ورده منبوذه
هههه ما عليكم من العنوان اكتب وانا على وشك نوم
ومن الان السالفه سخيفه وطويله على غير سنع الي مو فاضي يدور بوست ثاني
المهم
انا اتدرب تمهير، مسماي ومهامي التدريبيه ما تطابق الشغل الفعلي الي خلوني اسويه وعادي اهم شي اني اكتسب خبره لان الاداة الي اشتغل بها جديده
خلوني ادقق ورا شغل مشرفتي (كل شغلها غلط) كنت امشي وراها واعدل واصحح وينكتب اسمي بأني اخر من سوا تعديل وتحديث واخلص بسرعه وحتى احيانا اضطر انشأ وكنت اسرع منها
تفاجأت الخميس بأن كل صلاحياتي بالأداة انشالت! فجأه بدون مقدمات! كلمت مشرفتي: ليش يا استاذه مشرفه انشالت صلاحياتي؟
….
م: "لاننننييي لقيييت عندك غلط 🤭 اخطأتي بالربط🙂↔️ والحين ابيك تكملين تدقيق لكن بدل ما تعدلين اكتبي اي ملاحظه على الاكسل 🫷🏻"
انا: "…وين مكان الخطأ يا استاذه مشرفه؟"
م: "والله نسيت بس بشوف لك —- ايوووه حصلته، انتي كنتي حاذفته!! 🙂↔️ ما ابي شغل شهور يضيع ف دققي وراي وسجلي اي ملاحظه بالاكسل" (غريبه.. مب كنت غلطانه في الربط؟ فجأه طلعت حاذفه شي؟)
انا: "استاذه مشرفه، للامانه ما اتذكر حذفت اي شي.. غير كذا هذا واحد من الاشياء الي انتي انشأتيها مو انا.. قلتي لي قبل يجيك على الايميل كل التعديلات الي اسويها صح؟ تقدرين توريني؟"
م: "…."
انا: "تقدرين توريني الايميل؟"
م: "…."
انا: "تمام.. اعذريني بس ما يناسبني اكمل على الاكسل، ما يفيدني تقنيا ولا يطورني”
م: "يعني مو عاجبك؟"
انا: "لا ما يناسبني اكمل على الاكسل."
م: "خلاص نكلم المدير ويشوف لك قسم ثاني."
انتظرت انتظرت انتظرت من الصباح للعصر انتظرها متى نروح للمدير، ولا راحت. وخلال هذاك الوقت كملت شغل على الاكسل عشان ما تكون عندها حجه
لما جا العصر قمت بريك، وقررت وقتها تروح للمدير بدوني! مع انها شايفتني على الكراسي مرتين من اول ما بديت البريك!
دخلت على المدير قبل انتهي من دوامي واستأذنت اكلمه عن موضوع ومن هنا عرفت انها كلمته من دوني :/ غالبا عبت راسه بكلام لا يمس الحقيقه بصله لان وانا جالسه اشرح له احسني اكلم جدار، وقلت له "للامانه استاذه انا ما اتذكر حذفت شي— قاطعني وقال: تبين تتطورين؟ اغلطي، قلت: استاذ ما عندي مشكله مع الغلط— قال اجل وش مشكلتك؟؟؟ (لي ١٠د اشرح بدون فايده)" فهمتوا؟ غالبا راحت وقالت له المتدربه زعلت لاني قلت لها غلطانه والحين تبي تطلع من عندنا 🥹
بعدين حتى لو انا "غلطت" بالأخير انا كنت شغاله تعديل على كل اغلاط مشرفتي! كل الشغل الي سويته لها وصححته كرشته عشان خطأه واحد؟ كيف "ما ابي شغل شهور يضيع" وهي من الاساس كل شغلها بالشهور غلط؟ عذرها انها مستعجله، لكن انا كنت اسوي اسرع منها وبدون اغلاط بعد 😐وفوق ما انها شالت صلاحياتي ومنعتني من اني اثبت وجودي وشغلي تبيني اكمل زي حمار المكده واسجل ملاحظات على اغلاطها عشان تعدلهم ثم يطلع اسمها بكل مكان وتاخذ كل الفضل؟ تدق علي
كمشرفه دورها تعلمني وتوجهني اذا اخطأت، مو تسلب مني كل شي وباقي ودها تعصرني لاخر قطره بدون اي فايده لي او تطور!
يله ما عندي مشكله تشيل صلاحياتي، مب من الرقي تنبهني وتناقشني فيها اول؟ حتى لو ما لي اي حق اختار على الاقل فيه احترام
عموما القسم الي انا فيه محسسني اني زباله.. البنات من ضمنهم مشرفتي يوميا يقومون للقهوه وقت البريك و ولا مره عزموني، مع اني جالسه معهم. مره وحده مشرفتي وهي قايمه قالت ايش تبين اجيبلك قهوه يا //؟
😐 (المفروض تعزمني اجي معهم ولا انا بجيحه؟)
انا قررت اتشجع واقول عادي انزل معكم؟ قالت براحتك
راحتي ما توقعت تنتهي باني اجلس الحق وراهم زي الكلب لان ولا وحده عبرتني
من بعدها ما طلبت انزل معهم وهي ما عاد سألت وش ابي قهوه
وخلال كل الوقت الي قضيته معهم بالقسم مهما حاولت ادخل معهم بسالفه يسلكون لي ويرجعون يكملون بين بعض، ولا مره حاولوا يتحاورون معي.
القسم فيه اجانب، وكل البنات الانقليزي عندهم مو ذاك الزود ويخلطون عربي وانقليزي، مره من المرات جا احد الزملاء الاجانب وكان يسأل عن ظاهره في بلده واذا هي موجوده في بلدنا.. كل ردود البنات كانت عباره عن: يس يس ههه نو نو والله ومتفاعلين البنات مع بعض ويضحكون
انا حبيت اشارك وانطلقت بالكلام الانقليزي مع الزميل، وهو تحاور معي شوي ثم راح، وخلال كل الحوار اكتشفت قوة صمتهم ونظراتهم لي.. وقتها استحيت على بالي اني زودتها بالكلام مع الزميل لكن الحين تو استوعب معنى ردة فعلهم ذيك
ومن الحين اقولكم البنات متفاوتين في الاعمار فيه الكبير وفيه الصغير
وصح كان عندنا يومين اونلاين و ولا محده من الزميلات بلغتني، عرفت من بنت بقسم ثاني هههه