u/New_Purple6885

في كثير امور بس تشوفها تحسها تعبر عن تروما دفينه شو هي بالنسبه الك؟
انا شعر البنات

أنا اردني وأحب بلدي سياده وأرض وجو وبحر وكلشي واعتبروني مطبل للأردن من كثير نواحي من امن وامان وقوة تعليم وقوة مستشفيات

بس في أشياء غلط جد لو استمرت راح تنتهي بكارثه يعني مرات اقعد أفكر كلشي لفوق إلا الرواتب حرفيا كلشي ساعات الجامعات معدلات القبول الضريبه سعر البنزين تعرفة الكهربا سعر لتر المي المسقفات المخالفات جد خايف وهو خوف شبه موكد للأسف حنوصل لمرحله انه الموظف يا دوب يوكل بس بدون مدرسه ولا سياره ولا اشي بس وهو مروح يشتري خبز وفلافل يوكل وينام بس هيك قدرته لأني يوم اشوف طلاب اهلهم الاثنين موظفين مش قادرين يدرسوا بنتهم بجامعه حكوميه جايبه ٩٨.٥ كارثه وللأسف بنقطه معينه حننفجر ونصير زي سوريا حيطلعلك معارضين وحيطلع ميليشات وحيطلع قصص واتمنى ما نوصل لهاي المرحله بس لو ضلينا هيك حنوصل ما احكي حياه مثاليه كلشي ببلاش بس يخوان احنا نعطي للبنان كهربا او سوريا ناسي بسعر تعرفه ارخص مننا يعني السوري او البناني يشتري كهربتك ارخص منك وجد حاس كلشي للهاويه
كلام عشوائي بس نوع من أنواع الفضفضه وللعلم معلومه صادمه شوي اغلب الناس تسب عالعيله الهاشميه يخوان اقسم بالله ما الهم دخل مش تسحيج بس أنا احكي عن نوعا ما معرفه أكيده مشكلتهم بالي حولهم العيله الحاكمه نفسها أطيب منها مافي وانا قرايبي في تواصل بحكم شغلهم بينهم وبين العيله الهاشميه ومرات يحكولي جد إنهم أطيب مما نتخيل بس المشكله بالحاشيه الي حوّلهم من حكومه لمدري ايش
الكلام عشوائي شوي بس نوعا ما فضفضه

الي مش رايق لا يقرأ لانه مش حيفهم
قاعد اكتشف انه طول حياتنا البشريه نحاول نخفي صفاتنا البشريه وهاي بحد ذاتها مش مشكله لانها برضو جزء من طبيعتنا كبشر

نحاول نخفي أننا نتضايق وهي طبيعه بشريه وبرضوا من الطبيعه البشريه انك تخيفيها يعني الموضوع زي حلقه ويوم تحاول تبين العكس فأنت خالفت فطرتك كأنسان

يخوان نصيحه حاول بكل موقف تقمص شخصية الشخص الي قدامك او فكر من وجهة نظره تفيدك كثيررر

كمثال كثير التقيت بناس بحياتي كلهم مظلومين بعمري ما واحد قال أنا ظالم هان لازم تفكر بزاويه ثانيه انه ياخي كل هالمظلومين مش لازم يكون في ظلّام الهم؟(معلومه في ناس عاشت وماتت وما فكرت هيك )
بعد تفكير للأسف تكتشف انك ظالم وانا كمان انت زي ما انك مظلوم انت بقصة شخص ثاني ظالم زي ما انت انخنت انت بقصة شخص ثاني خاين مش انه يألف لا جد انت هيك باختلاف الدرجات طبعا ما احكي الكل زي بعض بس فكر من هاي الناحيه وحاول صلح حالك وحاسب وفكر بعمق بتفاصيل حياتك القديمه لانه العقل نصاب ما يذكرك إلا يوم تكون مظلوم وما توصل للموقف الي كنت فيه ظالم الا بعد تفكير عميق

يزم صرت اروح محل عادي كاسة سبانيش حقها دينارين ونص أنا ما عندي مشكله ادفعها بمحل محترم حق القعده بس ليش ادفعها بقهوه شعبيه اوخذ الكاسه وامشي حتى الامامن السياحيه المنتجعات فنجان القهوه الصغير حقه ٥ دنانير ومش منتجع ولا واحد ولا اثنين جريت فوق ال ٧ كلهم هيك اقسم بالله شرم الشيخ والسفر برا ارخص من السياحه جوا الاردن

أنا ضد تبجيل الأم المبالغ بيه .
الأم افضل كائن بشري ولو تسخطك سخط ما تقولها غير حاضر مفروغ منه بس استغرب من ناس يبجلوهم بشكل مضر على سبيل المثال تناقشت مع واحد ضابط بالأمن العام يقول اقسم بالله لو امي تقولي بكرا اترك الأمن العام اتركه بحجة انه الأم مستحيل تنصح نصيحه الا من نيه صافيه ومقصدها فائدتك وكثير أمثله زي هيك زي الي يخلي امه تختار له عروس بشكل اعمى بدون ما يفكر بشو بده وبس تسأله بدك إياها طويله؟زي ما بدها امي شقرا؟ زي ما بدها امي هاض انعدام شخصيه مش بر
وجهة نظري انه الأم اكيد اكثر بني ادم لازم تحبه وتحترمه بالكوكب وبالكواكب كلها كمان بس مرات كلامها ورأيها ما يكون بمكانه بسبب نقص معلومات مش بقصد الضرر يعني كمثال الضابط الي قبل شوي امه عمرها الله يطوله كبير ومن النوع الي قضت عمرها بخدمة البيت يوم تقولك اترك الأمن شو عرفها بطبيعته شو عرفها هل راح يكون إيجابي ولا سلبي شو دراها بسوق العمل ما بعد التقاعد مش لانها جاهله حاشاها بس لان كل موضوع اله ناس مختصه فيه
يعني أنا امي الله يخليها دارسه عربي يوم كنت توجيهي كل سؤال اسألها عن العربي تجاوب ويكون صحيح وآخذه ثقه بس إنجليزي كمثال سالتها مره عن اشي قالتلي الجواب اشي معين (الها عالانجليزي )
ودكتور خالد حكى اشي رديت عدكتورخالد مش عقوق ولا فسوق بس اختصاصه!
فكوكوا من التخلف والتعظيم الزائف لانه مرات هو يوصلك للعقوق اصلا

أنا بني ادم مهوس بموضوع أكون الأفضل هوس حميد مش هوس مرضي ودايما احب أكون اكثر واحد يعرف يحكي اكثر واحد عنده معلومات اكثر واحد عنده أسلوب ، ولما كان صفي تقريبا ثامن تاسع كنت مرات اعك بالحكي كيف يعني اعكس احرف او اعكس كلمه مع انه أنا اعرف احكي كثير بس هاي الشغله كانت قاهريتني و وصلت لمرحلة الاكتئاب منها وكنت أقارن هي خالي يسولف بسلاسه هي عمي هي ابوي هي فلان وباقي الاسئله بس وصلت لخلاصه حلوه بعد معاناه وجهد الله يعلم بيه انه باختصار " ارحم نفسك " انت بعمر ١٥ وإلا ١٨ ولا ٢٠ مش مطلوب منك تكون متحدث محترف مش مطلوب منك تكون تاجر عارف تعمل كلشي مش مطلوب منك تكون كامل لو توافرت ممتاز بس عدم وجودها لا يدل على مشكله وهذا لا يعني انك ما تعمل على تطويرها لا تطور بس يوم تغلط انت مش غبي ولا هبيله ولا جبان كل ما بالأمر انك لست تتعلم مطلوب منك تتعلم مش ما تغلط وتوقع بفخ المقارنات يوم تقارن حالك بأبوك ولا عمك ولا خالك مهاره انت لسا متعلمها بشي هو عنده من ٣٠ او ٤٠ سنه!
والحمد لله بعد ما شلت عن حالي الهم الي ما كان لازم احملوا اصلا هسا قادر احكي مع رئيس وزراء احسن من الصحفيين مش لأني شاطر لا لأني تقبلت ومشيت

أنا بني ادم مهوس بموضوع أكون الأفضل هوس حميد مش هوس مرضي ودايما احب أكون اكثر واحد يعرف يحكي اكثر واحد عنده معلومات اكثر واحد عنده أسلوب ، ولما كان صفي تقريبا ثامن تاسع كنت مرات اعك بالحكي كيف يعني اعكس احرف او اعكس كلمه مع انه أنا اعرف احكي كثير بس هاي الشغله كانت قاهريتني و وصلت لمرحلة الاكتئاب منها وكنت أقارن هي خالي يسولف بسلاسه هي عمي هي ابوي هي فلان وباقي الاسئله بس وصلت لخلاصه حلوه بعد معاناه وجهد الله يعلم بيه انه باختصار " ارحم نفسك " انت بعمر ١٥ وإلا ١٨ ولا ٢٠ مش مطلوب منك تكون متحدث محترف مش مطلوب منك تكون تاجر عارف تعمل كلشي مش مطلوب منك تكون كامل لو توافرت ممتاز بس عدم وجودها لا يدل على مشكله وهذا لا يعني انك ما تعمل على تطويرها لا تطور بس يوم تغلط انت مش غبي ولا هبيله ولا جبان كل ما بالأمر انك لست تتعلم مطلوب منك تتعلم مش ما تغلط وتوقع بفخ المقارنات يوم تقارن حالك بأبوك ولا عمك ولا خالك مهاره انت لسا متعلمها بشي هو عنده من ٣٠ او ٤٠ سنه!
والحمد لله بعد ما شلت عن حالي الهم الي ما كان لازم احملوا اصلا هسا قادر احكي مع رئيس وزراء احسن من الصحفيين مش لأني شاطر لا لأني تقبلت ومشيت

الناس الي طورت حالها بالانجليزي مش من ناحيه اكاديميه لا من ناحيه واقعيه يعني تصير تفهم شو ينحكى الك تفهم أفلام بدون ترجمه وتحسن الاستماع والنطق شو احسن طريق

اجتنا وحده من قرايب ابوي الكبار وبعاد شوي وضلت تمدح بيت وبكلشي وصافنه بيا بس راحت ابوي وجهه اسود سالته مالك حكالي هاي ساحره وعندها كتاب شمس المعارف ومن قوة شياطينها جوزها توفى وفعلا توفى فجاه لحاله