مسا يخواتى انا إيديتور ع قدى كنت بعمل اكونتات واكبرها وابيعها كورة او كوميدى او محتوى مشاهير كان ف اكونتات كتير بتفيرل بس مبقاش عندى صبر ع الموضوع ده خالص انتقلت ل مواقع ال micro tasks برضو زهقت منها عشان بجمع ملاليم رغم انى كنت شغال ع ١٠ مواقع بدور ع شغل اونلاين جانبى مش حاطط تارجت عالى يعنى 6k مثلا ف الشهر بس تكون حاجة سهلة مقعدش اتعلم شهور عشان خلقى ضيق الانجلش بتاعى كويس اى نصايحكو ؟
مساء الفل عليكم انا شاب كحيان وتعبان كمعظم الشباب بقالى فترة شغال ع مواقع ال micro tasks ع أمل انها تجبلى دخل أضافى بس بصراحة قرفت اوى وزهقت معنديش خبرة ف اى مجال غير المونتاج ومش كبيرة يعنى بس بتعلم بسرعة وكنت بعمل فيديوهات كتير بتفيرل بس برضو معنديش دخل كويس نفسى اتعلم مهارة او حاجة تجيبلى دخل كويس عشان اسيب الشغل ال١٢ ساعة اللى بتعامل فيه زى العبيد بس كل الطرق مسدودة حتى كنت بفكر اقدم كول سنتر انجلش بس مستوايا لسة b1 وبسبب انى كسلان وبحب الراحة والتفخيد حجزت كورس ومنزلتوش واطردت انا مشكلتى الاكبر أنى حاسس بالتوهان مفيش هدف واضح قدامى ولا طريق امشيه مضمون انا حاسس بالعجز مش عايز حياتى تكمل بالشكل ده ومع الناس دى انا مقهور اوى ع الوضع اللى وصلتله
معلش لو كلامى ملغبط بس كنت عايز اطلع اللى جوايا
انا للأسف نزلت شغل مع ناس مش شبهى خالص كلهم حوارات ومتعبين نفسيآ فشخ بس مضطر اكمل عشان محتاج فلوس شغل ١٣ و ساعات ١٤ ساعة ف اليوم عشان 6k بس مضطر استحمل كل ده ع الاقل انا زعلان ع نفسى انى وصلت للحال ده لأنى مكنتش متخيل اوصل لكدى ومكنتش اعرف ان الشغل بالسوء ده كلهم مش سالكين لبعض وانا اصلآ مبعرفش اتعامل كويس مع الناس واحط حدود للناس انا مضطر اكمل ف الشغل عشان محتاج فلوس ضرورى ولو قعدت ف اللبيت ممكن اعرف اطلع نص المرتب مثلآ من اى شغل اونلاين بس اهلى هيتكلمو معايا عشان هقعد منغير شغل كنت بفكر اقدم كول سنتر وانا الانجلش بتاعى كويس انا b1 بس غالبآ مش هتقبل وبصراحة مش عارف اعمل اى انا بقالى ١٠ أيام وبصراحة جبت أخرى بس معنديش حل غير انى اكمل مش عارف اعمل اى عشان اعرف اتعامل واعدى ايامى بسرعة وسطيهم منغير ما اضرب كريستال ميث
نفسى اتكلم واحكى عن كل اللى جوايا لكن مفيش حد يسمع ولا عندى الجرأة اكتب كل حاجة حاسس بيها ونفسى احكيها ف اى حتة بكتفى انى بكتب شوية واعيط وانا بكتب وامسح تانى كان نفسى حد يسمعنى ولو لمرة واحدة مكنتش بطلب كتير كان نفسى اتحب مش كتير برضو وكان نفسى احكى عن اللى جوايا لو لمرة واحدة انا تعبت اوى وحاسس كل حاجة خانقانى وكاتمة ع نفسى انا مستاهلش كل اللى بيحصلى ده ودى مش عقلية ضحية انا برغم كل اللى حصلى مفيش حاجة تعبتنى اكتر من انى كنت لوحدى ومازلت وفكرة انى محدش متقبلنى مهما عملت لى كل المشاعر السلبية والذكريات السيئة والمشاكل بتهاجمنى ف الوقت ده حاسس انى عايز اهرب من كل حاجة واتحرر من كل ده ومفيش غير طريقة واحدة للأسف