u/Powerful_Option_9111

كنت واقعة في مشكلة و اتحلت ، حاسة بفرحة

لسة بفكر فيك رغم كل اللي انت عملته و اللي لسة بتعمله ، رغم انك دلوقتي مبسوط و مش فارق معاك ،مش بيفرق معاك بس غير لما ابعد خالص ،لكن غير كدا انت مش بتقدرني و للاسف كان لازم ابعد ، بس مش عشان تقدرني عشان ربنا و عشان نفسي مبقاش يهمني تقديرك من عدمه ، هييجي حد غيرك و هيقدرني

انا عارفة أن استحالة نبقا سوا و لو رجعت لي انا مش عاوزاك عشان انت جرحتني جامد و جيت عليا كنت فاكرة اني لما هغلط هتعديلي لكن عمري ما تخيلت انك تنتقم مني كدا و حتي اغلاطي كلها كانت نابعة من حب و من غيرة

انت معملتش حاجة غير انك اذتني و طول الوقت ده كنت بتخونني من ورا ظهري ، عرفت ليه انا بختفي ؟ عشان خايفة منك ، المفروض كنت احس معاك بالامان بس انت اذتني و مبتتعدلش غير لما اديك علي دماغك أو ابعد

عرفت ليه كنت زمان كويس معايا رغم اني كنت بدلقك ، عشان انت ملكش غير كدا ، لو عبرتك بترجع تشوف نفسك عليا ، كنت دائما حاسس بالنقص معايا عشان كدا كنت بتنتقم مني بالنقد المبطن ، انا حبيتك بس عمري ما اعجبت بيك غير في الاول خالص زمان

طول عمري شايفاك مش راجل و لا عمري هشوفك كدا عشان انت اللي وصلتني لكدا للاسف و انت اللي كنت خايف لدرجة حتي مكنتش قادر تكلمني او حتي تتقدم ، فأنت خوفك و نقصك منعوك من انك تختارني أو يمكن اصلا انا كنت مش مهمة عندك زي ما انا فاكرة

و مع ذلك بتمنالك كل الخير و للاسف لسة بشتاقلك ، و بحاول افتكر الكويس عشان مكرهكش أو ادعي عليك أو اتضايق ، بحاول احتفظ بالذكريات الجميلة بس عشان يمكن دي الحاجة الوحيدة اللي طلعت بيها مخدتش منك اي حاجة للاسف حتي الحب اشك انك حبتني اصلا

هعملكوا بسبوسة

يلا وروني الابداع

بس ملحوقة

حتي شكله مش حلو

مش هعرف انام بقا

انا آسفة علي السلبية دي بس اعتبروها فضفضة ، طول حياتي كنت الأولي علي فصلي حرفيا الناس كانت بتشوفني تحسدني علي الشطارة كنت بذاكر بأقل مجهود و اجيب درجات كويسة و المدرسين كانوا دائما منبهرين باجاباتي ، دخلت طب مستوايا نزل جامد بقيت اجيب جيد جدا بالعافية ، مبقتش عارفة اعمل صحاب و لا عارفة اتأقلم و انا مش في اولي أو تانية انا في خامسة طب ، دخلتها مش بالحب ، دخلتها عشان بابا قالي لو مدخلتيهاش هزعل منك و من و انا صغيرة اللي حواليا كلهم بيقولولي يا دكتورة ، ففعقلي مكنتش متخيلة نفسي في حتة تانية ، و للاسف من قبل ما ادخلها كنت حاسة اني هتبهدل و مش هحب المكان ده ، دلوقتي انا بقول يا ريتني دخلت اي حاجة ليها علاقة بالكمبيوتر ، كل صحابي اللي دخلوا مجالات التكنولوجيا بشوفهم ما شاء الله شغالين ريموت و بيقبضوا كويس و هما قاعدين في البيت و انا حتي فرصة السفر اللي كنت عايزاها من طب مش عارفة اجيبها و الدول كلها بيقولوا اكتفت من الأطباء و كل طريق عايز له أقل حاجة نص مليون و تحضير يا اخي ده حتي التمريض بيقبضوا اكتر مننا في دول معينة و مطلوبين اكتر مننا

اعتبروها فضفضة أو اي حاجة عشان الواحد تعب بجد و حاسس ان عمره ضاع في سراب

و يقولك المتعة في الرحلة لا انا عايزة اسكيب الرحلة

ايتها الروح الدحيحة اللي ادفنت بعد ٣ث ارجعي ابوس ايدك

مش عايزة اكون سلبية بس عايزة اعرف الواقع قبل ما ابدأ الطريق ده ، طريق المانيا كويس كسفر و لا تقريبا زي ما بنسمع فعلا المانيا قفلت و مش عايزة مهاجرين كمان؟ يا ريت اللي يرد يبقا عنده تجربة أو له حد هناك عشان تبقا إجابته واقعية

مش هطول عليكم هحاول اختصر انا عندي ٢٣ سنة بدرس في خامسة طب ، و طبعا زي ما انتو عارفين أو معظمكم عارف. فالطب طريقه طويل جدا و بدأت اقارن نفسي بزمايلي اللي من كليات تانية ، اللي اشتغلت و اللي اتجوزت و اللي و اللي ، ما علينا المهم حاسة ان حياتي ملهاش اي معني ، و بجد مش بهزر عشان عارفة أن ناس هتقولي ازاي و انتي في طب ، انا اصلا مش دخلتها بالحب انا كنت دخلتها و فاكرة أن الموضوع ابسط من كدا و أن الدنيا جميلة و اني هتخرج هلقاي فرص كويسة بس لما دخلت المجتمع الطبي و بقيت اقرأ عن السفر و فرص الشغل عشان انا اصلا دخلتها عشان اسافر لقيت أني مش عارفة احدد وجهة سفري ، اولا محتاجة فلوس معادلة و مش عايزة اتعب اهلي في مصاريفها ، ثانيا محتاجة لغة و دي عايزة كورسات بردو بفلوس بس اقل شوية فممكن عادي آخدها من اهلي ، بس كل ما ابص علي طريق من الطريق دي بلاقي أن لازم هعد ٥ سنين كمان أقل حاجة عشان احقق مرتب محترم و عيشة محترمة و كمان لو رسيت علي اي سكة من سكك السفر فأنا مش ضامنة اني هلقاي شغل بسمع كل يوم ناس بتقول البلد دي خلاص قفلت و بلاد كمان مستعدة تدفع للناس عشان يرجعوا بلدهم فبصراحة حاسة بإحباط و حيرة و اني مش عارفة اختار انهي طريق

اعتبروها فضفضة يعني لإني بصراحة تعبت

يعني ليه بجد ليه ؟

خلي المواهب تطلع

حاسة اني معنديش حماس اشجع

اللي كل كلامه عن البنات ده بحسه كان اللي المس بتقعده ناحية البنات كعقاب و هو صغير