماتة بالموت، ذئاب بملابس حملان.

في مرة صار تفجير بمدرسة الضباط بحمص والنظام قال انو درون جاي من ادلب رغم انو ما طلع صوت درون بالفيديو تبع الإنفجار، وردا على ذلك قام بقصف اسواق شعبية بإدلب بعز الازدحام وقتل عشرات المدنيين، وقتها فتت عالتعليقات وشفت الضحك والفرح والشماتة والاحتفال بالمجزرة، حرفياً عرس عالفيسبوك على اي خبر عن الموضوع.

الحقد والكراهية والفرح بالدم والقتل مو شي جديد ابدا، واذا حدا شايفو شي جديد ومصدوم، فهاد ببساطة كان مفصول عن الواقع والشغلات اللي بيهتم فيها اليوم ما كانت تهمو قبل ولا متابع كمية العقليات الإجرامية اللي كانت موجودة بسوريا.

الهدف من البوست؟ انو قول انو هاد الحقد والكره اليوم مانو شي جديد بسوريا متل ما أغلب الناس عم تحاول تروج، هو امتداد وارتداد لحقد استمر سنين وبدو سنين ليموت.

وأحسن وأسرع طريقة ليموت هي بإنو نفهم من وين اجا وما نتصرف انو فجأة انبثق من تحت الأرض وهو شي غريب علينا. هاد الشي بيزيد الطين بلة.

بدون تعديل

OnePlus 12

اكس ميديا انشهرت جدا بعد سقوط النظام خصوصا بين الناس المعارضة للحكومة بسبب خطابها المعارض.

بس الدافع ورا خطابها المعارض مانو حب بالعدالة والحريات، وإنما نوع من انواع الإنتقام لسقوط النظام.

طيب هلأ شو استفدنا نحنا من خمس ايام من الأخبار المضللة والتحريض واستغلال قضية البنت؟

شو المحصلة اللي طلعنا فيها؟

انا بقلكم

1- رح تصير حجة للأنذال ينكروا خطف اي بنت تانية ويقولوا "هي ميرا وبتول"

2- زين جرعة مهدد بالقتل

3- فلول النظام عم يخططوا لعمل ارهابي ممكن يأدي لحمام دم تاني ومجازر جديدة بسبب انو البهايم بطرف الحكومة بس بدهم حجة يهجموا عالعلويين.

لما قلت من خمس ايام القصة مو واضحة واصبروا بجوز مو مخطوفة وهاد الجزم ما بيساعد حدا وبيضرها وبيضر قضية كل حدا تاني تعرضت للهجوم والشتائم، لازم هيج مع الهايجين ونزل القاطع وخلص اجزم وروج انها سبية وبعدين شو بيصير لطيزي ما مهم شو عواقب الموضوع وشو ال backfire اللي ممكن يعملو. المهم اول شي نشارك بالحملة والباقي عالتيسير.

اول شي، الكتابة بالفيديو لا اتبناها، هاد اول ريل طلعلي وانا عم قلب وحملتو. المكالمة هي المغزى.

زين جرعة من بعد المقابلة وهو عم يتعرض لحملة تشهير عالسوشال ميديا وخاين وقواد ربعو، ليش زين تحديداً من بين الحاضرين؟ لأنو علوي، والمعركة اللي سلاحها بتول هي معركة طائفية فهو بطبيعة الحال لازم ما يخون طائفتو وياخد موقف انو بتول مخطوفة.

ومجرد ما عمل هيك بلشت حملة التحريض ضدو والهجوم عليه و"تخوينو" لحد ما وصلت لهالمكالمة. تهديد صريح بالقتل من احد فلول الأسد.

يعني هلأ في شخص ممكن ينقتل لسبب تافه لأنو ما شارك بحملة تعزيز المظلومية.

اللي حرضوا ضدو عالسوشال ميديا شو متوقعين منو؟ الزلمة قعد معا وشاف انو مافي خطف وسبي ومن هاد الكلام، لازم يتجاهل قرارو يعني ويدعم الحرب الطائفية الإلكترونية؟