u/Primary_Maybe1

جماعة، قبل ما أنام حابة أذكركم وأذكر نفسي... 🤍

الدنيا مليانة مغريات والقلب الضعيف ممكن يقع في ذنوب كتير. وكون المعصية بقت سهلة وموجودة في كل مكان ده ما يغيّرش حكمها الحلال حلال والحرام حرام حتى لو الدنيا كلها بقت بتعمله

فدايمًا نحاول نخلي قلوبنا صاحية ونحط لنفسنا حدود ونسأل الله العافية والثبات

ومن الدعاء اللي بحب أكرره كل ما أحس إني ممكن أقع في ذنب:

"ربي اهدني، وهذبني، وردني إليك ردًا جميلًا."

وبدعي ربنا دايمًا إنه يقفل في وشي أبواب المعاصي ويفتحلي أبواب التوبة والطاعة ويثبتني عليها

اللهم ثبّت قلوبنا على دينك ولا تجعل الدنيا أكبر همنا واهدنا جميعًا إلى صراطك المستقيم

جماعه المفروض خلال الأسبوع ده ف عريس هيجي هو واهله عشان نتعرف ع بعض المهم أن والدته جت انهارده البيت وقعدت اتكلمت مع ماما وبابا واخد منهم تفاصيل اكتر المهم شوفت صورته ع واتساب محستش بقبول نهائي

المهم دلوقتي بابا مبسوط اوي ومتحمس جدا ف قولت استنى وعادي اقعد واصلي استخاره وبعدها اقرر

المهم ف حاجه مضيقاني وهي أنه يتضايق لما ارفض أو يحس احساس وحش ولا الموضوع ده عادي

واحدة من ضمن احلامي اني انزل أنا وزوجي المستقبلي ونلف بالعربيه اخر الليل ف هدوء وسلام واكون مجهزة سندوتشات شاورما وعصير مانجا وجوافه ونسمع عبدالرحمن محمد

جماعه سريعاً اقترحو عليا مسلسل يكون رومانسي اجتماعي عائلي اللي عاجبه مسلسل يكتبه عشان مقريفه ومحتاجة اتفرج ع مسلسل يسحلني حالاااا

ياريت يحبايبي يكون مصري

عارفين الحلم اللي بتحلموا بالشخص اللي علاقتكم منتهيه بقالها 3 سنين او اكتر وبترجعكم لقبل نقطه الصفر بشويه 😂❤️‍🩹

حلمت أنه بعتلي مسج وصحيت متكركبه عشان ارد عليه بسرعه اععععععع شعور ابن كلاب والله استغفر الله

حابه ادعي لغيري عشان الملائكة تدعيلي بصراحه عشان أنا ف أمس الحاجة للدعاء

ف قولولي حابين ادعيلكم بإيه وهدعيلكم ف وقت الفجر وربنا يراضينا جميعاً ويتقبل يارب 🖤

جماعه انا مش بدعي الفضيله خالص بس موضوع الديت انتشر موت يعني عادي البنت او الشاب يقولوا نازلين ديت وكده ف ايه ده بجد هو اكيد مش بعمم بس ليه وازاي بيعملوا كده

يعني طبعاً الموضوع حرام بس مش بيخافوا مثلا ناس من اهلهم يشوفوهم وهكذا مش بيحسوا أنهم بيعملوا حاجه غلط ولا أنا اللي عايشه ف علبة تونه