u/No_Necessary1722

أولًا إن شاء الله يكون يومكم لطيف و سعيد.

ببساطة البوست ببالي من الأسبوع الماضي لمّا رحت مع أصحابي على مطعم، و ما كان فيه دفع بالفيزا طبعًا استهجنوا أصحابي عدم وجود الجهاز تبع الفيزا، و كانوا شايفين إنّه غلط، و لازم يشتكوا بس أنا عارضتهم، و رح أحط رأي و إلي هو ما بلزم حد بس يعني ممكن يوسّع مداركنا هذا النقاش.

هسا نتفق على شغلة انا هون ما بحكي لازم نبطل نستخدم الفيزا نهائيًا انا شخص دائمًا بدفع كاش بس برضه بستخدم الفيزا بس لحالات ما في حل ثاني إلها زي شراء أشياء أونلاين، أو شحن بطاقات إلخ...

باختصار لمّا صاحبي كان مستغرب ليش ما في فيزا انا قلتلّه المفروض الفيزا تكون الحل الأخير ل إلنا ك أردنيّن بالأردن لأسباب كثيرة و إلّي هي:

١) العمولة الي بتروح من قيمة كل فاتورة بتبلش من ١.٥% ممكن توصل ل ٣ % طبعًا ممكن تسأولوا طيب و شو المشكلة النسبة تعتبر قليلة؟ هسا هي ظاهريًا اه قليلة بس أضرب هيك نسبة ب ٥ مليار ( تقريبًا هذا رقم مشتريات البطاقات بالمطاعم محلات..) بطلع على الأقل ٧٠ مليون هاي بس رسوم و في جزء منها بطلع لشركات الأجنبية يعني مصاري طالعة من البلد بدون فائدة عظيمة بقدموها إلنا طبعًا لو حسبنا

e commerce and online payment

بدك تضرب الرقم الي طلع ب ٣ مثلًا يعني ممكن يوصل ل ٢١٠ مليون دينار

٢) وجود بديل محلّي، و إلي هو كليك اه ممكن بغلب شوي أكثر بحكم إنّه لازم تفوت على تطبيق البنك، أو المحفظة، و تحط الاسم أو الرقم و فيه شوية غلبة، و ممكن تغلق بالنقل، أو تحوّل غلط بس زي ما فيه جهاز ل فيزا، و ماستر كارد ممكن يصير في جهاز أو حتى

Qr code

يخليك تأخذ معلومات كليك المحل أيًّا كان, و بس تحط المبلغ إلّي رح تدفعه، أو حتى يصير في خيار

Tap to pay

و تتم العملية بسهولة.

مكن تسألني طيب شوف الفرق هون رح يأخذوا عمولة و هناك بأخذوا عمولة؟ حقلك الفرق كبير هسا اه كليك رح تصير أو صارت تأخذ عمولة على المنشأت التجاريّة بس العمولة لا شيء يذكر مقارنة بالشركات الأجنبية و غير هيك العمولة على الأقل بتضل بالبلد.

٣) يعني اشي مستبعد شوي بس ما بتعرفوا شو بصير هسا موضوع العدواة بيننا، و بين الصهاينة واضح، و الأمور فيها توتر من فترة و دائمًا بهددوا مرّة بالمي مرّة بالغاز، ما بتعرف متى يحسوا إنّه احنا خطر عليها و يحاربونا بكل الطرق و منها أقتصاديًا عن طريق توقيف عمليات الدفع و الشراء من خلال فيزا او ماستر كارد زي ما عملوا مع روسيا ببداية حربها مع أوكرانيا في فيديو للمخبر الاقتصادي بحكي عن هذا الموضوع اسمه: فيزا و ماستر كارد أوروبا خائفة من مصير روسيا. بفيدكم إذا حاببين تسمعوا أكثر عن الموضوع.

انا عن نفسي بستحرم أشتري من دكانة ب فيزا إلّا لو للضرورة يعني تخيل أنت ك صاحب دكانة يكون هامش الربح عندك ببعض السلع ١٠% و عشان حد دفع بفيزا الفيزا يأخذوا ما نسبته ١.٥% من الفاتورة يعني ١٥% من ربحك و همّا فعليًا ما عملوا شيء. انا طالب جامعة مش تاجر مالك دكانة بس يعني جد فكروا فيها.

بس هذا رأيي و حاب أسمع آرأكم عن هذا الموضوع خاصة إنّه نسبة كبيرة (فوق ال ٤٨%) حكوا إنّهم بستخدموا الفيزا للمعاملات اليومية هل ممكن تستغنوا عن الفيزا لو نظام كليك صار أستخدامه بنفس سهولة استخدام الفيزا؟

إذا وصلت هون الله يعطيك العافية كثير طوّلت و أنا بكتب البوست😂 بس إن شاء الله كان مفيد للجميع و بس شغلة النسب و الأرقام ممكن ما تكون أدق شيء بس الفكرة انها تعطيكم فكرة عن التأثير لاستخدام الفيزا

بس تأكيد على شغلة انا مش مع إنّه يبطل في جهاز الفيزا للدفع بالأخر احنا بلد بعتمد بشكل كبير على السياحة و كثير من السيّاح ما بحملوا كاش و بعتمدوا معهم فيزا أو ماستر كارد ف لازم تكون الأجهزة موجودة بس أنا قصدي بيننا و بين بعض نستخدم المحلي(كليك) أو كاش، و جزاكم الله خيرًا

رح أنام برد عليكم بكرا بعد الدوام

كيف كان الفصل بشكل عام؟

و شو أصعب مواد أخذتوها؟

عن نفسي كان ممتاز من الناحية العلامات و المواد بس صدقًا ما عملت فيه أي فعاليات حرفيًا من البيت للمحاضرات، من المحاضرات للبيت و حكيت محاضرات لأنّه فعليًا ما تحركت بالجامعة بس كنت بأعمال ٣ و الانسانية الي هو مكان محاضراتي😂😂

من ناحية المواد الأصعب كانوا محاسبة متوسطة ٢، و محاسبة منشأت مالية الأولى كانت جدًّا طويلة و صعبة، أمّا المنشأت المالية كمادة سهلة بس بصراحة الدكتور عنده إبداع بكتابة الأسئلة يعني في سؤال بالفاينال ربط فيه أفكار من أكثر من تشابتر ما الهم دخل كثير ببعض مع انه أعطى مثال بشبهه لما شرح المادة بس خلص فش حد بركز بآخر أسبوع

الحمدلله الفصل خلص كان طويل بصراحة

هي الكلية الوحيدة اللي و أنت رايح على امتحان فيها بتقرأ أذكار المساء مش الصباح😂بس بصراحة مفيد الموضوع بكون عندك يوم زيادة تدرس

I went to my professor who is teaching us about financial management and asked him about investment banking and how the IPO works or happens in Jordan and stuff like this which definitely isn't in the course but it's something that I'm interested in and he knows about as a professor in a related field so he explained how it work and stuff while we were walking then he stopped mid way and told me(those are his exact words and he said it in English)'' I can hook you up with someone I know, who is an insider in that field'' I loved that he said it but I really didn't know what to tell him so I said I wanted to explore that field and I need to do some research on the way that it works if it's halal or not and thanked him for his effort and help then he had to go so went separate ways.

I already liked him but now he is on my top tier list

Moral of the story get to know your tutors, always leave a good impression and be curious about things you're interested in as uni is one of the few places you could easily find experts in various fields and they would be more than happy to share their knowledge with us.

Have a great weekend and all the best for anyone who have exams next week!