u/Significant_Dog_971

Magwayen is the Visayan Goddess of the Sea and Afterlife

Artwork by Julia Dagandan

below is the Cebuano badlit balak invocation rendered in the Latin script

Ang tubig nagbuhi
Ang tubig kinabuhi
Tubig ang tuboran sa pangamuhi
Tubig ang nagdala sa buot sa kinabuhi
Tubig mao ang diwa nga nauna sa ubang mitna

Sa wala pay kabalangayan
Sa wala pay kapulongan
Una pa mapikas ang kawayan
Ang tubig diha na daan

Gikanap kini ni Magwayen sa halapad nga kapunawpunawan
Aron matuman iyang tuyo
Ug dungan sa nagdaganas nga balod sa kamingawan
Ang unang ginhawa mingbutho

Kini ang wahig nga pagasubayon
sa kahimugsoan ug kamatayon
ngadto sa kahimtang nga dayon
Saylo sa kasublian nga makanunayon

sa mga nasayod niini sa tiunay
diha si Magwayen nga nagbantay
sa matag anib nga milabay
sa matag hugna nga milahutay

Ang tubig nga buhi
gipatubod ni Magwayen sa kalibotan
Sa pagpausbaw sa kinabuhi
Kay kini ang matuhopong kahulogan
Nga nagdagayday sa lukopngatanan

Translation

Balaan Uyamot nga Magwayen, Inahang Kamatayon,

Manggagabay sa mitaliwan, Halangdon nga Abyan.

Tubsa ang mga kalag gikan sa pagkadaot,

kay kami nagahinaot nga dili Mo unta sila ipakatawo sa kabutang nga alaot.

Kay ang kinabuhi hamili man ug inampingan nan haw-asa kami gikan sa lawod sa kahiagoman.

O Ginoo Magwayen, Balantay sa minatay,

Ganghaan sa sulad, Ganghaan sa katahomanan,

Ganghaan sa kahiusahan nga wala ing kataposan.

Hunonga ang balod nga nagapaunlod ngadto sa ngihib sa kasakit

ug ipaabot Mo kanamo ang kahilunaan nga hingpit.