u/Physical_jury_270

مرحبا يعطيكم العافية

كثير بلاحظ في مشكلة في طرق التواصل الكتابي والكلامي ومهارات التواصل بشكل عام، وكمان المشاكل بتزداد لما اشخاص من اجيال مختلفة بتواصلوا

برأيكم شو المسبب؟

حابب اسمع منكم واناقشكم

يعطيكم العافية جميعا

مبارح كان في منشور بتحدث عن الحمل اتمنى انكم تشوفوه
واغلب الناس ما عجبها كلامي وبدأوا في (جهاد الداونفوتس) وصدقا انا غير مهتم في رأي الناس بكلامي ولكن المهم هو المنشور بحد ذاته كان يناقش مشكلة موجودة فعلا.

الان انا مش بصدد اناقش اصل المشكلة كيف بدأت عند كاتبة المنشور، ولكن انا بدي استعرض ارقام واحصائيات مرتبطة في موضوع الحمل، وانا بصراحة فيزيائي وهذا يعني اني بحب لغة الأرقام حرفيا في كل شيء لانها لغة لا تكذب ولا تنظر للمشاعر ولا تحتاج إلى تعاطف، وكلامي هذا لا يعني ان المشكلة هي مبتذلة او اني بقلل من اهمية الموضوع.

اولا: معدلات الوفاة عند الاهمات لكل 100 ألف أم

الفئة العمرية اقل من 25 سنة، في الأعوام 2014/15/16 هو 14.9 حالة
الفئة العمرية اقل من أقل من 35 سنة، في الأعوام 2014/15/16 هو 16.55 حالة

الفئة العمرية اقل من 25 سنة، في الأعوام 2024/25/26 هو 13.7 حالة
الفئة العمرية اقل من أقل من 35 سنة، في الأعوام 2024/25/26 هو 16.5 حالة

وهي المصدر لأي حدا بحب يتأكد وطبعا انخفاض النسبة هو بسبب زيادة الرعاية الطبية

ثانيا: المخاطر الناتجة عن الولادة الطبيعية

تحدث المضاعفات الشديدة (مثل النزيف الذي يتطلب نقل دم، أو تمزق الرحم، أو دخول العناية المركزة) في الولادات الطبيعية بنسبة 0.32% فقط، مقارنة بنسبة 1.16% للولادات القيصرية

المصدر

ثالثا: نسبة الوفيات أثناء فترة الحمل (وهذه النقطة هي الأهم)

نسبة الوفيات بين الأمهات خلال أشهر الحمل التسعة هي 31.3 بالمية ونعم هي نسبة مرتفعة وتقريبا ضعف نسبة الوفيات الناتجة من عملية الولادة نفسها ولذلك انا قلت في البداية نعم الموضوع مهم ولا أقلل منه، وخوف البنات من الحمل هو مبرر

وفي الاشارة لهذا الموضوع فان المصدر نفسه حكى عن عدة اسباب مرتبطة بالحمل تؤدي للوفاة (مترطبة بالحمل يعني تحدث كنتيجة او رد فعل للحمل وليس الحمل نفسه يكون المؤدي للوفاة) وهي حالات طبية غير متعلقة بامراض القلب والأوعية الدموية مثل اضرابات الغدد الصماء، الأمراض العصبية، مشاكل في التنفس
امراض القلب الاوعية الدموية
النزيف الداخلي
العدى والألتهابات

ولكن، وتحتها خطوط، 60 بالمية من حالات الوفاة الناتجة عن الحمل كانت قابلة للمنع، يعني بنقدر نتجنب وفاة الام بمزيد من الوعي وتجنب استهتار الأم نفسها وزوجها (وحتى الأطباء) باعراض مثل ضيق التنفس، الصداع المستمر، وجع البطن على اساس انها اعراض طبيعية للحمل في حين ان تاخير اتخاذ الاجراء الطبي قد يسبب الوفاة.

ليش انا كتبت هذا المنشور؟ ببساطة كنوع من النقد البناء وايضا اعطاء المشكلة حقها من طرف "الشباب" كونه في حرب بين الجنسين في عالمنا المتخلف وشفنا مبارح واليوم تعليقات من نوع "سلطة الشباب الذكورية" لذلك بلاش دراما في هذا الجانب رجاءًا. كمان عشان هيك الأصل يكون الحديث عن مشكلة زي الحمل، التدخين، حوادث السيارات .. وغيرها من المشاكل، الحديث عن اي مشكلة لازم يكون قائم على منطق وعلم ... مش انا خايف من الموضوع لانه عندي تصور معين عن المشكلة او هيك الموروث الشعبي المتخلف خلاني اعتقد عن المشكلة.

وسلامتكوا

مرحبا يعطيكم العافية
عملنا صب جديد الهدف منه تواجد الشباب فيه لمساعدة بعضهم البعض في معترك الحياة، وامور اخرى.

وهذا اسم الصب
JordanAdults
ويوجد شرط للقبول.

مرحبا يعطيكم العافية
عملنا صب جديد الهدف منه تواجد الشباب فيه لمساعدة بعضهم البعض في معترك الحياة، وامور اخرى.

وهذا اسم الصب JordanAdults
ويوجد شرط للقبول.

مرحبا يعطيكم العافية
عملنا صب جديد الهدف منه تواجد الشباب فيه لمساعدة بعضهم البعض في معترك الحياة، وامور اخرى.

وهذا اسم الصب JordanAdults
ويوجد شرط للقبول.

اغلبكم (الناس اللى بتعرفني) بتعرف اني بشتغل في قطاع التعليم، وتقريبا من شهر او شهر ونص وانا بمر في حالة ممزوجة من الوحدة والإكتئاب وكأن الحياة اصبحت بلا لون في عيوني.

واستنفذت اغلب الحلول المقترحة، سفر، عطلة بلا عمل للراحة فقط، تغيير في طريقة التفكير، تجارب جديدة غير مسبوقة بالنسبة، التعرف على ناس جدد في مكان عشوائي.

وكل هذه الحلول بائت في الفشل او اعطت نتائج لحظية دون استدامة تذكر.

في حين ان الحل كان أمامي، وهم الطلاب وخاصة طلابي السابقين.
درستهم في صغرهم قبل سنوات عدة، واليوم هم شباب بالغين، بعضهم أتم حفظ كتاب الله، بعضهم صار شخص ريادي في بيئته ومجتمعه ومدرسته.

جمعني فيهم موقف واحد اليوم عند بوابة المدرسة الرئيسية، شافوني كالعادة وسلموا علي وانا بادرت بفتح مواضيع عامة معهم الأمر اللى خلاني اتذكر كثير ذكريات صنعتها معهم داخل وخارج اسوار التعليم والمدرسة على حد سواء، وهم بدالوني بنفس الطريقة وبنفس المشاعر

تفاجئت من كمية التجارب والخبرات اللى كنت اعطيهم اياها وكيف انعكست اليوم على حياتهم اليوم، وكيف كل واحد صار يذكرني بأشياء ومواقف لي معهم، ومش بس هيك، فتحنا مواضيع كثيرة مع بعض كان نفسي كثير احكي فيها مع اي حدا زي مثلا ليش بكره الحداثة وما بعد الحداثة، عن الذكاء الصناعي، عن السياسة، عن الاقتصاد، ووجدت عندهم قبول بل وانعكاس لافكاري فيهم وفي معتقداتهم وكأني اثرت شغفهم مجددا بل وكأني صنعت المجد لنفسي مجددا
.. الأمر اللى لامس قلبي وشعرت بقيمة لما أفعل

ما بعرف كيف فكرت قبل عدة سنوات لما قررت الإلتحاق بالعمل الإداري والابتعاد عن الصف والاحتكاك الفكري مع الطلاب وشو كانت الحالة العقلية في وقتها ولكني ممكن اني اكون أخطأت وافقدت نفسي معنى نفسي

في ختام كلامي معهم فاجئني طالب منهم، وقال لي اني كنت أهم استاذ عنده لاني كنت اساعده في تلك المرحلة على الجرأة في التفكير وعدم الإنغلاق.

وبس يا جماعة، حبيت اشاركم هالتجربة الإنسانية اللى خضتها اليوم

طيب يا جماعة انا بطلب منكم تتحملوني هالفترة لانه بناء على توصية طبية اني لازم افضفض وافرغ السلبية من عقلي وبغض النظر عن الاسباب وعن مدى اقتناعي بالفكرة نفسها من الأساس

بدي اقلكم عن موقف بسيط خلاني اصفن كثير اليوم، المفروض اني في اجازة وطالع ارفه عن نفسي، كنت في منطقة العبدلي، وفاتتنا صلاة العصر جماعة في احد المساجد.
ودخلت انا وصديقي بعد انتهاء الصلاة مباشرة يعني الناس لسا بتطلع من المسجد.

ما معانا وضوء ودخلنا للمتوضأ وفجأة الكهربا بتقطع علينا .. قلنا اكيد بعرفوش انه احنا هون، طلبنا نتوضأ ونصلي من خادم المسجد، قال هي في متوضأ برا في الساحة، وفعلا رحنا لنتوضأ هناك. طلع فش فيه مي .. رجعنا للمتوضأ الأساسي طلع الاخ بسكر فيه .. يا اخ بدنا نتوضأ ونصلي

وكان في ساحة المسجد الخارجية حصيرة مقطعة، قال هي الحصيرة صلوا عليها ... وسكر المسجد وراح .. ضليت انا وصديقي صافنين هيك لثواني نستوعب الموقف

حرفيا يخوان بس طلعت مخي كان عامل جليتش ومش فاهم شو صار قبل شوي، يخوان خادم المسجد حرفيا كانه برفض انه نصلي .. يا سيدي بلاش تفكر فينا، فكر في الاجر اللى بدك تاخذه لو صبرت 5 دقايق نصلي العصر. ... فكر في انه واحد منا ممكن يدعيلك دعوة تفرج كل همومك وكرباتك.

ليش تخليني ساخط عليك ؟ ليش تخليني اقول حسبي الله ونعم الوكيل؟ ايش وراك يا رجل؟

في نفس الوقت انا كنت في العبدلي مول، واي حدا دخل هناك عارف كيف الوضع بالعموم من ناحية انفتاح مجتمعي وانك قادر تلاقي اي حدا تكون معه علاقة بغض النظر عن نوعها وانك تعمل اشياء غلط (فاهمين علي انتوا ومش قصدي اسيء لفئة من المجتمع) يعني بالمختصر قادر اعمل اشياء غلط بكل سهولة .. بينما صلاة مش قادر اصلي .. وسلامتكوا