u/RadiantFig7449

وش الشركات الي دوامها بدون بصمة ضروري ارجوووكم اكتبو اي شركه تعرفونها مافيها نظام البصمه وعبودية ال٨ ساعات

انا حديث تخرج خبرتي سنه واشتغل ب فل بكج حوالي ١٦ الف، كل ما اقدم على اماكن ثانيه يعرضون علي اقل..

الشركه الي انا فيها ميزانيتها شحيحه ولا اعتقد انهم بيزيدون راتبي لو اقعد معهم عشرين سنه

هل اقبل براتب اقل مقابل مستقبل افضل؟

بعد التخرج دخلت برنامج GDP، وكان المسمى الوظيفي المتوقع مايدل انها sales ابدا وتوقعت ان الشغل رهيب والمستقبل مشرق، خصوصا ان الراتب مرتفع مقارنة بالسوق على شخص فريش.

خلصت البرنامج، قدمو لي العرض الوظيفي everything sounds good so far.

بديت شغل وهذي الصدمه، مافي شي حقيقي ابسلوت بياعين ومافي اي خبره اكتسبتها غير مهارات المصريين بالتسويق no offense

الراتب مرضي، الدوام مرن واحيانا اونلاين، لكن الشغل ما احسه حقيقي متخرج بمرتبة شرف وعندي مهارات فعليه اقدر اوظفها بمكان افضل يقهر اني بذا البوزشن ولو بنيت خبره فيه اعتقد اني بتدبس فيه.

اقدم على اماكن ثانيه كلهم يعطوني راتب اقل ودوام كرف وصرت بهذي الدوامه هل اترك السيلز؟ (فلوس وراحه) عشان ارضي ضميري اني بوظيفه حقيقيه وما اندم بعد كم سنه ؟

ولا اقعد واكمل على امل انهم يرقوني الى وظيفه حقيقيه اكثر مع راتب اعلى ؟

احتاج نصيحه حقيقي.

اشوف كثير يمدحون بيئة البنك المركزي عامةً لكافة التخصصات ودي اسمع من احد عنده خبره، هل الرواتب فعلا ضخمه ومميزاته تختلف عن الجهات الاخرى ولا overrated اتمنى احد يتكلم من خبره

السلام عليكم

انا دخلت gdp وبعده وظفوني، والان ادركت ان البوزشن مو طموحي ولا مجال احبه ولا ودي اكمل فيه.

الان بحكم ان خبرتي لازالت قليلة، الاسهل علي للتوظيف هو التقديم على برامج الgdp (الوظايف المباشره يطلبون خبره ٣ سنين غالبًا فرصي قليلة جدًا انهم يقبلوني).

ومن ناحية اخرى، الجهات الكبيره الي التوظيف فيها صعب اسهل طريقة للدخول لها هو عن طريق برامج تطوير الخريجين.

السؤال، هل تشوفون انه تصرف غبي الانتقال من موظف الى متدرب gdp ؟ اخاف اني اضيع عمري على وضع المتدرب وبنفس الوقت احتاج اغير مكان عملي لكن لجهة ومنصب افضل

الميزانية ماكس ١٢٠ الف وهذي خيارات لقيتها ضمن الميزانيه وتجمع الفخامه والاستخدام اليومي

١. لكزس ارنوبه is300

٢. كاديلاك CT5

شورو علي وش الافضل او لو عندكم اقتراح مختلف

بتكون اول سيارة امتلكها وماعندي خبره كافيه بالسيارات لكن بعد بحث بسيط اعجبتني وودي اسمع راي شخص امتلكها او اقترحو علي خيارات اقتصادية يوميه وكشخه

اتكلم عن الحجاب الصحيح الكامل ( بدون اظهار الشعر او الزينه)،

كنت افضفض لاحدى الزميلات عن معاملة بعض من زملاء العمل لي وقالت لي السبب اني محجبه (ولو ان من ناحية دينيه مختلف فيه لكن الامر مجتمعي وثقافي اكثر) ومع العلم ان اسلوبي رسمي ومباشر ولا فيه لين او دلع ابدًا ابدًا

ف خطر على بالي اسال المجتمع بالمساحة الامنه هذه.. هل نظرتكم للفتاه المحجبه انها (اوبن مايند) وتتجرأ انك تكلمها في امور خارج حدود العمل؟ هل الحجاب في مكان العمل يعطيكم انطباع ان الشخص هذا يتقبل التمادي؟

احتاج جواب صريح من الطرفين

سويت مقابلة مع شركة احلامي (انا موظفه) اغلب الي نصحوني قالو انتبهي تتكلمين عن شركتك انها مو عاجبتك وانك ميته على الوظيفه وخليك واثقه ونون شالانت واقتنعت وهذا الي سويته بس حسيت شكلي طالع كاني مو مهتمه وانقهرت من نفسي … بعد المقابله التقنيه ( كانت مع عدة مدارء من القسم) كانت الاتش ار جالسه معنا فقط ما تسال ولا شي ويوم خلصت المقابله قالت فيدباك على السريع واحنا ماشين له عدة اوجه مدري وش قصدها قالت حسيتك ابدا مو متوتره وجايه تجربه ماتحاولين تبهرينهم 🥲🥲🥲 قيرل كل هذا ما انبهرتو يعني بالله وش رايكم هل هذي رد فلاق؟ لسا ما ردو علي اذا قبول او رفض بس وترتني بالفيدباك العجيب هذا

احيانا احس اني قاعدة احاول اعيش اكثر من اللازم .. كل البنات الي حواليني اكبر همومهم تسوي شوبنق على حساب ابوها او تدور حبيب وعايشين على احلى low cortisol مود مايحاولون ولا يحاربون الحياة

الله يسامحني على هذا الكلام لكن مرات احس اني انخلقت بالمكان الغلط ما انتمي لهذي العائلة .. جديًا احس اني مرات امارس الابوة على امي وابوي

انا حديثة تخرج (نيرد) طموحي عالي جدًا واعرف اني قدها
توظفت اول وظيفة ولعلها جاتني reality check مجالي مره men dominant وانا طول حياتي دراستي والجامعه كنا ١٠٠٪؜ بنات ف شوي غريب علي هذا الموضوع كنت ما اعرف وش الحدود الي مفروض تنحط بس بحكم اني توظفت بمكان الكل يشهد بأن بيئته ممتازه كنت احاول اعكس تصرفاتهم واتبناها وفعلا كانو لطيفين جدًا ويدعموني ف ماكنت شادتها ومسويه حدود قويه بيننا بالتعامل كنت مررره نون شالانت

الزبدة الان مديري المباشر يمون علي مره ويمزح معي مزحات اكورد ماودي يقولها ويسالني اشياء خاصه زي اني وين اطلع بالويكند وين يشتغل ابوي وش احب اسوي بيومي اشياء تخليني مو مرتاحه بس بنفس الوقت ما اعرف وش ارد واسوي نفسي طبيعيه وامشي الليله خصوصا انه مديري

صراحة ماعاد اتحمل كلامه دايم اقول طز وماراح اخرب الكرير حقي عشان شخص بس كم مره اذا كلمني بهذا الاسلوب وانا مضغوطه ما اتحمل وارجع البيت ابكي واحس بقرف من نفسي كيف اني ساكته واحس اني ضعيفة شخصيه او ماعرف كيف اوصف شعوري لكن ان شاءالله انه وصل

خبرتي الان تقريبا ٦ شهور هل تنصحوني اطلع ادور وظيفه ثانيه؟
مزايا وظيفتي الحاليه:
راتب يقارب ١٥ الف
دوام بدون بصمه
مجال احبه
الcons :
مديري مقرف
مافي تطور مهني واضح البوزشن لو اقعد فيه عشر سنين مابيتغير شي
خبرتي اقل من سنة للان

شورو علي

احس في كل بيت لازم هذي الاخت الي تلم العايله وتجمعهم وتفرح وتحتفل بمناسباتهم

اي نعم هذي انا

الشاهد والحزين بالموضوع يوم تخرجي محد سوا شي
حتى امي حضرت حفلي بدون ماتحط نقطة مكياج لاني انا مو موجوده احط لها .. ورجعت البيت محد مجهز لي شي وصمت عجيب

بكل حفلات افراد العايله اقوم الدنيا عشانهم ونكشخ ونحتفل توقعت يتحركون ويسوون لي شي مو لازم يكون رهيب بس يعني يفكرون فيني

حزينه جدًا حتى ورد محد عطاني مدري انا دراما ولا من حقي ازعل بس على العموم انا باخذهم نطلع مطعم نحتفل فيني لان ما راح يعدي تخرجي بالصمت هذا

علاقتي مع مديري غريبة وما احسها طبيعيه بس ماعندي benchmark اقارن فيه تعامل المدراء صراحة… انا كنت دايم اسمع اني لازم اكون رسميه وبلا بلا بلا … وهذا فعلا الي سويته

مديري هذا بديت معه تدريب بعدين توظفت ومن وقت التدريب اتوقع يشوفني بزر مع انه مب مره كبير بداية الاربعين تقريبا بس ما اهتميت كثير بكيفه

المهم بدا يسولف معي من فتره لفتره انا اعتبرك اختي وادري ان بيئة العمل جديدة عليك ويعطيني نصايح وحسيته انسان لطيف للامانه كان مريحني مره ان هذا مديري

من اول ما خلصت فترة التدريب وتوظفت تغيرت الشخصيه وبدا يسوووولف فوق الطبيعي لدرجة ما اعرف كيف اوقفه يسالني خوالي من وين ويسالني بالاجازه وين سافرت ويسالني وش اسوي بيومي ويسالني عن وظيفة ابوي خلاااااااااص

ماكنت اقدر اكرشه لاني احترمه وطول الفترة الي قبل كان انسان محترم واقدرّه لانه ساعدني كثير غير طبعا السبب الاساسي انه مديري وماودي تصير علاقتنا سيئه ف اسكت واجاوب اجوبه مختصره

الحاصل الان اني كل يوم ارجع البيت مليانه مشاعر سيئه وكارهه نفسي لاني احس اني غلطانه مررررررررره والوم نفسي على تصرفاتي وسوالفي معه وlowkey الموضوع مقرف وبدا ياخذ من طاقتي كثير

طبيعي انا وزميلات العمل نسوي ستريك؟ يعني مدري هم مجرد بشر ولطيفين حسيت عادي نكون اصحاب ليه شادينها اتمنى افهم وجهة نظر الي يشوفونه غلط

مره حزينه لاني اروح اسلم على جدتي بدون امي وابوي وكل واحد لحاله ببيت everything is fucked up but im still trying to act chill

المهم وش تسوون بالعيد مع امهاتكم غير زيارة الاقارب

انا موظفة جديدة و honestly idk much abt corporate etiquette ف احتاج نصيحة
مديري طلب مني ارتب لاحتفال لمناسبة لموظفة معنا بالتيم، قالي انا بحكم اني البنت الوحيدة وبفهم بالترتيبات الي تعجب صاحبة المناسبه وقلتله ابشر بس ايش تحتاج اجهز؟ قال ما ادري انتي ادرى بشغلات البنات (؟؟؟؟) جهزي كل شيء وارسلي لنا القطة وماني فاهمه وش يبيني اسوي بالضبط ف سالته اجهز شيء غير الكيك؟ قال ايه ودوري لها هديه مناسبة انتي ادرى وتعرفين لها ووهقني مره ومادري كم ميزانيتهم مابي القطه تصير مليون ومابي اصير قعيطية اجيب شيء بسيط بزياده علموني وش يجيبون هدايا بالشغل

طبيعي اني من كثر ما اني مضغوطه اجدول وقت عشان ابكي؟ يعني منهاره لكن ماعندي وقت للدراما ف الم نفسي واخلص كل شيء لازم اسويه بعدين احط لي ساعه ابكي واطلع كل الي براسي واعود لحياتي الطبيعيه؟
Idk what’s wrong w me but It’s helping me survive lol

Am I gaslighting myself or what? I feel I can pass and the material is not that hard but my scores is so disappointing. Be honest guys is it possible to pass or should I defer? I got in the first mock 54%

Guys pls anyone has all the important formulas summarized cuz im going crazy