رجوع مصر بعد ١٣ سنه غربه
بقالي ٨ سنين عايش في هولندا وخمس سنين في اوروبا ، ومع الوقت حاسس إني مش مرتاح نفسيًا ولا شايف نفسي مكمل في شمال أوروبا عمومًا. الجو، الحياة، الروتين، وحتى الناس… حاسس إنهم مش شبه شخصيتي خالص.
أنا شغال في cybersecurity/software security بقالي سنين، وعندي جنسية أوروبية، وشوية savings، مؤخرًا بدأت أفكر بشكل جدي إني أقفل صفحة هولندا نهائي وأبدأ حياة مختلفة، يا إما remote job أعيش بيه من مصر ضرايب ومعيشه ارخص ، أو أنقل إسبانيا مثلًا أو أي مكان فيه حياة أكتر وشمس وبشر وطاقة أحسن.
بس بصراحة حاسس إني واقف بين مرحلتين: لا أنا عايز أكمل corporate life بنفس الشكل، ولا عارف الخطوة الصح اللي بعد كده.
حد مر بحاجة شبه دي؟
خصوصًا ناس سابت أوروبا الشمالية أو corporate life وبدأت حياة أهدى أو remote/freelance؟
إيه الحاجات اللي كنتوا تتمنوا تعرفوها قبل ما تاخدوا القرار؟ وهل فعلًا الموضوع worth it ولا الواحد بيجري ورا وهم إن “السعادة في بلد تانية”؟
أي نصيحة أو perspective هيفرق