u/Silly-Zombie-9350

My father is planning to travel to Ukraine to import cooking oils is the situation there safe at the moment and what advice or precautions would you recommend for him?
Thank you

ابن عمي واحد سرسري وهامل هو الوحيد الشاذ عن العيلة من ٣ سنين حب بنت اهلها كثير محترمين ومؤدبين والبنت متعلمة صيدلانية وهو جايب بالتوجيهي ٣٤ من ١٤٠٠ اجا علي بحكيلي انه اخلي ابوي يروح يطلبله اياها عشان ممكن يخجلو انهم يردو طلب ابوي طبعا انا ما رضيت احكي مع ابوي لانه شايف انها ما بتصلحله وظل شبه يومي يحكي معي بالساعات حكيتله خلص بنقعد انا وياك مع ابوي وبتحكيله وانا بعززلك وفعلا قعد مع ابوي واول مرة اشوفه ببكي وصار يبكي بحرقة انه ندمان وانه ما بده البنت تروح منه وحلف لابوي مية يمين انه ما برجع للي كان عليه ابوي راح طلب البنت وحكى لابوها كل اشي عنه وطبعا البنت كانت تحبه كمان فوافقو الجماعة وجد من يومها اختلف كليا صار لما يقعد معنا حكيه كله موزون وبطل مشاكل وكل همه صار بيته واذا بنتفاجأ انه السنة عايد توجيهي وجايب ٨٦ الكل انصدم الولد ما كان بعرف يقرأ انجليزي جد كانت صدمة بالنسبة للكل

كنت قاعد عالمطل بالسيارة لحالي الي ساعتين مكتئب ولا بتيجي دورية شرطة بتصف جنبي حكيت هسا راح يقعد يتزانخ اجا فتحت الشباك واعطيته الهوية ولا بقلي ليش قاعد لحالك بقله متذايق شوي وكان مبين علي اني متذايق بقلي شمالك حاب تحكي قلتله والله يا ريت ولا فعلا طلع جنبي وقعد يسمعني بيجي ربع ساعة وبعدين بلش ينصحني وكان حكيه كثير حلو صراحة وخفف عني الله يخفف عنه دنيا واخره وبعدين قلي يلا روح روح صليلك ركعتين قيام ليل وصل الفجر ونام

اول اشي بالتوفيق بكرة بامتحانكم وان شاء الله بتطلعوا مجبورين الخاطر وما في داعي للتوتر او للخوف كل الموجودين موجودين لخدمتك سواء مراقبين او شرطة وكثير بكونو متعاونين بكرة اطلع بدري خذ معك هويتك ورقم جلوسك وصلي قبل متطلع وافطر منيح ىبس تطلع من الامتحان لا تراجع مع صحابك خلص الي عملته عملته والباقي عربنا بتطلع بتروح على البيت بترتاح شوي بتوكل وشوي وبلش دراسة وانسى انك قدمت امتحان ولا تشوف اجابات ولا تحضر لايفات واذا اي حد بسألك كيف قدمت قله الحمدلله عملت الي علي واذا في حد عنده نصائح يحط بالتعليقات

اليوم تاسوعاء وبكرة عاشوراء للي بده يصوم يكفر ذنوب السنة الماضية

احنا ككائنات حية بنحتاج النوم عشان استعادة الطاقة وبناء الجسم وتنظيم الهرمونات والي بتحكم بالنوم هي الساعة البيولوجية عن طريق هرمون الميلاتونين وهرمون الكورتيزول والفرق بين الساعة البيولوجية عند الانسان والحيوان انها عند الانسان ممكن توصل ل ٢٦.٣ ساعة بينما عند الحيوان ٢٤ فعشان هيك احنا كبشر بنقدر تسهر لفترات اطول وبتقل مع العمر عشان هيك الكبار بالعمر ما بقدرو يسهرو برضو و الميلاتونين هو المنظم للنوم وببدا افرازه بالزيادة بعد المغرب وبوصل اعلى مستوياته بعد منتصف الليل وبتأثر بالضوء عشان هيك اذا بدك نوم عميق لازم تنام بغرفة مظلمة وتقلل الاضائة قبل النوم وما تمسك التلفون لساعتين وهاي من النصائح لمرضى الارق اما الكورتيزول هو الهرمون الي بخليك تصحى وبعاكس عمل الميلاتونين وبنفرز بحالات التوتر عشان هيك لما تكون متوتر ما بتعرف تنام

كنت بالجامعة الاردنية وكنت منزل مواد مشتركة مع الطب عشان بعيد توجيهي وبدي ادخل طب فكنت منزل مادة الثقافة الوطنية عند دكتور عراقي فنزلت المادة c فشب سنة رابعة نصحني انه بكرة بالطب بتحتاج معدل عالي وهاي المواد لازم ترفع معدلك فروح عالدكتور وخذله عطر وقله انك بتعيد توجيهي ممكن يرفعلك العلامة والله فعلا رحت عالدكتور وشريت عطر وفتت عليه عالمكتب السلام عليكم دكتور انا طالب عندك وحاب اتشكرك على مجهودك معنا ومن هالحكي وحطيت علبة العطر عالمكتب فبسألني ايش هاي حكيتله هدية الك دكتور وحكيتله وضعي انه بعيد توجيهي عشان احول لطب ومن هالحكي فجأة صار وجهة احمر وعيونه طلعو لبرا وصار يحكيلي بترشيني انا اخر عمري انرشي من طالب امعة مثلك انا ايام العراق العظيم كنت مساعد اول صدام حسين وين كنت انت اجي باخر عمري اخذ رشوة من طالب فاشل يا صفيق انت سبب دمار الدول العربية وانت وانت وانا بحكيله دكتور مش مستاهل هالحكي يعني هدية بدك بدك ما بدك بتقدر تقلي لا شكرا صار يقلي اعطيني اسمك يا ولدي راح اخليك تحرم تفكر مجرد تفكير انك تيجيني المكتب وسحبت حالي وظليت طالع بس حكيت للشب هيك صار قلي انت صدقت وصار يضحك 🙂🙂