بوست عن الاستقلال... الخلاصه مرشحهوش..
جايبه من بروفايل الفيسبوك طازه علي هنا.. لاخوتي الملحدين فقط..
انا صعب عليا بعد اللي شوفته في حياتي اعيط... "لما مسكت الورقه دي دمعت..
انا شوفت كتير جدا لدرجه ان في اسوء الحالات مودي ديما رايق و مبسوط و بهندل ايا يكن ايه العك الداير..
انا وصلت للمرحله دي بعد معاناه.. و اكتر حاجه بتزقني بعيد عن اني اعرف ناس جديده ان مستحيل عمرين علي عمري اشرح فيهم لحد انا زي ما انا دلوقتي ليه و ازاي...
"بالمناسبه لو انت/ى حد من الناس اللي اتعاملنا مؤخرا (اخر ١٠ سنين) و جه في بالكم ايه العبث ده.. انا اسف كده كده كثم رايك."
ده كان ورق بطلعه من شارع البطل حاجه في المعادي علشان اشتغل في فرع كنتاكي السويس.. الموضوع بسيط..
وقتها كنت سايب البيت من كام شهر.. شغال باليوميه في مصانع السويس "ساعتها كانت ٦٠ جنيه و كنت باكل و بشرب و ساكن بيهم" و كنت بدور علي وظيفه ثابته مستقره اكتر تجيبلي ٢٥٠٠ جنيه +تيبس علشان اعرف اغير السكن المعفن اللي كنت فيه "حرفيا زريبه و اللي كان ماجرهالي كان مخبي الحشيش في المصحف"
كنت مخبي شكارتين من بتوع الدقيق دول مليانين كتب علشان الثانويه العامه..
كنت ١٧ سنه و كنت في اشد تشتت ممكن يحصل لحد يادوبك مش مؤمن من سنه.. قرر يسيب البيت و يلف يادوب سنه علي كل مؤسسه دينيه في مصر و برا تحاول تطمنه ان في ربنا في ضهره..
كنت بسيب البنت اللي كنت مرتبط بيها "عرفت ان اسمها علاقه افلاطونيه بعد كده" و بحكيلها قصص الصحابه قبل النوم و اصحيها نصلي.. كنت ١٧ سنه و قابلت امها":.. "بقيت مش مؤمن و انتي مؤمنه.. حرام نكمل.. انا مش متاكد اني هرجع مؤمن.."
كنت ببني حياة من الصفر.. باخلاقيات زي ما بيتكتب في كل الكتب اللي بتتكلم عن الاخلاقيات الحميده اللي قراتها بعد كده. (What We Owe to Each Other مثلا)
كنت عزيز.. و اكتر حاجه اذتني اني افكر بس ان دراعي يتكسر او رجلي يحصلها حاجه و مقدرش اشتغل.. كنت مؤمن كامل الايمان ان دي اللحظه اللي هكون مستريح مع اختياري لموتي وقتها..
قابلت ٣ اشخاص في الفتره دي و قبلها.. ٢ منهم انتحرو.. قبل ما اقابل التالت.. فكنت كمان بتعامل مع خسارتهم.
كنت ١٧ سنه و عندي مطلق الحريه.. و ممسكتش سجاره.. ملمستش بنت(ولا ولد).. ولا شربت الكحول.. بالرغم من توفرهم و زنهم الملح...
كنت بسمع اصوات اخواتي الصغيرين..
و في اخر الليسته.. بابا كان بعتلي رساله قبل ما اشيل الخط بيقولي "انا مش متبري منك بس.. انا هدور عليك و هقتلك بنفسي.." في اخر الليست لان الراجل ده اكتر كائن سيئ ممكن تكونو سمعتو عنه .... بدون تفاصيل عن اي حاجه برا شخصي و حياتي... و بدون تفاصيل تخليني اوصلك ان مكنش عندي اي وسيله او اختيارات موجوده عند عيل سرسجي واقف دلوقتي علي ناصيه شارعكم.. انا كنت في وضع سيئ..
كنت مؤمن اني همر بكل ده و هطلع من النحيه التانيه انضف و اقوي..
اكتر كلمه كانت بترن في ودني " انا مش حي الا لو انا حر"
و اتعرفت وقتها علي محمود درويش و تاتو "حي و حر" جي من قصيده.. كنت بتاع اندرجراوند وقتها قبل ما اتامرك و اسمع انجليزي بشكل اساسي :" ..
انا مش حي الا و انا حر...
لما بقول لحد انا عجزت.. انا فعلا مؤمن ان دماغي استوعبت حجات معظم اللي عندهم ٦٠ و ٧٠ سنه و لسه عايشين متاكد ان دماغهم مستوعبتهاش...
و مبسوط ان في اجزاء بحاول افتكرها و دماغي بتساعدني انساها زي اسم شارع البطل اللي في المعادي اللي كان فيه المكتب بتاع شركه امريكانا...
دي مره واحده من المرات الكتير اللي اضريت ابني حياتي فيها من الصفر بدون و اي وسيله تساعدني... بدون اي حد جنبي.. بدون اي وجود لسبل حياه مخلقتهاش بنفسي من العدم..
و حقيقي.. كسمي علشان عندي دين ام بوصله اخلاقيه منعاني اختار سبل اسهل كتير جدا جدا للحياه.. و ديما بختار الاصعب طلاما مستريح ليه اخلاقيا...
مش عارف بكتب البوست ده ليه.. مش عارف بدات البوست ازاي.. مش عارف انا بنهي البوست ازاي.. مش هراجع الاخطاء الإملائية و السياق و اللوجيك بتاع اي حاجه بكتبها زي ما عادة بعمل..انا بس هدوس شير..