u/NoSenseOfPlace

لو هنصدق موضوع إسرائيل الكبرى ده، يبقى أكننا بنقول إسرائيل لسه محققتش أهدافها لحد دلوقتي، ولا أمريكا طبعًا

أمريكا اللي حمادة بايدن ده كان بيقول لو مافيش إسرائيل، أمريكا لازم تخترع إسرائيل

فهما أكيد محققين أهدافهم، وهي السيطرة على المنطقة علشان نفوذهم السياسي وأهدافهم الإقتصادية

لو إسرائيل توسعت فعلًا، المكتسبات دي هتروح، ومحدش يقدر يعرف إيه اللي ممكن يحصل بعديها

دخول المنطقة في حرب إقليمية شاملة، معناه إن في سوق كبير راح، وبالتالي أرباح كتير راحت

ولازم شركات كتير تقلل سعر منتجاتها أو تبيعها في أسواق تانية أو تقلل الإنتاج

ده غير إن ممكن يتكون منظمات مسلحة على مستوى أكبر بكتير من اللي موجود

ده كله بإفتراض إنهم يقدروا يحكموا المنطقة دي كلها أصلًا

هما عايزنها عند النقطة اللي هي عليها دي بالظبط، متحكم وبيكسب

إيه عمومًا الإثبات على فكرة إسرائيل الكبرى؟

الزبادي اللي في كتابهم؟ صورة الخريطة اللي على الزي العسكري؟

أنا بقول الكلام ده علشان ممكن القصة دي تبقى تهويل زي حاجات كتير بيعملوها

لو أنا ناسي حاجة حد يقولي