هذا التساؤل كأنه كابوس يراود اللي للحين ما اكتشف نفسه ولا عرف وش يبغى ما يبي يكون عاطل وبنفس الوقت ما يبي يعيش حياة وظيفية ما تشبهه فيظل عالق بين الاستقرار وبين رغبته في شيء مختلف والسؤال الاصعب وش هو هذا الشيء وهل اقدر انجح فيه؟
بما انه قربت المدارس وتنتهي الاجازة الصيفية سمعت ان الخطوط السعودية تسوي عروض خصم ٥٠ ٪ للرحلات الدولية منجد صح الكلام ذا ؟ لاننا بنسافر شرق اسيا باكتوبر وكنت بحجز بدري واختي قالت انتظري لين نهاية اغسطس نحجز تكون الاسعار نازلة، اعرف عشان المدارس بس معقول بالخصم هذا؟ وكيف نعرف متى الخصم واي يوم
احد جرب؟
وعموما ايش احسن خطوط للرحلات الدوليه لشرق اسيا غير السعودية؟ من ناحيه الاسعار والخدمة
رحت زيارة لشركة احلامي احضر كورس تعريف عن الشركة مره اثبتت نفسي عندهم وكنت اكتف وطلبت اسوي زياره لكل الاقسام ورحت لمدير قسم الاتش ار عرفت عن نفسي وقلت اني مهتمه اتوظف معاهم ومهتمه عن الشركة واعطيته رقم البوزيشن الي قدمت عليه بس للاسف نسيت اعطيه السيفي (:، الاغلب لاحظوني هناك قد وحبوني وكنت واكلم الكل هناك واعطي طابع ايجابي عن نفسي وانا منصدمة من نفسي لاني بالحقيقة شخص خجول وهادي ومايعرف يتكلم ويعرف عن نفسه بس جاتني فرصة زي كذا كأن ماكنت الشخص القديم...
وعقبال اتوظف معاهم
صار معي موقف وانا بفترة التجربة وصراحة للحين متضايقة منه،
مديري كان طالع اجازة من ثاني شهر لي بالوظيفة وانا كنت اشتغل مع واحد من الزملاء وكان يساعدني ويمشي معي بالشغل وفي مرة غلطت بشغلة وهو نبهني وعدل لي الغلط وخلاص انا فهمت غلطتي وتعلمت منها وانتهى الموضوع.
بس لما رجع مديري تفاجأت ان الزميل قال له عن كل شيء بشكل سلبي وتحديدا الغلط ذا... والمدير للحين كل فترة يذكرني فيه ويقولها بصوت عالي عشان يحرجني، وزميلي مكبر حجم الموضوع وشويه بهارات مع انه والله غلط تافه لدرجة ما ابغى حتى اقول وش كان صراحة🙃 هنا تضايقت يعني انا كنت اتوقع منه كزميل انه يدعمني قدام المدير ويساعدني اتطور خصوصا اني كنت بفترة تجربة حساسة وتحت التقييم مو يروح يقول للمدير عن اغلاطي يعني ايش تبغى توصل له بالضبط ؟
واللي يزعل اكثر اني كنت امدحه عند مديري وهو العكس ، انا عارفة اني غلطت خلاص وتعلمت منها وتعدلت ليش لازم توصل للمدير
ولاا اشوف كل واحد اشتغل معاه بالشركة يترصد اخطائي ويروح يقولها للمدير وانا اصغرهم وفي فرق بيننا بالسن والخبرة يعني شوي مراعاة واحترام مو كل غلطة تصير لازم تنقال للمدير
واعرف ان الشغل فيه خبث من تحت الطاولة وكل واحد يبي يثبت نفسه بس بالنهاية احنا نشتغل مع بعض مو ضد بعض! ايش فايدة تقول احنا تيم اذا نترصد اخطاء بعض
هل قد احد فيكم مر بمرحلة حس فيها انه يشتغل في مجال مو شغفه ويحس انه كان ممكن يبدع اكثر بكثير لو كان في مكان او مجال ثاني
يعني تداوم كل يوم وتسوي شغلك بس ما عندك نفس ولا حماس وما تحس بولاء للوظيفة ولا للشركة ولا حتى للتيم وتحس ان مكانك مو هنا؟
انا حاليا امر بنفس الحالة وخصوصا اني في بداية مسيرتي المهنية وصرت افكر هل هذا شعور طبيعي في البداية ويحتاج وقت لين اتعود واكتسب خبرة ولا فعلا المجال اللي دخلته مو مناسب لي,
فهل احد مر بنفس الشي وفكر يغير مجاله او مساره المهني وكيف عرفتوا ان وقت التغيير فعلا جاء وهل لما غيرتوا ارتحتوا وحسيتوا انكم اخيرا في المكان الصح؟ او انكم قررتوا تكملون في نفس المجال ومع الوقت تغير احساسكم سواء مع الخبرة او لما غيرتوا مكان العمل
ودي اسمع تجاربكم ونصايحكم لاني حاليا محتارة هل اصبر واعطي المجال فرصة اكبر او ابدأ افكر جديا في تغيير مساري
انا فريش ودوبني كملت شهرين بالوظيفه وباقي لي شهر على نهاية فترة التجربة ،والله احاول اشتغل على قد ما اقدر واتعلم بس مديري دايم يحسسني اني مقصره هو صح يساعدني مايقصر بس ولا مره تقريبا حسيت انه يمدح شغلي بالعكس دايم ينتقدني،
اول شهر هو اللي كان يعلمني وحتى البروسس ما كان كامل وواضح لي يعني كنت لسه اتعلم وانا ما افهم الا لمن امشي بالبروسس من الف الى ياء ،وثاني شهر هو طلع اجازه شهر وانا اشتغلت لحالي بدون احد يساعدني والله اجتهدت ومشيت الشغل على اللي اعرفه ولما رجع راجع شغلي وانتقدني على اشياء كثير حتى البسيطه مع اني فعلا حاولت ذاك الشهر مم كلل قلبي حتى الاشياء الي ما اشتغلت عليها فبل
،هو يقول لي انتي لك شهرين خلاص تعتبرين قديمه والمفروض تعرفين كل شي وباقي لك شهر ولو ما تحسنتي مو بيدي شي بفصلك وانا فاهمه انه طبيعي يبغى يشوف تحسن بس احس انه ضاغطني بزياده لاني للحين فيه اشياء ما افهمها او اغلط فيها وانساها وهذا من وجهة نظري طبيعي لاني ما مارست كل الشغل كثير واحتاج وقت اتعلم!!
وابغى اعرف منكم هل وضعي طبيعي او لا ولا فعلا هو قاعد يضغطني خصوصا انه ناوي بعد ما اضبط شغلي يعطيني شغل زملائي بعد وانا اخاف ينضغط علي شغل ومسؤوليات اكثر وراتبي ما يستاهل كل ذا،
وفوق ذا فيه سلبيات كثير بالمكان وانا اصلا مو مرتاحه وصرت افكر بالاستقاله وطز لو فصلوني وش ذا
ابغى اطلب تمديد فترة التجربه بس واضح من كلامي اني مو مقتنعه اني اتثبت معهم وممكن ما اكمل
بس ابغى اطلب التمديد عشان اخذ وقت اضافي واشوف اذا الوضع بيتغير او اذا اقدر اتاقلم اكثر قبل ما اخذ قرار نهائي لاني مو مرتاحة بالمكان
عندكم افكار وش ممكن اقول لهم كسبب يكون مقنع وما يبين لهم بشكل مباشر اني ناويه اطلع؟
سلام عليكم
فيه وظيفة مايكون فيها مدير فوق راسي اشتغل براحتي واجي واروح على كيفي محد يسألني؟ وشكرا