شريكة حياة بالحلال
السلام عليكم ورحمة الله وبركاته
اتمنى الكل بخير 🤍
ناوي أتزوج بالحلال بإذن الله
والي يفضل الإنجليزي بيحصل البوست بالأكاونت، بس نزلته بالعربي لأن في ناس تفضل العربي ولكن تقريبا نفس الكلام فقط للي يفضل العربي
عنّي:
الجنسية: عماني من أم كويتية، مواليد الكويت وعايش فيها وادرس فيها
المذهب: سني
الطول: 178 سم
الدراسة:
باقيلي سنة وأتخرج هندسة كمبيوتر بإذن الله، وعندي نية أكمل لين دكتوراه إذا الشي هذا كان مناسب لنا بالمستقبل ويتم التفاهم عليه بينا
هواياتي:
ألعاب، أنمي، كرة طائرة، جاز، سوالف عميقة، أفلام، جمعة الأهل، الوناسة، الحداق، وأي شي فيه حماس أو هدوء
العمـر:
بدخل 21 إن شاء الله بشهر 11، وأفضل تكون قريبة من عمري، وإذا أكبر يكون الحد 23 سنة
شخصيتي:
إنسان محترم ووفي ويخاف الله سبحانه، أحب الصراحة والوضوح حتى لو في مشكلة تنحل، أهم شي ما تكون العلاقة مبنية على جذب
أحب الأجواء الرومنسية واللحظات الحلوة بين الطرفين، وأحب أفهم شريكتي وتفهمني
شخصيتي هادية جدًا وما أحب الإزعاج والصوت العالي
أحب العلوم والأشياء الفكرية، بس مو لازم أتكلم فيها إذا الطرف الثاني مو مهتم
مركز على دراستي، لكن إذا لقيت الشخص الصح أكيد بعطي العلاقة وقتها واهتمامها الكامل
وفي أشياء أكثر، بس هذي أغلبها
الأشياء اللي ما أتقبلها:
المبالغة بردات الفعل، عدم احترام كرامتي وحدودي كرجل، ضعف الشخصية بمعنى إن مو كل شي ينقال لها تمشي عليه وما تقدر تفرق بين الصح والغلط، اللعب بالمشاعر، والجذب
شنو أدور؟
أهم شي عندي الدين والشخصية
تكون إنسانة متفهمة وطيبة وتخاف ربها قبل أي أحد
وبالنسبة للشكل مو وايد يهمني، تكون طبيعية وتهتم بنفسها وهذا كافي بالنسبة لي
وأفضل تكون كويتية
هدفي علاقة محترمة وجدية تبدأ بالتعارف والكلام، وإذا الله كتب وكان بينا توافق تكمل للزواج
نبني مستقبلنا بإيدنا, بالحلوة والمرة مع بعض
أحترمها وتحترمني وتكون بينا مودة ورحمة بإذن الله
وبالمستقبل إن شاء الله عائلة صغيرة، يمكن 3 يهال
وأهم شي أنا أبي أسمي البنت ههههه
وآخر شي
أول سفرة لنا بإذن الله تكون مكة (كهديه مني هههه)🤍
يعطيكم العافية، والله يوفق الجميع بإذن الله تعالى