الحجاب بارت تو
هاي
انا على وشك اخلع الحجاب خلع نهائي يعني تقريبا ايام معدودة البوست الهدف منه مجرد مشاركة واذا في صبية او شب بحبو يعطو رايهم او شي حل معين
المهم انا من فترة قصيرة حكيت مع ابوي اني بدي اشلح الحجاب وبالاول صار يعملي محاضرة من منطلق ديني وبعدها صرت اناقشه انه اصلا مش فرض بالاسلام لحد ما انتهينا بوضع بحكيلي خليه مشان صورتي بالمجتمع وانه خيكون صعب يواجه الناس انه بنته كانت محجبة وخلعت الحجاب لحد ما انتهينا بموضوع النهديد انه يتبرا منه .بس مع هيك انا عارفة انه مجرد كلام مشان يردعني لا اكثر
انا عايشة عند ستي مش عند اهلي
دار اهلي تحت دار ستي ف حيكون الاحتكاك معهم اقل نسبيا
المهم بدي تنصحوني كيف ابلش هاي الخطوة انه خلص
يعني اول يوم رح اشلح فيه الحجاب شو اعمل وشو اقول وكيف ممكن اخفف من حدة الموقف اعطوني اي اقتراحات او حلول تهدي الوضع وتخفف منه واذا في شي صبية مرقت التجربة تحكيلي