u/Same_Dish_3337

السلام عليكم ، انا طالبة فأخر سنة من الثانوي ومعدلي ممتاز ويقدر يدخلني اي تخصص افكر فيه ، بس المشكلة انه مو فايدني لأني ضايعة ومو قادرة اقرر شنو تخصص ادخله ، كل ما فكرت بتخصص احسني بندم اذا دشيته حتى لو كان تخصص ممتاز ومافيه عيوب بس مادري احس مو قادرة اقرر لأني ابي اتخصص بشي انا صج حابته ومابي غيره بس المشكلة ماعندي هالتخصص فبالي ماكو اي تخصص حاسة اني صج حابته ومابي غيره ، للي دشوا تخصصات يحبونها وصج يحسون انه تخصصهم هو التخصص الي يمثل شخصيتهم ، شلون عرفتوه واخترتوه؟

انا طالبة ثانوي اخر سنة واتخرج وقام افكر بتخصص ما ياخذ مني كل وقتي ويكون معاشه زين لأني مو ناوية اخلي كل وقتي على الوظيفة وابي ادش مجال التجارة ف قعدت ادور على وظيفة تناسبني فيها هذي المواصفات وبنفس الوقت ابي وظيفة احبها مو ادشها بس عشان اكون فاضية ، فكرت بأداب انجليزي واني اشتغل كمدرسة لغة في جامعة الكويت او اصير دكتورة جامعة بس المشكلة الاولى تحتاج ماجستير لغويات والثانية تحتاج ابتعاث ودكتوراه وانا ماقدر ابتعث ف فكرت بالاولى بس الاولى منزمان مو فاتحينه واذا فتحوا بيصير زحمة عليه ف مو اكيد اني اجيبها وبنفس الوقت لما افكر بالوظايف الثانية حق طلبة اداب انجليزي كلها مو حابتها وهمن انا مستحيل أتوظف كأبلة بالمدارس هذا كابوسي ، واحسني ضايعة ومو عارفة شسوي والوظايف الثانية الي تطلع فلوس واحبها حيل تحتاج شغل وجهد وبتاخذ كل وقتي وجهدي ومرح اقدر ادش مجال التجارة لأني مرح اكون فاضية اصلاً** وهمن مرح اقدر امارس هواياتي الي احبها وبتصير حياتي كلها شغل وبيت واهل ومابي هالحياة انا ، ف لو احد يساعدني لأني احس محتاجة توجيه واحس اني حيل ضايعة وكل شخص اسأله يعطيني اجابة من جانبه هو شخصياً وتفكيره ومشاعره وهذا الشي انا ما اقدر اتبعه لأنها مشاعره وافكاره مو مشاعري وافكا**ري