u/Big-Praline81

قبل فترة بنية من گرايبي انخطبت لشخص غريب، ما ضل شخص ما حجة بسالفتها وحتى سقطوا بشرفها ،والظاهر جان ابن عمها المنغولي يريدها ويگول من حقه يخرب قسمتها ، اني ادري انو هذا مثال جداً مستنقعي ومن اقصى بقع التخلف بالعراق.

بس حتى لو ننتقل للجانب الأكثر تحضراً ،هم تشوف هاي النماذج تشوفهم بالفيس وبالأنستا ، يجون بكل اريحية يعلقون على حياة الغير اذا ما عاجبتهم حتى وان جانت مو سلبية اصلاً.

شفت فيديو لبنات يسوگن بايسكل ، المفروض انه ظاهرة عادية الا بالعراق وبمستنقعات التخلف، سقط بيهن المتدين والكافر والملحد.

اتذكر اني مدرستي بالمتوسطة جانت بعيدة وجان ابوي لازم خط الي، بس تركته سنتين والسبب سوء الحالة المادية، جان كلش عادي ارجع مشي ٢ كليومتر ومرات بالمطر وبالحالوب ،تخيلت لو اني مثل الولد عادي اصعد بايسكل واقلل التكلفة على ابوي واگدر اصل بسرعة. واني ادري انو الأمان يلعب دور، ممكن جداً انسرق بذاك الوكت، بس على كل، هذا مو سبب رفض المجتمع.

هنا بالعراق، نسبة الرهاب الأجتماعي جاي ترتفع، تلگي هواية ناس متقيدين بشخصية وتصرفات مو الهم، خوفا من اراء الناس، واحد حتى يستحي يركض بالشارع يدري الناس راح تضل تتمحلق بيه.

يگلولون العراق قبل ، جان كل واحد عليه بنفسه محد يتدخل بالثاني ،فهذا شي محيرني، شنو الي خلا الشعب هلگد حشرية شنو الي اباح وشرع الهم التدخل بخيارات الناس وبتصرفاتهم وبشكهلم ؟

الواحد منهم يحسها فريضة عليه يكتب رأيه خصوصاً اذا جان سلبي.

اغلب الشعب العراقي عنده مشاكل عائلية واني منهم، بس اتساءل اذا اغلبنا نگدر نحدد شنو سببها؟

هل هو الأب ولا الأم ولا طباع الأهل ولا الفقر ولا هي ظاهرة متوارثة

اهم شي يكون سلس ويحمل ظروف الحياة القاسية

+اريد متجر او بيج مضبوط للبيع الهواتف وتكون اسعاره معقولة

السلام عليكم..

بعدني ما بديت تدريب وكلشي ما دارسة ، اروح للصيدلة بس صافنة. والله ومالي خلگ ادرس، احس نفسي تورطت بالصيدلة واصلا اني معقدة اجتماعياً، وكل مرة افكر هو احنا اصلا ما راح نتعين نفسيتي تراب لا مستمتعة بالعطلة ولا جاي ادرس.

هل ضروري ادخل كورس؟ احس نفسي مطشرة بين المصادر ومالي واهس افتحهن.

اريد ادخل كورس لمهند فارما شنو رأيكم بيه الي مجربينه؟

+اذا اكو احد مهتم بالكورس عليه خصم للأصدقاء بس ما عندي اصدقاء، كلت يجوز الگي نفر نفرين هنا.