السلام عليكم،
اني محتاج وسيلة دفع الكتروني دولية بشكل عاجل يومين كأقصى حد
هل فيه بطاقات جاهزة او اي شي نقدر نستخدمه ؟
للعلم القيمة الي بنخصلها 150$ والموقع يفتح مدة دقايق يوميا
فمانقدرش نوصي حد ولا نستخدم بطاقة غيري لأن الموضوع مش مضمون امتى انلحق
في نهاية حقبة النظام السابق القذافي صرح انه بعد عقود من العمل على انشاء المصانع والطرق والمدارس والجامعات إلا أنه نسوا اهم شي وهو الانسان الي بيستخدم المكانات هدي لو كان جاهل وغوغائي حيدمرهن وهذا الي صار الطرق كسروها وحفروها المصانع نهبوها المدارس والجامعات اصبحت مرتع للسرقة والجهل الممنهج
المشكلة بعد سقوط النظام خدينا حوالي ال١٠ سنين بيش نتغاضوا مشاكل النظام السابق ولومه ؛ لكن المصيبة أن الشعب مزال يفكر بنفس تفكير ستة عقود فاتوا! نبوا بنية تحتية! نبوا عمارة! نبوها دبي!
لو كان مانقدروش انحافظوا على الموجود كيف نطمعوا في الاحسن منه؟
وهنا توضحلنا مشكلة ان حتى لو كان فيه مجموعة افراد أمينين صادقين مخلصين في اعمالهم؛ نلقوا أن المحتمع يتصرف عكس الاقلية هدي!
فلو المجتمع نفسه محب للفساد والتهديم وكان هناك فرد بأحسن خلق جلس على سدة الحكم فالواقع لن يتغير لأن الدولة تقام على المجتمع لا الفرد.
عندنا مشكلة في المجتمع الليبي والي هي لما تشوف شي غلط وتوضحه للناس يردوا عليك بجمل خسيسة "دير زيه، ماري ولا تكون حسود، التريس تكسب و…"
ابسط مثال الناس تسرق وتنافق ترابي وتبخس في الناس في حقوقهم ولما تجي تتكلم ينطولك النوعية الخسيسة هدي بيش يزيدوا يفسدوا المجتمع
احني مزلنا مسلمين؟ كل ماتمر عليا اية كنتم خير أمة اخرجت للناس تأمرون بالمعروف وتنهون عن المنكر وتؤمنون بالله؛ انقول في خاطري مبعدنا عليها.