u/Probably_sleeping_88

السلام عليكم

يعني مش عارفه أنا بحكي هنا ليه او كده بس أدي اي حاجه اخرج الي جوايا و خلاص دلوقتي احنا مستوانا الاجتماعي حلو جدا الحمدلله بجد و كله اكيد بفضل ربنا و بابا بصراحه لأنه بجد مجتهد اوي

بس الموضوع ده بدأ يأثر علينا بشكل سلبي جدا

أنا بابا هو و اخوه مدير كذا شركه (هما أتطوروا كده آخر أربع سنين مثلا قبليها كان مش نفس الحال) المهم بجد بقي مش مركز معانا اطلاقاً بيرجع بليل متعصب و عايز يمسك في اي حد (والله كلنا ديما بنراعي انه مضغوط و كده) بس لا هو بجد بقي عصبي جدا جدا و ده مش بابا خالص بالعكس طول عمره هادي اوي و دلوقتي يمسك و يزعق فيا و في اخواتي و يهزقنا و بتاع و لو اختي او اخويا يزعق معاهم لو اتأخروا بس 10 دقايق ياااااااه بقي

لدرجة ان هما سعات بيمشوا علي سرعات تخليهم يعملوا حادثه بجد علشان بس عايزين يتفادوا زعيقه.

بجد كلمناه كذا مره ان انت تغيرت و بقي ينسي بشكل مش طبيعي يكذبنا بقي يعني لو قولناله انت قولت كده يقول لا و بتاع و انتوا بتنتهزوا ان أنا بنسي و راح لكذا ودكتور و طلع معندوش حاجه زهايمر او كدا

اخوه ده بقي بجد مش شايل هم الشغل اطلاقاً راميه كله علي بابا (هو راجل كويس عمتا) بس بجد ضاغط علي بابا جدا يعني هو أصلا متخانق مع مراته و ولاده بقاله سنتين تقريبا و خلاص ميعرفوش عنه حاجه مراته دي بقي بجد شخصيه بكرها

بجد يعني راحت تتخانق مع بابا انه مش واقف في صفها ضد اخوه (بابا مش واقف في صف حد أصلا) و في الآخر هي قاعده في شقتنا بتاخد السواق بتعنا تعمل معاه كل المشاوير الي ف الدنيا من غير ما تستأذن و بابا سايبها يقعد يقول علشان متزعلش و بتاع طب ما هي أصلا عمرها ما بتراعي حد بجد يعني واخده العربيه بتاعتنا بالسواق بالشقه و هي مش بتكلم بابا أصلا و الموضوع ده بيجي علي حسابنا ماما مش عارفه تعمل مشاويرها ولا أنا عارفه اخرج ولا ايه حاجه

بجد يعني لسه اول امبارح اخدت السواق يجبها من اسكندريه و يوديها المعادي بعديها و بعدين التجمع تاني يوم رجعت اسكندريه تاني

متخيلين المشوار؟ و طبعا البنزين من فولسنا لو أنا عايزه اخرج مثلا لا طبعا السواق ميودنيش المشوار ده

ولا حته ماما يعني بجد حاجه أنا مش فهماها.

و خلقه بقي ضيق( اكيد السن ليه عامل بس برضو) ولا عايز يسمع و لا يعمل حاجه بجد مجرد ما بيجي كله بيدخل أوضته خلاص و حاجات كتير بقي بس مش هقعد احكي كل ده بجد تعبت منه لان هو عمره ما كان كده و ده كله بسبب الشغل الكتير الي دخل فيه مره واحده

رحبوا بصديقي

اديني بحكي و خلاص

0450/21

BUSINESS 0450

business 0450/41