السلام عليكم.. بختصر لكم وضعي لأن مشاعري وايد معقدة. هالفترة كارهة عمري وأحس بشعور Unwanted صرت ما اداني البيت و اجابل الأهل والمشكلة يوم أطلع ماعرف وين أسير وأتم روحي ونفسيتي الكئيبة ما تتغير أبداً!
قلت يمكن المشكلة إني وحيدة وماعندي ربع ومن اليأس نزلت برامج تعارف بس إن نوعية اللي يرمسوني وايد جيب ومسحته ع طول.
صدق واصلة مرحلة مسدودة وماعرف شو أسوي بعمري
اليوم صدفت زميلة من أيام المدرسة ولاحظت إنها تغيّرت وايد عن قبل.
كان واضح عليها قصور كبير من ناحية الاهتمام بنفسها وبشكلها العام وها شي خلاني أتساءل شو اللي ممكن يخلي شخص يوصل لهالمرحلة؟
السعادة تكون مؤقتة ومن داخل دايماً حزينة وأحس بشعور مستمر بعدم الرضا.
إذا وضعك المادي ممتاز ومع هذا تحس بفراغ وعصبية وعدم رضا فغالباً المشكلة مب في اللي تملكه المشكلة في احتياج فطري وعاطفي للحين ما انلبّى
وشكرًا
هلا بنات، شحالكن؟ عساكن بخير.
بدخل في الموضوع على طول.. أنا الحمدلله مقتنعة في ملامحي وأحس إني حلوة بس مشكلتي في لوني. أنا سمرا وأحس هالشي شوي مخرب علي، وخاطري أفتح لوني وأوحده كم درجة.
ربيعتي نصحتني آخذ دريبات أو إبر الجلوتاثيون (Glutathione IV drips).
فحبيت أسألكم، حد منكم جرب هالدريبات؟ وهل صدق تفتح وتصفي البشرة وتبين النتيجة؟ وهل النتيجة تتم ولا يرد اللون نفس قبل؟
خاطري أدخل عالم الألعاب الأونلاين وأجرب حظي، بس بما إني مبتدئة وتوني أقول بسم الله في القيمنق، أباكم ترشحولي ألعاب حلوة وخفيفة أقدر أبدأ فيها
اليوم غفيت شوي العصر ونشيت وقت المغرب والمشكلة إني قمت بضيقة صدر مب طبيعية حرفياً أحس إني أبغي أصيح من الخاطر ومب عارفة شو السبب!
المشكلة إني ما تميت في البيت غصبت عمري وطلعت عشان أغير جو وأكسر هالروتين بس للأسف للحين المود ضارب والضيقة ماراحت.
فيدوني الله يخليكم، لأن الإحساس أبداً مب حلو. 💔
أحس استوت لي عقدة وانسكيورتي من الرياييل بسبت أبوي.. من يومي أشوف كيف يعامل أمي ببرود وجفا مع إنها والله ما كانت مقصرة وياه بشي. وعقب يوم عرس شفت كيف الحب والاهتمام كله صار لعائلته الثانية. أحاتي وأخاف هالسيناريو يتكرر وياي أخاف آخذ واحد وعقب يقلب علي ويبيعني. صدق أحس إن الرياييل مالهم أمان وما قمت أصدق إن في شي اسمه حب كله مجرد شهوة وبس.. على الأقل هذا اللي عشته وشفته بعيني.
مرحبا
ما أدري إذا في حد مر بنفس اللي أمر فيه بس من فترة صرت ألاحظ إن علاقتي مع المقاطع الدينية تغيّرت.
قبل كنت أسمع عن الدعاء والاستغفار وقصص استجابة الدعوات وأحس براحة وطمأنينة أما الحين إذا صادفت هالمقاطع أسرع وأتجنبها أحس في داخلي ثقل أو إحباط وما أقدر أركز فيها مثل أول