u/One-Response4966

انا ناوي اشتري موبايل ان شاء الله (ممكن شهرين او ثلاثة من دلوقتي) و عاوز نصيحة

رغبتي هو ان التليفون يبقي صيني عشان الضريبة تبقي خفيفة (يدوب ألفين او ثلاث آلاف) فكنت بفكر في خيارات زي Oneplus 15 او honor win او poco F8 Ultra (اهم حاجة عندي الأداء فلازم النسخ تبقي ٥١٦ جيجا + ١٢/١٦ جيجا رام)

الفكرة مش في الموبايل نفسه لان الخيارات كتير بس المشكلة هي حاجتين :-

الأولي : الاسعار ، كل يوم الموبايلات بتزيد زيادة جامدة اوي اوي و المحلي هنا مش مساعد لان كله خره و اي خيار يقدر يقدم نفس الاداء اللي الموبايلات اللي فوق تقدر عليه بيعدي ال٧٠ و ٨٠ الف و انا أخري ٥٠ ان لم يكن اقل

الثانية : اني ساكن في محافظة بعيدة عن القاهرة و الجيزة فمحلات زي harmony store مش خيار فغالباً انا هطلب اونلاين

السؤال : هل في حد فيكم يقدر يرشحلي طريقة احسن لشراء الموبايل اللي انا عاوزه من غير ما اخاف اني يتنصب عليا من المواقع الغير مضمونة ؟

دلوقتي انا الحمد لله لسه مخلص ثانوية عامة و داخل علي الكلية

في حاجات كتيييير عاوز اتعلمها زي البرمجة و عاوزه عشان استخدامات شخصية برده لما اكون بره غير اني عاوز يبقي معاها حاجة معمرة و كويسة مش لازم يبقي سوبر بس لازم ميكنش تعبان ابدا ، انا عاوز اللاب اللي هجيبه يبقي لاب كويس يستاهل اني ادفع في فلوس مش مجرد سد خانة كام سنة عشان في الآخر اصرف فلوس اكتر بعدين

فدورت كويس و لفيت مواقع كتير و فكرت في اكتر من شركة و اتعلمت من اليوتيوب الفرق بين المعالجات و اللي تروح له و تبعد عنه و فايدة الرام و كل حاجة ليها دور في تحسين التجربة ( سواء هاردير او سوفتوير )

فضلت كل يوم ادور و ادور و ادور لحد ما لقيته ، كل شيء مثالي ، مفيش مبالغة بس بنفس الوقت مفيش تضحيات ، حاجة تستاهل و حاجة هتعمر مع العناية الكويسة ، هو ده اللي هجيبه

لما كلمت خالي علي الموضوع وافق عليه من غير مقدمات (عنده خبرة في المواضيع دي) و كده كده هو كان عاوز يجيب لي هدية بمناسبة نجاحي فطلبت منه لما اختار حاجة يبقي يسند معايا عشان اجيب اللاب ، بعدها قالي اقول لامي اني اخترت و انه هيبعت المبلغ بكرة (يومها) عشان اجيبه ، لقيت أمي رفضت تماماً اني اجيب حاجة بالمبلغ ده ، رغم اني اقدر اجيبه عادي مش هيبقي ثقيل ، و رغم اني قايل لها من قبل حتي ما اخلص اني ناوي علي اني اجيب لاب و انها متستغربش من الأسعار لأن ده اللي موجود دلوقتي و هي وافقت ؟!

امي مش فارق معاها حتي لو حوشت مبلغ ١٠٠ الف ، هي مش هتخليني اصرف ربعهم علي حاجة أنا عايزها ، أمال انا بحوش ليه 🤣 عشان احنط الفلوس ؟ ، و تقعد تقولي (أكل ما اشتهيت اشتريت) حضرتك تقولي الكلام ده لو انا راجل مسرف برمي فلوسي في الفاضي و المليان بس انا حرفياً باجي علي نفسي عشان اجمعهم ، مش بشتري غير الرخيص اذا كنت بشتريه اصلا و اتصدق و ازكي عشان ربنا يباركلي في الفلوس دي و تزيد

و دي مش اول مرة ده دائما نفس الحوار ، اقعد سنين احوش و احوش و احوش عشان عايز اجيب اللي انا عاوزه بجد و دائماً بيتقال لي نفس الجملتين العبط اللي ملهمش اي علاقة بيا لاني بتقي الله و مش مسرف ولا بتبجح علي النعمة و مش معني اني اصرف مبلغ كبير مرة واحدة بدل ما اصرفه واحدة واحدة ده معناه اني مسرف ، ده معناه بس اني عارف انا عايز ايه ، الكبيرة إني لما اقولهم كل الحجج دي و ميقدروش يردوا عليا تعرفوا بيقولوا ايه ؟ دي أصلا مش فلوسك دي حاجة احنا بنداهلك كده 🤣🤣🤣 ، ملكية الفلوس اتلغت مني عشان قادرين يردوا عليا بحجه حقيقية ، متنساش ان ده مصروف يعني مش مش انت اللي جايبه من الشغل يا حلو ، لما تيجي تشتغل بجد ابقي اصرف اللي انت عاوزه

و يريتها كانت بتبقي علي الاجهزة و خلاص يا جدعان ، اي حاجة انا عايز اجيبها بفلوسي لازم استأذن الاول ، لازم اقولهم الاول ، بيقولي انت كده مؤدب و محترم و طيب و غلبان و احنا راضيين عنك عشان دائما بستأذن في كل اموري ، عاوز اصرف فلووووسيييييي من غير ما اخد اذن من حد ، نفسي اجمع حاجة و اصرفها براحتي و ادخل عليهم بيها و اقولهم انا جبت دي و محدش يقولي حاجة نفسي بجد ، انا مش رايح اخطب والله مش معقولة كل حاجة لازم "ينفع اشتري ؟ ينفع اروح ؟ ينفع العب ؟ ينفع ينفع ينفع ؟؟؟"

و المشكلة الكبري انهم عاوزين بدخلوني كلية اهلية رغماً عني رغم ان مجموعي كويس مش وحش و يدخلني كليات كتير (اقل من ٩٠ بشوية صغيرين) مش لازم صيدلية او علاج طبيعي او طب يعني ، بس هم بيقولوا ان ده هي المهارة اللي مش هعرف اخدها من كورستات و شايفين اني حرام مدخلش كلية طبية لاني مجتهد و كويس في المذاكرة و هفلح فيهم ، يا اسيادي المحترمين مختلفناش بس انتم هتجيبوا الفلوس منين ؟ انا كبرت طول عمري ٩٥٪ من مشاكل أسرتي و عائلتي كانت الفلوس ، دائماً سكري في شكوي في شكوي ، لدرجة ان ده هو اللي بدأ عندي حوس التحويش أصلا ، انا بقيت بكتنز و بهتم بالفلوس جامد اوي و ازعل علي اقل مبلغ اصرفه علي حاجة تافه

و واحد من الأسباب اللي خلاتهم يرفضوا اني اجيب اللابتوب ده مش بس السعر ، بل انهم عاوزين يصرفوا فلوسي برده علي الكلية الأهلية اللي انا مش عاوز اخرب بيتي زي ما هم عاوزين عشان ادخلها ، و بقولهم طيب لو انتم عشان تدخلوني هتخدوا فلوسي تكملوا بيها و تسدوا المطلوب ، هتعملوها بقية السنين ازاي ؟؟؟؟ هتبيعو الذهب و الأملاك (إن وجدت) و كل حاجة معاكم يعني ، كل ده عشان ابقي دكتور ؟ مينفعش ادخل كلية حكومي عادية بدل ما اخرب بيتي و محسش بالذنب مع كل جنيه بصرفه ؟

انتم فاهمين يا جماعة يعني ايه كلية هم مش قادرين عليها ؟ حياتي و حياتنا هتتخرب ، كل مرض يراد له دواء هنقول "فلوس الواد" كل خروجة كان ممكن نخرجها هنقول "فلوس الواد" كل هدية و كل استثمار و كل فرحة هتدنس عشان هنقول "فلوس الواد" ده ظلم بيّن لهم و ليا و لأخواتي ، ليه عاوزين تعملوا كده ؟؟؟؟

الناس بتتكلم عن الطموحات و الرغبات و "انا نفسي تفلح و تبقي انسان كويس" و مش عاملين حساب الموت ، يلا اقعدوا اصرفوا دم قلبكم عليا لحد ما اتخرج و يتوفاني الله بعديها ييوم واحد من غير ما اعرف استفيد انا او انتم بحاجة و نفضل كلنا نحس بالقهرة و ألم كل مرة جينا فيها علي نفسنا عشان في الآخر "لا شيء"

Before anything, What's making decide on buying the Chinese version is the big difference in price (for me because of country taxes) and the fact that the pros of the global version aren't enough for me (ot that i have no use for like the esim) to consider spending more on it when I can easily get the same experience with bigger storage and cheaper cost .

My first concern is the website, I'm gonna use "Tradingshenzhen" which from I heard is trustful but has some issues with customer service and return policy

My second concern is the ROM , I can't really make an opinion about it , some say its great and they have no issues with the updates, but at the same time I see others saying that the phone could eventually get shut down and that you can't use it anymore or its network services which ,If happens to me, will be catastrophic

So my questions are :-

1- What should I do to guarantee no issues with the website I'm buying from

2- What should i be actually worried about when buying a Chinese version

3- What to do so i don't end up with a broken device with no use (the Rom concern)

4- What can i benefit from the guide in this community)

​

If you reached this point i thank you for your time and grateful for any helpful advice