r/Iraq

hello, im a second generation immigrant in the states my whole life though my parents are iraqi. they always over exaggerate and tell me it’s the greatest and safest country in the world though i know theres obviously pros and cons to everything. i would love to hear if its truly safe especially for a girl. would i be able to wear what i want? (usual summer attire that’s normal here such as shorts and a tank top), is harassment common? are crimes common? i always get mixed responses regarding these things and the recent honor killing of the 15 year old girl and the new years festival incident in basra throws me off.

هم مرت بيكم نفس هاي الحاله: انا شخص احب البرمجة و تقريبا هواية الطفوله من عمر ١١ إلى حد الان عمري ١٨ وانا ابرمج بس بعمر ١٧ و الى الان صرت احس البرمجة شي اكرهة بس اكو شعور داخلي يستمتع ليهسه من يبرمج يعني اكره الشي و احبه بنفس الوقت مدري شلون شعور اذا اكو واحد عنده خبره بعلم النفس و هالامور يكدر يفسر هذا الشعور؟

دوامي ٢٦ مقابل ٤ ايام عطله
الراتب نكدر نكول عليه زين (١٣٠٠ دولار مرشح للزياده) المشكلة هي السكن بالشركة
والاكل التعبان والنت التعبان حياتك تكون مكررة بشكل فضيع
غير الحبسه وبعدك عن اهلك واصدقائك
شنو ممكن اسوي غير انه اغير المجال هذا لان خلاص صعبه خصوصا بهيج وضع تعبان بالعراق ان تبني سيره ذاتيه من جديد
على طول ٣ سنوات تقريبا متعودت
وجاي احس اني افقد علاقاتي الاجتماعيه وتواصلي وي ناسي
واصدقائي القدامى الموضوع اشبه ان تدخل السجن مقابيل فلوس
شنو الفايده منهن بدون حرية

اكو احد لاحظ هالفترة ماكو بلوكرية ولا اكو بيجات ولا اكو ناس ينشرون "تطور وتحسن العراق" ولا ينشرون "انجازات ومشاريع الحكومة"

الزيدي راح يكون اسوأ من السوداني، السوداني سوا مشاريع فاشلة وسوا تضخيم الهن بس الزيدي ما مهتم اصلا ومنين ما اشوفها كل المشاريع راح تتوقف نهائيا لان الزيدي ما ناوي يلمع صورته كدام الشعب ولا مفكر بالموضوع اساسا جاي يبوك الي يكدر عليه ويطفر عكس السوداني الي جان يمول البيجات والبلوكرية علمود يحسن صورته

منو حاليا يستحق المتابعة ، منو فعلا "صانع" بالميديا العراقي مو "ردة فعلي على تفاهة التيكتوك الجزء العشرين" او تحديات ماصخة

وليش

اني قررت أخرج عن صمتي لأن الأمر هواي ساء كلش عن حده ، اولاً اخوي اكثر من مرة يجيني و يكولي ليش ماتموتين او تنتحرين ويكولها الي سواء بطريقة مباشرة او غير مباشرة مرتين مسويها بية و حاجي كلام مستحيل العقل يصدك انو اكو هيجي أخو بالدنيا كُلها يحجي هيج لأخته

عندة مشاكل جنون عظمة ، تكبر ، وماعرف بالضبط شنو شايف نفسة علينة

يحب يتفرج كل يومية كور و افلام قتل وتعذيب و يجي يحجيلي عن الي يتفرجة ومرات جان يخليني اتفرج وياه حتى ،

و كلما يعصب يشمرله حجي مال اتمنى كلكم تموتون هاي يعني متعودين عليهة ، للأمانة أهلي ناس كلش سيئين ابوية و أمي ، دائماً بس عركات و مشاكل بيناتهم من احنة زعاطيط ، ثنيناتهم عدهم طن فلوس بس مايصرفون لا علية ولا على أخوية وذالينة باللكمة حرفياً بكل معنى الكلمة

بس هذا طبعاً ما يبرر تصرفات أخوية الوقحة وخاصتاً وية أمي ، قبل اربعة أيام يكولها أني راح اكطع رأسج و أني اعذبج وبعدين أقطع رأسج اذا ماتدبريلي تلاثين ألف دولار ، و هذا مبلغ جبير مستحيل امي عدها هذا المبلغ جان يكولها خلي أبوج الي هوة جدي يبيع البيت مالتة و ينطيج هيجي شيء جان امي تكولة انته شجاي تخرط؟؟؟؟؟ فة أمي تنرفزت و كلتلة راح اكول لأبوك جان يكولها كولي لأبوية و أقتلج انتي و رجلج ، طبعا وراها طلع من البيت وأمي كعدت تبجي و صاحتلي وحجتلي كل شيء و هية تبجي وتكولي أبني هيجي جان كاعد يكول ؛ واني بقيت مصدومة ماعرف شنو اكول حتة و جان عندي طالبة المفروض ادرسها ذاكة اليوم و حتى مادرستها ولا عرفت اسوي اي شي من الصدمة المهم بنفس اليوم اخوية رجع البيت وأعتذر من أمي و رجع سوة نفسه انسان طبيعي بس لحد الآن جاي تصير مشاكل بينة و بين ابوية يومية عركات و على أقل كلمة يكول راح اكطع راسكم اني تعبت نفسياً وعقلياً و اذا ايشي صار بية او بأمي او ابوية فة عرفو هذا اخوي كتلنة كلنا

واذا اكو أحد راح يكولي احجي لكرايبج فة حبيت أبشرك حتى كرايبي زبالة و عندي فقط عم واحد الحباب ، و لمن خابرتة و كتلة عمو شوف ترا اخوية ناوي يكتلنة ، جان يكولي اي لازم نصبر عليه و نعاملة مثل واحد من ابنائنا ، و هوة بس يحتاج واحد يصبر عليه و يستمع اله ، رجعت كتلة وتفاك عمو ترة يريد يموتنة شكاعد تحجي انت ؟؟؟؟ ورجع كال لا لا لتتخافين مايسوي شي ههههههههه

TL;DR : MY BROTHER BASICALLY WANTS TO KILL US ALL, HE IS OPEN ABOUT IT AND DOESN'T HIDE IT ANYMORE, and no he doesn't say all of this in a state of anger , he says it very calmly and in a cold-blooded way...... IF anything happens to me or my mom, or even dad. It's him who killed us all.

من خلال بحثي بالتخصصات اللي انفتحت اخر سنتين بالجامعات العراقية عرفت انه اكثر من معظمهن عبارة عن تخصص مغلف بطريقة تسويقية بتخصص اخر

مثلا اكو قسم موجود بجامعة النهرين والجامعة العراقية وجامعة الكرخ وبعض الجامعات الاهلية اسمه: هندسة الذكاء الاصطناعي والانسان الالي

من جامعة النهرين والكرخ وشكم جامعة اهلية نزلوا منهج هذا التخصص (اللي هو متشابه عند الكل لان بينهم توأمة) لاحظت شي انه هو مو تخصص جديد انما امتداد لتخصص قديم موجود بجامعة بغداد من التسعينات ربما الا وهو هندسة الميكاترونكس بعد ماقارنت بين المنهجين شفت انه نسبة جبيرة كلش من المنهج متطابق نفس المواد ونفس الوحدات ونفس كلشي بس اللهم حاطين مواد ماشين ليرننك وديب ليرننك (موجودات بالميكاترونكس مال بغداد) وكومبيوتر فيشن وNLP وشكم مادة رياضيات تستفاد منها بالذكاء الاصطناعي(حتى يستوفي اسم ذكاء اصطناعي ببداية الاسم)

بس الجامعات حتى يركبون الترند فتحوا قسم ميكاترونكس وحتى الطلاب تقبل عليه غلفوا اسم الميكاترونكس بهذا الاسم الرنان حتى الطلاب اصحاب المعدلات العالية تدخل وفعلا خطتهم نجحت هذا القسم يقبل بجامعة النهرين 96 وبالجامعة العراقية 93 تقريبا(غير الاقسام اللي بالجامعة التكنولوجية بعضها اقتربت من ال95)

بينما الميكاترونكس بجامعة بغداد يقبل اقل من 92(مو لان الطلاب تقبل عليه لان عدد مقاعدة قليلة فياخذ الاعلى) شوفوا التسويق والتغليف شلون يأثر على اختيارات الطلاب!!!

اني جنت ماخذ نظرة عن هاي الاقسام انها تعبانه ومامبنية على اساس صحيح بس هل هي فعلا هيج؟

بالحقيقة لا هاي التخصصات مبنية على اساس علمي صحيح (اللي هو الميكاترونكس وهو تخصص راسخ)

رح تاخذ بيها مواد تجمع بين شويه من الميكانيك والالكترونيك وهواي من المواد البرمجية والرياضيات والذكاء الاصطناعي

الاساس صحيح الريفرنس للمواد مضبوط التنظيم مال المواد مو كلش صحيح يعني مثلا الOOP مشمور بالسمستر الخامس وهو المفروض ينوخذ باول سنة مو بالسنة الثالثة.... بس اللي لازم يتطبق صحيح هو المختبرات والورش او المعامل والاساتذة الاكفاء هل عدنه منهم؟لا

يعني بصورة عامة هيج تخصص يعتبر زين للشخص الفاهم هو وين رايح ووين طاب وهو قسم مشتت لان الميكاترونكس مشتت لازم من اول يوم تدخل لهذا التخصص اذا تريده تعرف بشنو تريد تتخصص برمجة؟ روبوتات؟ ذكاء اصطناعي؟ رؤية حاسوبية؟....الخ وعلى اساسة تشتغل خلال دراستك وتكدر اتوقع تدمج مجالين اذا توفرت ظروف افضل

يعني بصورة عامة الوزارة تعرف شلون توجه عقول الشباب بالمكان اللي تريده هي وبالشكل اللي هي ترسمة اليوم وجهت الاف لتخصص مو مستحدث فقط مغلف الله اعلم شلون تكدر تسيطر على هاي الفئة المهمة اكثر!

مادري اذا كلامي جان هوسة او مو منظم بس صراحة اني حاولت انظم افكاري بهذا المقال البسيط تناولت هواي نقاط متداخلة ربما تشوفون بعضها تافهة بس هي مهمة لان اختيار التخصص الجامعي مو شي بسيط ولازم الطلاب تعرف تبحث وتسأل وتقارن حتى تعرف شنو يناسبها

شكرا

هسة اني اهلي ما معترضين بس من تريد تزوج ليش العلة بأهل البنية؟ خصوصاً لو متعرف عليها من الإنترنت شلون بهالحالة؟شنو الواحد يسوي؟ يابه خرا برب مخهم الخايس واحد يحب الثاني وواحد راضي عن الثاني ليش هاي المضرطة والخيسة ياهو الراح يتزوج البنية لو جدك ولد الزربة ليش كلها تضرط وتاكل خرا وتعترض على هالشي اهل الولد بيه مجال يعترض ويفرض رأيه واگص راسه اليفتح حلگه بس اهل البنية لا هية عدها حول ولا قوة وياهم وتضل تاكل بروحك وتاكل خرا همين لا عندك حل لا خرا بگصتهم.