u/Nophotathefirst

انا شيوعي بس مستغرب ليش كل الشيوعيين بسوريا متعاطفين مع نظام الاسد بشكل غريب جدا, بعضهم حتى بيوصل لمرحلة انكار انو بشار عمل اي جرائم وانو كلها مؤامرة كونية.

اليسار بكل دول العالم هم مع مفوم الثورة وضد الاضطهاد عموما, الا الي عنا محورجية بطريقة غريبة, وكل ما تنتقد بشار بيحرف الموضوع بيقولك انت تدعم داعش او انت امبريالي بتحب امريكا.

السؤال الاهم: هل نحنا كسوريين مقصرين بنقل معاناتا وثورتنا ومشروعيتها اعلاميا للعالم؟
انا برأيي نعم نحنا كثوار مقصرين كتير بنشر الوعي عن ثورتنا بالعالم لازم يكون عنا شغل اعلامي ننشر وعي عن قضيتنا.

فعليا شي بفتخر فيه بشعبنا انو بشكل عام السوريين هم من اكثر الشعوب وعيا بهاد الموضوع وخليني اشرحلكم كيف اعيروني اسماعكم يا قوم.

لو تروح على اي دولة بالعالم بتلاقي اغلبهم عندهم تقديس للحاكم المؤسس للدولة, اقرب مثال تركيا والي عاش فيها بيعرف انو صور اتاتورك بكل متر بالشوارع مع انهم ديموقراطية بس لما تسالهم بقلك هاد الي حرر تركيا واسسها فصوره طبيعي بتلاقيها بكل شبر. هاد الشي مو بس بتركيا بكل مكان مثل بالصين مع ماو تسي دونغ وبفيتنام مع هو تشي منه وبكوبا مع تشي جيفارا وبالهند مع غاندي الخ الخ.

باغلب شعوب العالم القائد الأول والمؤسس للدولة خصوصا بعد حروب طويلة او احتلال خارجي بيصير رمز مقدس.

بالمقابل لو تمشي بسوريا شبه مستحيل انك تلاقي اي صورة للرئيس معلقة عالجدران والمحلات والشرطة منعت اكثر من مرة بيع اي صور او اعلام فيها صور للرئيس. والشخص الي بيرفع صوره شعبيا حتى من مؤيدين الشرع بينظروا له بدونية. حتى الهتافات للشرع تعتبر مكروهة من الشعب ككل.

والزلمة قول عنه الي بدك اياه سواء اتفقت او اختلفت معه هو الي حرر سوريا من الأسدية, مع ذلك شعبنا بعمومه واعي و ضد تقديس الرموز وبيعامله على انه رجل عادي يصيب ويخطئ.

ملحوظة انا ما بنكر انو فيه مطبلين له عنا بسوريا, بكل شعوب العالم فيها هاد الشي عم احكي عنا بالنسبة للشعوب الباقية النسبة عندنا قليل جدا.