Help me
السلام عليكم، اني قاصر اعيش بالعراق، من واني صغيرة جنت مولودة بالوسط ببيت اقارب لان امي اول ما انجبتني ماجانت تدري هي حامل اصلا لان جان عدها (حمل مخفي/hidden pregnancy) والجنين جان مريض كلش فماعرفت هي حامل الا بعدين، من انجبتني اجيت كلش مريضة وعشت من وكتها ببيت بعيد، بس ابوية من كبرت بدأ يلح يريد ياخذني اعيش يمه لان هم عدهم عيب وحرام انو اعيش بعيد عن الاهل البيولوجيين او المحارم مثل مايسموهم والملحات هاي والكلام هذا من سنوات وموقف اهلي اللي ربوني جان كلش غريب ومحايد! يعني بإختصار جان عدهم استعداد او عادي عدهم يتخلون عني واني حرفيا اصيحلهم ماما وبابا من واني صغيرة ويعاملون اهلي بلطف ومن ييجون يضحكون وياهم وعادي ويتعذرون باعذار مثل شنسوي وهو هذا ابوج وضوجنا ويلح علينا رغم مستقبلي وحياتي تعتمد على دفاعهم علية، لان اذا اروح هناك اول شي راح انمنع من دراستي واتزوج زراح اظل اشتغل هناك جوا ايدهم والحجاب (24/7) وعادي الضرب او القـ*ـتل عدهم، اعرف بنات تخبلوا هناك وماينامون او ياكلون لأيام ويكولون سحر
،المطلوب من عندي بيوم وليلية اتأقلم واتعايش وياهم عادي رغم اني عايشة اكثر من( 15+) سنة بمجتمع وبيئة مختلفة عن بيئتهم، هسه ما اعرف شنو اسوي لان حرفيا اليوم او باجر يمكن اسافر ويتغير كل شي واني من كالولي اهلي هيج حتى ماطمنوني او كعدوا ويايه وحتى بوجهي ماباوعوا وهم يعرفون شكد الموضوع حساس ومزعج.
الي اطلبة منكم اي مساعدة صغيرة، اريد حل لان ما اعرف شنو اسوي و ولا مرة مريت بهيج موقف إِني لازم اوكف وحدي واحل الموضوع لأن حتى من خابرت اقرب الناس إلي والي جنت اثق بيهت فجأه تلفونهم صار مغلق.
افكر اسافر لكردستان لان اعرف التهريب او الهجرة بيهم مخاطر إلي، او مو الحل الاول كدامي، ما اعرف من وين ممكن ادبر الي مسكن على الاقل او شغل، مستعدة اخذ واتحمل كل المسؤولية والمخاطرة واني مستوعبة شداكول وبشنو دافكر، وبليز ما اريد واحد يتفلسف اذا ماعندك كلام مهم لاتحجي.