Hei, Mizoram sawrkarin Mizoram state emblem design intihsiakna a ti a. A ṭha khawp mai. Ka thil sawi duh a chu hei hi a ni
"In Emblem design-ah khan Khampat Bungpui lim kha telh tum rawh u."
Engatinge?
A chhan chu he Bungpui hi keini Mizote inpumkhatna symbol kan neih chhun a nia, Mizoram State Emblem-a telh chu ṭha ang tih kan pawm tlang thei ang.
In design-na ṭheuhah good luck.
"Mizo" tih thumalah hian inhnialna tam tak awm a, a thenin "Lusei ni zawk rawh se" an ti a, "Mizo tih hi tawk. " ti ve pawh an awm a. Keimah hian he inhnialna hi ka hrethiam hauh lo. History atang leh, ka thil en chianna atang hian Mizo tih hi a dik ber.
Ka tih chhan chu han tarlang ila.
1. Tuna kan Mizo Tawng hi Standard Language a zawk tawh mah:
Tun laia kan hman lar Standard Mizo tawng hi Lusei tawng hlang a ni lo. Lusei tawng hi a bulthut (structural base) ni mah se, 17.87% chauh a ni. Kan tawng hman lai 21% zetzet hi Ralte, Hmar, Paite, Mara, leh Lai tawng atanga kan lakkhawm a ni a, a dang 60% vel hi Proto-Kuki-Chin (tawng dangah chuan, Shared Vocabulary) a ni thung. 'Lusei tawng' tia kan thlak ngawt chuan hnam dang (Ralte, Paite, Lai, Mara, adt.)-te contribution zawng zawng kan tibo vek dawn asin. He percentage ka dawn dan chu Paite, Ralte, Mar, adt. kha ka lakhawm a, tichuan UDHR te, Lalpa Tawngtaina te, Vocabulary te, Bible chang te leh adt. kha tuna Mizo kan hman nen hian ka tehkhin a. Tichuan % kha ka chhut a, hei hi ka dawng:
Shared Proto-Kuki Chin : ~60.83%
Lusei : ~17.87%
Ralte : ~7.03%
Hmar : ~5.86%
Paite : ~4.79%
Others(Mara,Lai,etc) : ~3.61%
He %-hi kan hriatsual loh nan kan sawifiah ang e.
Lusei hi 17.87% a nih avang hian kan thu sawiah Lusei kha 17.87% a ni lo. Kan Mizo Tawng hi engzat nge Lusei a nih tih a chhang zawk. Entirna atan chuan Saptawng hi en ila. English-ah hian (ka inchhiar zauna atangin), ~30% French lai a ni a. Mahse chumi avang chuan Kan sentence 80% a zawh hnuah French kan tawng thut lo. Chutiang bawking Mizo Tawng hi a ni.
2. Lusei Tawng hi a dominant chhan:
Lusei Tawng hi a dominant chhan berah hian chhan pahnih a awm. Chungte chu:
a. Saphoin an awp hmasa ber.
b. Mizo Hnam(tribe) Language Continuum-ah hian Lusei hi a laihawl velawh a awm vangin. Chu chuan Standardisation kha a tiawl.
3. Mizo tih hi kan thlahtute atanga kan hman tawh a nih avangin:
Kan thlahtute khan hnam dangin an hming duh duha an koh loh nan a hlawma an insawiin Mizo tih khan an lo inti tawh. Hei hi MBSE Mizo textbook-ah a hmuh theih. Tin, Sap pa pakhat Mizo history-a pawimawh tak mai J. Shakespeare-a pawh khan a lehkkhabu "The Lushei Kuki Clans" tihah khan, " and the general population of the hills is spoken of as Mi-zo. Among inhabitants of the Lushai Hills are found a very considerable number of immigrants, or descendants of immigrants from the Chin Hills, who are found living among the Lushais under the Thangur Chiefs or in villages under their own chiefs." tiin chiang takin a rawn ziak.
Chuvangin, kan tawng leh hnam hming atan hian Mizo hman hi kan inpumkhatna atan a fuh ber. Ka hriat theih chinah pawh Mizo Tawng hi khawvela standard language fair ber a ni ang. Mizo Hnam(Ethnicity) kan sawia Lusei Hnam(Tribe) kan stereotype chuan a lang fair dawn lo. "Mizo tih hi Luseiah thlak a tha" tiho hian Mizo Hnam (Ethnicity) hi Lusei Hnam (Tribe)-ah an stereotype avangin thlak an duh mai a ni zawk.
Hriatthiam loh i neih chuan min lo zawt dawn nia.
Eng nge i ngaihdan han sawi ve rawh le.