السلام عليكم
طلعت لي بمنصة القبول كاس لكلية علوم تطبيقية بجامعة سطام وأنا محتارة وتلقيت آراء سلبية عنها،طبعا التخصصات الي فيها هي:العلاج الطبيعي-أشعة وتصوير طبي-مختبرات طبية.
وأنا للأمانة التخصصات عاجبتني عادي لكن أنا طبعا اهتم**ّ للتخصصات المطلوبة والآمنة وظيفية وراتب،ف اخواني واخواتي هل تشوفون أحط هذي الكلية ضمن رغباتي أو ابحث عن تخصصات افض**ل؟
السلام عليكم بكل اختصار
موزوني تدخلني تمريض بالمجمعة وأنا من سكان الرياض شمالا هل تحسون يسوا ان يوميا امسك خط عشان التخصص؟ بالنسبة لجامعات الرياض طبعا حاطتها بس أنا اقل بفارق كم درجة ف مو ضامنة القبول+ حطيت بسطام الخرج
صراحة لما سألوني اهلي هل عادي عندي وأنه مكلف ماديا وجسديا ترددت وماعرف أنا ماقد جربت لكن بتخصص تمريض؟ الي هو حلمي أشوف انه يسوا أيش رأيكم الي مروا بتجربتي أو يعرفون احد يفيدنا
إذا كانت موزونتك ممكن تدخلك لتخصصات حلوة لكن دبلوم مثل محاسبة-تحليل البيانات وغيرها لكن دبلوم
وتخصصات بكالوريوس مثل أدب انقليزي وعربي أو أصول دين وهي ليست رغبتي وبكالوريوس ايش ممكن تختارون؟
أنا فكرت بالتحويل للبكالوريوس لكنه شي غير مضمون وماذا لو ماقالوا تحويلي وابتلشت بتخصصي؟
السلام عليكم
هل عمركم ندمتوا على شي أكاديمي؟خصوصا بالجامعة؟
بالنسبة لي هذا اسوأ أنواع الندم لان فعليا مستقبلك قد يأثر بسبب هذا القرار،وأنا من الأشخاص الي ندموا اكاديميا بشكل قوي لدرجة سيئة.
انقبلت بتخصص ادبي بجامعة معروفة ب الرياض،عرفت أن يمديني تحول لتخصص أحلامي،هذا الي صار لكن رفضوني،ب المرة الثانية كنت للان أبيه ورفعت معدلي بشكل واضح جدًا،هالنقطة** مهمة،كان عندي فرصة احول لتخصص(علوم بيئة**)** كان تخصص جديد بجامعتنا وكان يثير اهتمامي لكن بعد ترددات ومقارنات واستخارة كنت احس بشعور سلبي ف قررت ما اقدم على التحويل وابقى بتخصصي الحالي الأدبي والسمستر اقدم ع تخصص أحلامي لكن رفضوني بعد للمرة الثانية،من سوء تخصصي كان التحويل الحل الوحيد،اماً أني أتقبل تخصصي لا بسبب الرواتب والفرص الي فيه جدا قليلة،قدمت بالسمستر الثالث وكان آخر مرة فرصة للتحويل،مع أني مجتازة الشروط لكن رفضوني.. وقتها قدمت** ع تخصص غيره للاحتياط لكن كلهم رفضوني وبالآخير اضطريت انسحب وأقدم هالسنة**. الموضوع فعلا محرج بالنسبة لي لأني اعتقدت ان في فرصة بسبب معدلي العالي وكيف أني تكبرت على التخصص علم بيئة ورفضته والان يجماعة أنا احس رح أموت من الندم. لأني ضيعت هذي الفرص،والح**ل؟