الصمت العقابي من الازواج
كثير كثييير من الاحيان لما نتزاعل انا معاه، انا دايم افضل نتكلم عن مشاعرنا والمشاكل عشان نحلها وترجع الامور لطبيعتها، لكن دايم انا اللي ابادر واحاول افتح الموضوع واستدرجه بالكلام لبال مايطلع كل اللي في قلبه. لكن هو لو تركته عادي يظل كذا بالايام، والحياة طبيعية وكل شي ونسولف لوجستكس وامور البنات وتنسيقات لكن ببرود بدون عاطفه كأن احنا اعداء.
اخر موقف صار، هو رايح الحج، طلبت منه يوافق اسافر لوحدي، هو مررررة يتضايق من هالسيرة، وانا احاول اخففها عليه. ماني طفله اعرف ادبر اموري، السفر السولو تجربة مرره ودي فيها بالرغم اني لحد الان ماقررت وين ابغى اروح وعادي حتى اني ابطل الفكره لاني محتارة. بس بنفس الوقت ما ابغى اقدم عليها وانا عارفه بتضايقه. وبالرغم من انه قال انا مابزعل عليك لو سافرتي لوحدك لاني ادري اللي ببالك بتسويه بس مو عاجبني هالشي ..
عمومًا بعد نقاش طويل طويل جدًا وضحك واقناع بكل السبل .. صحيت الصباح وراسل لي عالواتس .. تقدري تسافري بالاجازة ..
انا مرررة انبسطت رغم اني مازلت مشككة .. كملنا يومنا وارجع من الدوام احصله كأنه مكتئب وماكله التفكير ومتضايق وساكت احاول اغير جوه وأمازحه برضوا ماله خلق وبالكلام فهمت انه على موضوع السفر فسكتت.
طيب انت متضايق ليه تقول لي اوك! وتسكت وماتبي تتكلم في الموضوع!
دايم لما شي انا ابغاه يسوي هالحركه (نمط معاه). اللي لا اقدر انبسط بالشي نفسه لاني طول الوقت افكر فيه ولو ظليت بالبيت بكون طفشانه!
ملاحظة: بناتي كبار واقدر اخليهم عند امي وخواتي مع عاملتي .. كلها اقل من اسبوع وماعندي فرصة غيرها. وهو اصلًا مابيكون موجود !