u/Pleasant_Worry_2679

امي من وانا صغيره كانت بتفرق مابيني وبين اخواتي ويمكن دا بسبب اني جيت بالغلط وامي كانت عاوزه ولد مش بنت وانا اتولدت بأنيميا شديده ووشي كان اصفر وباهت بسبب كدا وكانت طول الوقت بتتريق على لوني وبتقارني بين اصحابي مش بس عشان اللون على كل حاجه حرفيا يعني لمجرد انها سمعت عن واحده انها شاطره ودا كان في اولى ابتدائي فضلت تقارني بيها مع انها مش شاطره اصلا بس يمكن هيا حست بكدا امي مدرسه فأصحابها كانوا طول الوقت بيتكلموا عن عيالهم وكانت بتيجي تقاريني بينهم وثقتي بنفسي حرفيا زيرو ومن اسوء المواقف اللي مريت بيها انها كانت بتسبني لوحدي مع اختي المجنونه وكانت بتضربني وبتعذبني وفي اوقات تانيه كانت بتحبسني في الشقه لوحدي وتروح هيا شغلها واخواتي يروحوا مدارسهم مع انها ممكن تاخدي معاها المدرسه زي ماكانت بتاخد اخواتي فحسيت انها مكسوفه مني كانت طول الوقت تقولي انتي ليه وشك اصفر كدا مع انها كانت تقدر تروح تعالجني هيا مش على بالها وفي مره كان عندنا حفل تخرج اعدادي وكنت طالعه من العشر الاوائل ودا كان في كورونا فكانت الحفله صغيره المضحك والمحزن انها مصورتنيش ولا صوره وصورت البنت اللي كانت بتقارني بيها وكانت بتضحك عليا لما عيطت

وفي نفس الوقت لما تعبت معرفتش انام من كتر العياط وكنت زعلانه جدا عليها وحاسه ان دا من الضغط عليها

فهل دا طبيعي ؟!!