متغلطش غلطتي
سبب من اسباب اللي خلتني اجيب 54% ثانوية عامه مع اني كنت بذاكر زيي زي اي حد ف الوقت دا
1 كنت متوتر جدا قبل كل امتحان وكل امتحان لدرجه مكنتش بعرف انام من كتر الخوف خصوصا أن ابن خالي كان ظابط مهندس وقتها واتخرج وعيال خالي الدكتوره والمهندسه
وكمان ضغط الأهل اللي كل اما والدتي تشوفني تقولي اوعي تشمت حد فيا و والدي اللي كل ما يشوفني يقولي نفسي افرح
نظرتي ليهم وانا الامل الوحيد ليهم كانت بتخليني ادوس علي نفسي طول الوقت ف المذاكره والدروس ودا زاد التوتر لاني كبير اخواتي واني القدوة واني مش اقل من عيال خالي وعيال صحاب والدي و والدتي
2 الخوف الغير مبرر من المواد حرفيا يا جماعه كنت اول دفعه تعرف يعني ايه بابل شيت واسأله برا المنهج دي كانت حاجه مستحيله بالنسبالنا
3 عدم النوم الكويس قبل كل ماده
4 المشيان ورا كلام صاحبي
اياك ثم اياك تسمع كلام صاحبك انا كنت واحد ملخص الفيزياء ف 60 صفحه ودا كان إنجاز كبير
صاحبي خلاني اشغبط ف كل سؤال مره او اتنين لكل ماده قال ايه عشان البني ادم هو اللي يصحح مش جهاز التصحيح وطبعا من الخوف صدقته لاني كنت اول مره اعرف يعني ايه جاهز يصحح وشككت ف قدرة الوزاره ف الحل وقد كان حصل مهازل يوميها
واسأله كتير كنت عاملها صح الجهاز عملهالي غلط بسبب أن الجهاز كان مصحح غلط وطبعا مفيش تظلم ف الالكتروني
نصيحتي ليكم يا شباب محدش ابدا يمشي ورا كلام صاحبه حتي لو المقرب ليه
محدش يحط المجتمع ك ضغط عليه