ليه الشباب كده على ريدت
ليه بييجى واحد يتكلم مع واحده على ريدت يكون متخيلها مومس مثلاً و هتتكلم معاه كانه جوزها
ليه يتعامل معاها بطريقة مش كويسه حتى لو قالتله على حدودها في الكلام من الأول و يقول كلام مش كويس
ليه الشباب عموماً مش بتحترم البنات حتى لو بنت فعلاً مشيها مش كويس ، مش من حقك تقلل منها لانها كده كده مفهومه مش هتيجي انت اللى تعمل جامد ، انت ما يخصكش بنت كويسه أو لأ ده ليها ، ربنا يسترها علينا و يهدى البنات كلها بس برده مش من حقك و مش من اخلاقك كمسلم أو كراجل عنده بنات و ستات في بيته و عيلته
نفسي بجد الشباب يحترمو البنات بغض النظر انت شايفها ازاى ممكن تكون فاهم غلط ، ي شباب اقتادو بالنبى و ما تتغرش في نفسك ، البنت اللى بتبصلها دى عادي ممكن واحد زيك يبص لاختك و ما تقولش أنا اختى لبسها محترم ، غيرك عادي ممكن يبص لاختك زى ما انت بصيت لواحده تانيه فهتترد هتترد ما تقلقش يعني
الشباب بجد بقى كتير منهم مش كويسين حتى في الواقع ما بقاش فيه احترام للبنت خالص
لو حد يعرف اسباب اللى بيحصل ده ايه ي ريت تقولو رايكو