u/Own-Round5551

انا عضوه جديده تشخصت قبل سنه تقريبا ب adhd وحابه اشاركم تجربتي ومخاوفي وامالي ورحله علاجي اتشرف فيكم جميعا🙏🏼

اول شي من يوم كنت صغيره وانا احس ان فيني شي غريب
الافكار كانت موطبيعيه بالثانيه الوحده مليون فكره وفكره وكنت اخاف واجلس ادور بلبيت لين ماتهدا الافكار وبس اجلس ترجع لي ماكنت اعرف اركز الا اذا قلقت لمرحله شديده وكان يبين اضطرابي وخوفي واني مش مجمعه او مركزه معهم وهالشعور كان يقتلني ويضايقني ويزيد الموضوع سوء !

المهم باول متوسط قررت اروح لطبيب نفسي وللاسف عطاني حبوب مضاد كابه وقلق وجلست عليهم لين قبل سنه 🥺

ماكنت احس بفرق الافكار نفسها والضيقه موجوده بس تخدرني تخليني اجلس هذا غير ردات الفعل مع الناس والانفعالات الغير مسيطر عليها بسببadhd وكل تصرف ورده فعل مبالغ فيها اندم وافكر بالخطا مليون مرا !

التشخيص الغلط مشكلة كثير ناس ومعاناه للشخص والمفروض الدكتور يسال ويسوي اختبارات كثيره قبل يفترض انه بس قلق عام !!

حاليا انا عاكونسيرتا وتجيني نوبات قلق وكابه بين وقت وقت بس مع جلسات المعرفي السلوكي صرت اعرف نوعا ما اسيطر عليها وماخفي عليكم الجهاد والتعب للمقاومه هذي الافكار والقلق .